ఐపీఎల్ 2024లో సునీల్ నరైన్ అద్భుతమైన ఫామ్‌లో ఉన్నాడు. ఇప్పటివరకు మూడు మ్యాచులు ఆడిన అతను ఒక మ్యాచులో 47, మరోక మ్యాచులో 85 పరుగులు చేశాడు.
ఈ సీజన్ లో విరాట్ కోహ్లీ 4 మ్యాచ్‌ల్లో 203 పరుగులు చేశాడు. 4 మ్యాచ్‌ల్లో 2 హాఫ్ సెంచరీలు చేశాడు. ఆరెంజ్ క్యాప్ రేసులో కోహ్లీ తొలి స్థానంలో ఉన్నాడు. గతేడాది కూడా కోహ్లీ రెండు సెంచరీలు సాధించాడు.
యువ బ్యాట్స్‌మెన్ రియాన్ పరాగ్ కూడా సెంచరీ చేసే అవకాశాలు ఉన్నాయి. పరాగ్ కేవలం 3 మ్యాచ్‌ల్లోనే విరాట్‌కు చేరువయ్యాడు.
ఈ సీజన్‌లో హెన్రిచ్ క్లాసెన్ అద్భుతంగా బ్యాటింగ్ చేస్తున్నాడు. అతను 63, 80 పరుగులు చేశాడు.
గత సీజన్ నుంచి ఫామ్‌లో ఉన్న శివమ్ దూబే అర్ధ సెంచరీ సాధించి మంచి ఫామ్ లో ఉన్నాడు.
యువ బ్యాట్స్‌మెన్ అభిషేక్ శర్మ కూడా కళ్లు చెదిరే ఫామ్ లో ఉన్నాడు. ఆరెంజ్ క్యాప్ రేసులో అభిషేక్ టాప్-5లో ఉన్నాడు.
ఏడాదిన్నర తర్వాత రీఎంట్రీ ఇచ్చిన ఢిల్లీ కెప్టెన్ పంత్ మంచి ఫామ్ లో ఉన్నాడు. ఇప్పటి వరకు ఆడిన 4 మ్యాచ్‌ల్లో 2 అర్ధశతకాలు బాదాడు.
గుజరాత్ కెప్టెన్ శుభ్మన్ గిల్ కూడా అద్భుతమైన ఫామ్‌లో ఉన్నాడు. గత సీజన్‌లో గిల్ 3 సెంచరీలు చేశాడు.