ଆଜି ସାରା ରାଜ୍ୟରେ ଲାଗୁ ହେବ ନାଇଟ କର୍ଫ୍ୟୁ

ଭୁବନେଶ୍ୱର: କୋରୋନାର ନୂଆ ଷ୍ଟ୍ରେନ୍ (COVID-19 New Strain) ଚିନ୍ତା ବଢ଼ାଇଦେଇଛି । ଏହାକୁ ଦୃଷ୍ଟିରେ ବିଭିନ୍ନ କଟକଣା ଲାଗୁ କରାଯାଉଛି । ଏହି କ୍ରମରେ ନୂଆ ବର୍ଷ ପୂର୍ବରୁ ରାଜ୍ୟରେ ନାଇଟ କର୍ଫ୍ୟୁ (Night Curfew) ଲାଗୁ ହୋଇଛି । ରାଜ୍ୟ ସରକାର (Odisha Govt) ଆଜି(ଗୁରୁବାର) ରାତି ୧୦ଟାରୁ ଆସନ୍ତାକାଲି(ଶୁକ୍ରବାର) ସକାଳ ୫ଟା ଯାଏଁ ନାଇଟ କର୍ଫ୍ୟୁ ଲାଗୁ କରିଛନ୍ତି । ଏନେଇ  ଟ୍ୱିଟ୍ କରି ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା ।

ଅଧିକ ପଢ଼ନ୍ତୁ:-ଭାଗ୍ୟ ୨୦୨୧: ଜାଣନ୍ତୁ ଦୁନିଆ, ଭାରତ, ଓଡ଼ିଶା ଓ ଆପଣଙ୍କ ପାଇଁ କେମିତି ରହିବ ନୂଆ ବର୍ଷ

Govt of Odisha imposing Night curfew from 10pm of tonight to 5AM tomorrow morning across the state. General public requested to cooperate. All essential services& movements are allowed to continue during curfew hours. @CMO_Odisha @IPR_Odisha @SecyChief @odisha_police @SRC_Odisha

— Pradeep Jena IAS (@PradeepJenaIAS) December 31, 2020

ଏହି ନାଇଟ କର୍ଫ୍ୟୁ ସମୟରେ ଅତ୍ୟାବଶ୍ୟକ ସେବା ଜାରି ରହିବ । ଏଥିରେ ସହଯୋଗ କରିବା ପାଇଁ ରାଜ୍ୟବସୀଙ୍କୁ ଏସଆରସି ନିବେଦନ କରିଛନ୍ତି । ସେପଟେ ରାତି ୧୦ଟା ବଦଳରେ ରାତି ୯ଟାରୁ ଟୁଇନ ସିଟିରେ ଲାଗୁ ହେବ ନାଇଟ କର୍ଫ୍ୟୁ । ବିନା କାରଣରେ ବାହାରେ ବୁଲିଲେ ଗିରଫ ହୋଇପାରନ୍ତି । ନୂଆ ବର୍ଷ ପାଳନ ବେଳେ କଟକଣା ଲାଗୁ କଲା କମିଶନରେଟ ପୋଲିସ । ଆଜି ରାତି ୯ଟା ପରେ ଟୁଇନ ସିଟିରେ ଲାଗୁ ହେବ ଧାରା ୧୪୪ । ସେହିପରି ଟୁଇଟ ସିଟି ସୁରକ୍ଷା ପାଇଁ ୪୦ ପ୍ଲାଟୁନ ପୋଲିସ ଫୋର୍ସ  ମୁତୟନ ହେବେ ।

ଅଧିକ ପଢ଼ନ୍ତୁ:-LPG ସିଲିଣ୍ଡର ଓ ରାସନ କାର୍ଡକୁ ନେଇ ଏହି ଗୁରୁତ୍ୱପୂର୍ଣ୍ଣ ସୂଚନା ଦେଲେ ସରକାର

ନୂଆବର୍ଷ ଓ ଜିରୋ ନାଇଟ୍ ପାଇଁ ଗହଳି ଏଡ଼ାଇବା ଲାଗି ବିଏମସି ପ୍ରସ୍ତୁତ ଅଛି । ଭୁବନେଶ୍ୱରରେ ଥିବା ବିଭିନ୍ନ ପର୍ଯ୍ୟଟନ ସ୍ଥଳୀରେ ଆସନ୍ତାକାଲି ଭିଡ଼ ନୟନ୍ତ୍ରଣ ପାଇଁ ବିଏମସି ମାଇକ୍ ଦ୍ୱାରା ପ୍ରଚାର ପ୍ରସାର କରିବ‌ । ତିନୋଟି ଜୋନ୍ ରେ ୨ଟି ଲେଖାଏଁ ସ୍ୱାର୍ଡ ଗଠନ କରାଯାଇଛି । ରାଜ୍ଯ ସରକାର ଆଜି ନାଇଟ୍ କର୍ଫ୍ୟୁ ଜାରି କରିଛନ୍ତି । ଆମ ଟିମ୍ ମଧ୍ୟ ରାତିରେ ପୋଲିସ ସହିତ ବିଭିନ୍ନ ସ୍ଥାନରେ ପାଟ୍ରୋଲିଂ କରିବେ ବୋଲି ବିଏମସି କମିଶନର କହିଛନ୍ତି ।