ଭାରତରେ ରହିଛି ଏପରି ୬ଟି ସ୍ଥାନ, ଯେଉଁଠାରେ ଦେଶର ଲୋକଙ୍କୁ ଯିବାକୁ ମିଳି ନଥାଏ ଅନୁମତି; କେବଳ ବିଦେଶୀଙ୍କୁ ମିଳିଥାଏ ଏଣ୍ଟ୍ରି

ନୂଆଦିଲ୍ଲୀ: No Indians allowed, Only foreigners: ଭାରତରେ ଭ୍ରମଣ କରିବା ପାଇଁ ଅନେକ ସ୍ଥାନ ଅଛି, ଯେଉଁଠାରେ ପ୍ରତିବର୍ଷ ବହୁ ସଂଖ୍ୟକ ଲୋକ ବୁଲିବାକୁ ଆସନ୍ତି । କିନ୍ତୁ ଆପଣ ଜାଣନ୍ତି କି ଆପଣଙ୍କ ଦେଶରେ ଏପରି କିଛି ସ୍ଥାନ ଅଛି ଯେଉଁଠାରେ ଦେଶର ନାଗରିକଙ୍କୁ ସେଠାରେ ଯିବାର କୌଣସି ଅନୁମତି ନାହିଁ । ଅର୍ଥାତ୍ କେବଳ ଦେଶର ଲୋକମାନେ ସେଠାକୁ ଯାଇପାରିବେ ନାହିଁ ଓ କେବଳ ବିଦେଶୀ ପର୍ଯ୍ୟଟକମାନେ ଏହି ସ୍ଥାନଗୁଡିକ ଭ୍ରମଣ କରିପାରିବେ । ଆସନ୍ତୁ ସେଗୁଡ଼ିକ ବିଷୟରେ ଜାଣିବା...

ବେଙ୍ଗାଲୁରୁ ସହରରେ ଏପରି ଏକ ସ୍ଥାନ ଅଛି ଯେଉଁଠାରେ କେବଳ ଭାରତୀୟ (Indian) ଯାଇପାରିବେ ନାହିଁ । ଏହି ସ୍ଥାନଟି ୟୁନୋ-ଇନ୍ ନାମକ ଏକ ହୋଟେଲ (Uno-in-Hotel Bangalore) । ସହରର ଏହି ହୋଟେଲ ୨୦୧୨ ମସିହାରେ ନିର୍ମାଣ ହୋଇଥିଲା । ଏହି ହୋଟେଲକୁ କେବଳ ଜାପାନୀ ଲୋକମାନେ (Japanese) ଯାଇପାରିବେ । ଏହି ହୋଟେଲରେ ଭାରତୀୟଙ୍କ ପାଇଁ ଏଣ୍ଟ୍ରି ନଥିଲା । ହୋଟେଲ ଆରମ୍ଭ ହେବାର ଦୁଇ ବର୍ଷ ପରେ ଜାତିଗତ ଭେଦଭାବ ଅଭିଯୋଗ ଯୋଗୁଁ ଏହି ହୋଟେଲ ବନ୍ଦ କରିଦିଆଯାଇଥିଲା ।

ହିମାଚଳ ପ୍ରଦେଶର କାସୋଲରେ ଅବସ୍ଥିତ ଫ୍ରି କାସୋଲ କାଫେ (Free Kasol Cafe, Himachal Pradesh) ରେ ଭାରତୀୟଙ୍କ ପ୍ରବେଶ ନିଷେଧ । ଏହି କାଫେ ଇସ୍ରାଏଲର ମୂଳ ଲୋକଙ୍କ (Israeli) ଦ୍ୱାରା ପରିଚାଳିତ । ୨୦୧୫ ମସିହାରେ କାଫେ ଜଣେ ଭାରତୀୟ ମହିଳାଙ୍କ ସର୍ଭ କରିବାକୁ ମନା କରିଦେଇଥିଲା । କାଫେ କହିଥିଲା ଯେ ସେମାନେ କେବଳ ସେମାନଙ୍କର ସଦସ୍ୟମାନଙ୍କୁ ସର୍ଭ କରନ୍ତି । ଏହି ଘଟଣା ପରେ କାଫେକୁ ମଧ୍ୟ ବହୁ ସମାଲୋଚନା କରାଯାଇଥିଲା ଓ ଏହା ଉପରେ ବର୍ଣ୍ଣ ଭେଦଭାବ ଅଭିଯୋଗ ମଧ୍ୟ ଆସିଥିଲା । ଆପଣଙ୍କୁ କହି ରଖୁଛୁ ଯେ କାଫେ ଚାରିପାଖରେ ଥିବା ସମସ୍ତ ସାଇନ୍ ବୋର୍ଡ ମଧ୍ୟ ହିବ୍ରୁ ଭାଷାରେ ଅଛି ।

ଚେନ୍ନାଇର ରେଡ୍ ଲଲିପପ୍ ହଷ୍ଟେଲ (Red Lollipop Hostel) ରେ ଏହାର ସେବା ଯୋଗୁଁ ବର୍ଣ୍ଣ ଭେଦଭାବ ଅଭିଯୋଗରେ ଘେରି ରହିଛି । ହଷ୍ଟେଲରେ ପ୍ରବେଶ ପାଇଁ କୌଣସି ବ୍ୟକ୍ତିଙ୍କୁ ପାସପୋର୍ଟର ଆବଶ୍ୟକ ହୋଇଥାଏ । ଏଭଳି ପରିସ୍ଥିତିରେ ଏହି ହଷ୍ଟେଲ ଭାରତର ସାଧାରଣ ନାଗରିକଙ୍କୁ ଏହାର ସେବା ଯୋଗାଉ ନାହିଁ । ହୋଟେଲ ଦାବି କରିଛି ଯେ ସେ ପ୍ରଥମ ଥର ପାଇଁ ଭାରତ ପରିଦର୍ଶନ କରୁଥିବା ପର୍ଯ୍ୟଟକଙ୍କୁ ସେବା ଯୋଗାଉଛି ।

ସମୁଦ୍ର କୂଳରେ ଅବସ୍ଥିତ ଗୋଆ, ଦେଶ ତଥା ବିଦେଶରୁ ପର୍ଯ୍ୟଟକଙ୍କ ଦ୍ୱାରା ଭର ହୋଇଥାଏ । ଅନେକ ଦେଶର ଲୋକମାନେ ଏଠାକୁ ଆସନ୍ତି ଓ ସେମାନଙ୍କର ଛୁଟିଦିନ ପାଳନ କରନ୍ତି । କୁହାଯାଏ ଯେ ଏଠାରେ ଏପରି ଅନେକ ବେଳାଭୂମି ଅଛି ଯେଉଁଠାରେ କେବଳ ବିଦେଶୀ ପର୍ଯ୍ୟଟକଙ୍କୁ ଏଣ୍ଟ୍ରି ମିଳିଥାଏ । ଦେଶର ପର୍ଯ୍ୟଟକମାନଙ୍କୁ ଏହି ବେଳାଭୂମି ପରିଦର୍ଶନ କରିବାକୁ ବାରଣ କରାଯାଇଛି ।

ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ (Andaman and Nicobar Islands) ରେ ଉତ୍ତର ସେଣ୍ଟିନେଲ ଦ୍ୱୀପ (North Sentinel Island) ମଧ୍ୟ ଅଛି, ଯେଉଁଠାରେ କେବଳ ଆଦିବାସୀମାନେ ବାସ କରନ୍ତି  ।  ଏହି ଦ୍ୱୀପର ବାହ୍ୟ ଜଗତ ସହିତ ସମ୍ପର୍କ ନାହିଁ । ୨୦୧୮ରେ ଜଣେ ଆମେରିକୀୟ ଖ୍ରୀଷ୍ଟିଆନ ମିଶନାରୀଙ୍କ ମୃତ୍ୟୁ ପରେ ଏହି ଦ୍ୱୀପ ଚର୍ଚ୍ଚାକୁ ଆସିଥିଲା । ଉତ୍ତର ସେଣ୍ଟିନେଲ ଦ୍ୱୀପ ୨୩ ବର୍ଗ କିଲୋମିଟର ବ୍ୟାପିଛି । ଏଠାରେ ବାସ କରୁଥିବା ଆଦିବାସୀଙ୍କ ସଂଖ୍ୟା ମାତ୍ର ୧୦୦ । ଏହି ଦ୍ୱୀପରେ ବାହାରୁ ଆସୁଥିବା ଯେକୌଣସି ବ୍ୟକ୍ତିଙ୍କ ଏଣ୍ଟ୍ରିକୁ ବାରଣ ରହିଛି । 

ଏହା ବି ପଢ଼ନ୍ତୁ:-ମମତା ସରକାରଙ୍କୁ ଝଟକା ଦେଲେ ରାଜ୍ୟପାଳ ଧନଖର, ନେଲେ ଏହି ବଡ଼ ନିଷ୍ପତ୍ତି

ଏହା ବି ପଢ଼ନ୍ତୁ:-ବ୍ୟାଙ୍କ କର୍ମଚାରୀଙ୍କ ପାଇଁ ଜରୁରୀ ଖବର! ଯାଇପାରେ ଆପଣଙ୍କ ଚାକିରି, ସୁପ୍ରିମ କୋର୍ଟ ଦେଲେ ଏହି ଆଦେଶ

ଏହା ବି ପଢ଼ନ୍ତୁ:-ପୁତୁରା ଅଭିଷେକଙ୍କ ସହ ବିବାଦ ମଧ୍ୟରେ ମମତା ବାନାର୍ଜୀ ନେଲେ ଏହି ବଡ଼ ପଦକ୍ଷେପ

ଏହା ବି ପଢ଼ନ୍ତୁ:-ଇମ୍ରାନ ଖାନଙ୍କ ବଡ଼ ବୟାନ, କହିଲେ-ଭାରତ ସହ ସମ୍ପର୍କ ସୁଧାରିବାକୁ ଚାହୁଁଛି, କିନ୍ତୁ...

ଗୋଆ ପରି ପୁଡୁଚେରୀର ଅନେକ ସମୁଦ୍ର କୂଳରେ କେବଳ ବିଦେଶୀମାନଙ୍କୁ ଯିବାକୁ ଅନୁମତି ଦିଆଯାଇଛି । ମାଲିକମାନେ ଯୁକ୍ତି କରନ୍ତି ଯେ 'ବିକିନି ପିନ୍ଧିଥିବା ବିଦେଶୀ ପର୍ଯ୍ୟଟକଙ୍କୁ' ଅସଦାଚରଣରୁ ରକ୍ଷା କରିବା ପାଇଁ ସେମାନେ ଏହା କରନ୍ତି ।