షడ్రుచుల కలయిక.. మనలోని భావోద్వేగాలకు ప్రతీక.. ఉగాది పచ్చడి తయారీ విధానం ఒకసారి చూద్దాం
ముందుగా ఒక టేబుల్ స్పూన్ కొత్త చింతపండును కడిగి, మెత్తబడే వరకు కప్పు గోరువెచ్చని నీటిలో నానబెట్టుకోండి.
బాగా మెత్తగా అయిన తరువాత చింతపండు గుజ్జును పిండుకుని, ఫిల్టర్ చేసుకోండి.
ఇప్పుడు ఆ గిన్నెలో మరికొన్ని నీళ్లు పోసుకొని, అందులో మూడు స్పూన్ల తరిగిన బెల్లం వేసి కలుపుకోండి.
ఆ తర్వాత, సన్నగా తరిగిన రెండు స్పూన్ల పచ్చి మామిడికాయల ముక్కలు వేసుకోండి..
మీకు ఉగాది పచ్చడి కి మరింత రుచి కావాలి అంటే.. వేయించిన డ్రై ఫ్రూట్స్, వేరుశనగపప్పు తో పాటు అరటిపండు ముక్కలు కూడా వేసుకోండి..
చివరిగా మూడు రెమ్మల వేప పువ్వు.. కొద్దిగా మిరపపొడి లేదంటే కారం.. దాంతోపాటు రుచికి తగినంత ఉప్పు..వేయాలి.
అన్నింటిని బాగా కలిపేయండి, అంతే ఎంతో రుచికరమైన ఉగాది పచ్చడి సిద్ధం.