Kavin Star Movie Box Office Collection Day 10 : திரைத் துறையில் வளர்ந்து வரும் திறமைமிகு நடிகராக இருப்பவர் கவின். இவர் நடிப்பில் சமீபத்தில் வெளியான திரைப்படம், ஸ்டார். இளன் இயக்கத்தில் வெளியான இப்படம் ரிலீசுக்கு முன்னர் பெரும் எதிர்பார்ப்பை ஏற்படுத்தியதே தொடர்ந்து, கடந்த 10ஆம் தேதி திரையரங்குகளில் வெளியானது. பெரும்பாலான ரசிகர்கள் படம் எதிர்பார்த்தது போல இல்லை என்று விமர்சனத்தை கொடுத்தாலும், ஒரு சிலர் படம் மிகவும் நன்றாக இருப்பதாக தெரிவித்திருந்தனர். இந்த நிலையில் இப்படம் குறித்த பேச்சு கடந்த சில நாட்களாக அடங்கி விட்டது. இதற்கான காரணம் குறித்தும், படம் இதுவரை செய்த வசூல் குறித்தும் இங்கு பார்ப்போம்.
ஸ்டார் திரைப்படம்:
திரை உலகில் பெரிய நடிகனாக வேண்டும் என்ற கனவோடு வளரும் ஒரு நடுத்தர குடும்பத்தை சேர்ந்த இளைஞனுக்கு அவன் வாழ்வில் ஏற்படும் போராட்டங்கள் தான் ஸ்டார் படத்தின் கதை. இறுதியில் அந்த இளைஞன் தன் கனவை எட்டிப்பிடித்தானா அல்லது அனைத்தையும் விட்டுவிட்டு குடும்ப வாழ்க்கையை பார்த்தானா, என்பதற்கு பதிலாக வருவதுதான் கிளைமாக்ஸ்.
இப்படத்தில் ஹீரோவாக முதலில் ஹரிஷ் கல்யாண் நடிக்க இருந்தார். ஒரு சில காரணங்களால் அவர் இப்படத்திலிருந்து விலக இந்த வாய்ப்பு கவினுக்கு சென்றது. லிஃப்ட், டாடா படம் மூலம் மக்கள் மத்தியில் நல்ல பெயரை பெற்ற கவின் இந்த கதை மூலமாகவும் அனைவரும் மனங்களிலும் இடம் பெறுவார் என எதிர்பார்க்கப்பட்டது.
நடிகராக வெற்றி..
கவின், ஸ்டார் திரைப்படத்தில் தனக்கு கொடுத்த வேலையை சரியாக செய்து கொடுத்திருக்கிறார். ஆரம்பக் கட்சி முதல் கிளைமாக்சில் கதறிகளும் காட்சி வரை, அணைத்து இடங்களிலும் உயிரைக் கொடுத்து நடித்திருக்கிறார். இதுவரை அவர் நடித்த படங்கள் அனைத்திலும், பெண்களுக்கு பிடித்த கதாபாத்திரத்திலும், சாதாரண இளைஞரின் கதாபாத்திரத்திலும் தான் நடித்திருக்கிறார். ஆனால் இப்படம் அவரது சினிமா பயணத்திலேயே பெரும் திருப்புமுனையை ஏற்படுத்தும் என்று விமர்சனகளால் கூறப்பட்டது.
மேலும் படிக்க | Star Movie Review : கவினின் ‘ஸ்டார்’ படத்திற்கு 5 ஸ்டார் தரலாமா? தெளிவான திரை விமர்சனம்!
கலையான விமர்சனங்கள்:
கவின் ஸ்டார் படத்திற்கு அப்படத்தின் இயக்குனர் உட்பட படக்குழுவினர் பலரும், அனைத்து ஊடகங்களுக்கும் சென்று நேரடியாக பிரமோஷன் வேலைகளில் ஈடுபட்டனர். அதுமட்டுமின்றி, ஸ்டார் படத்தின் டிரைலர் அனைவரும் வரவேற்பையும் பெற, படத்தின் மீது இருந்த எதிர்பார்ப்பை எக்கச்சக்கமாக எகிற வைத்தது. ஆனால் படம் வெளியான இரண்டு நாட்களுக்கு பிறகு வந்த விமர்சனங்கள் ரசிகர்கள் ஏமாற்றம் அடையும் வகையில் இருந்ததாக குறிப்பிட்டிருந்தன.
படத்தின் முதல் பாதி சென்றதே தெரியவில்லை என்ற விமர்சனமும், அடுத்த பாதி மிகவும் நீளமாக இருந்ததாகவும் படம் பார்த்தவர்கள் கூறியிருந்தனர். இது படத்திற்கு மிகவும் பின்னடைவாக இருப்பதாகவும் சொல்லப்பட்டது.
இதுவரை செய்யப்பட்ட வசூல்:
ஸ்டார் திரைப்படம், வெளியான முதல் நாளிலேயே ஒரு கோடிக்கும் அதிகமாக உலகளவில் கலெக்ட் செய்ததாக கூறப்பட்டது. படம் வெளியாகி 10 நாட்களே ஆகியிருக்கும் நிலையில் இப்படம் குறித்த பேச்சுகளும், விவாதங்களும் சற்று அடங்கி இருக்கின்ற. வார இறுதி நாட்கள் தற்போது முடிந்திருக்கும் நிலையில் இப்படம், ஞாயிற்றுக்கிழமை மட்டும் 1.1 கோடி ரூபாய் வசூல் செய்ததாக கூறப்படுகிறது. மொத்தமாக இந்திய அளவில், இப்படம் 16.95 கோடி ரூபாய் வசூலித்துள்ளதாக தகவல்கள் வெளியாகி உள்ளது. இதற்கு முன்னர் வெளியான கவினின் டாடா திரைப்படம் இதைவிட அதிக அளவில் வசூலி தெரிந்தது குறிப்பிடத்தக்கது.
மேலும் படிக்க | ‘ஸ்டார்’ படத்தில் நடிக்க கவின் வாங்கிய சம்பளம் எவ்வளவு? இவ்ளோ பெரிய அமவுண்டா!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
