ମହିଳାଙ୍କ ମୃତ୍ୟୁକୁ ନେଇ ଭିମସାର କୋଭିଡ ହସ୍ପିଟାଲରେ ଉତ୍ତେଜନା

ସମ୍ୱଲପୁର: ବୁର୍ଲା ଭିମସାର କୋଭିଡ ହସ୍ପିଟାଲ ୧ (Burla Vimsar Covid Hospital 1) ରେ ଉତ୍ତେଜନା । ଜଣେ ରୋଗୀଙ୍କ ମୃତ୍ୟୁକୁ ନେଇ ଉତେଜନା ଦେଖାଦେଇଛି । ସମ୍ବଲପୁର (Samblpur) ଜିଲ୍ଲାରୁ ଜଣେ ମହିଳାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡିବାରୁ ଭିମସାରକୁ ଚିକିତ୍ସିତ ହେବାକୁ ଆସିଥିଲେ । ଏଠାରେ ସେ କୋରୋନା ଆକ୍ରାନ୍ତ ଚିହ୍ନଟ ହୋଇଥିଲେ । କୋରୋନା ଆକ୍ରାନ୍ତ ଚିହ୍ନଟ ହେବା ପରେ ଭିମସାରର କୋଭିଡ ହସ୍ପିଟାଲ ୧ରେ ଗତକାଲି ଚିକିତ୍ସିତ ହେଉଥିଲେ । ହେଲେ ଆଜି ସକାଳୁ ତାଙ୍କର ମୃତ୍ୟୁ ହୋଇଥିବା ଖବର ପାଇଥିଲେ ପରିବାର ବର୍ଗ ।

ଅଧିକ ପଢ଼ନ୍ତୁ:-ଆଉ ୨୪ ଘଣ୍ଟା କାଳବୈଶାଖୀ, ପୁଣି ବଢିବ ତାତି

ମୃତ୍ୟୁ ଖବର ପାଇବା ପରେ ମୃତକଙ୍କ ସମ୍ପର୍କୀୟଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା । ମୃତକଙ୍କ ପରିଜନ ମାନେ କୋଭିଡ ହସ୍ପିଟାଲ ୧ ଭିତରେ ପାଟିତୁଣ୍ଡ କରିବା ସହିତ ସେଠାରେ ଥିବା ଚେୟାର ଟେବୁଲ ସବୁକୁ ଭାଙ୍ଗି ଦେଇଥିଲେ । ଖବର ପାଇ ବୁର୍ଲା ପୋଲିସ ସଦଳବଳେ ଘଟଣା ସ୍ଥଳକୁ ଆସି ମୃତକର ପରିଜନଙ୍କୁ ବୁଝାସୁଝା କରିଥିଲେ । ତେବେ ଚିକିତ୍ସା ଅଭାବରୁ ମହିଳାଙ୍କ ମୃତ୍ୟୁ ହୋଇଥିବା ପରିବାର ପକ୍ଷରୁ ଅଭିଯୋଗ ହୋଇଛି ।