Bihar Accident: ଭୋଜି ଖାଇ ଘରକୁ ଫେରୁଥିବା ଲୋକଙ୍କ ଉପରେ ଚଢ଼ିଗଲା ଟ୍ରେକ୍; ୧୨ ମୃତ, ଏକାଧିକ ଆହତ

Bihar Accident: ସୂଚନା ମୁତାବକ, ଗାଁରେ ଭୋଜି ଖାଇବା ପରେ ସମସ୍ତ ଲୋକ ରାସ୍ତା କଡ଼ରେ ଏକାଠି ହୋଇ ଘରକୁ ଫେରୁଥିଲେ । ଏହି ସମୟରେ ଟ୍ରକର ଡ୍ରାଇଭର ସେମାନଙ୍କ ଉପରେ ଗାଡ଼ି ଚଢ଼ାଇ ଦେଇଥିଲା । ଏହି ଦୁର୍ଘଟଣାରେ ୧୨ ଜଣଙ୍କର ମୃତ୍ୟୁ ହୋଇଥିବା ସ୍ଥାନୀୟ ଲୋକ କହିଛନ୍ତି ।

Bihar Accident: ବିହାରରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏହି ଭୀଷଣ ସଡ଼କ ଦୁର୍ଘଟଣାରେ ଅତି କମରେ ୧୨ ଜଣଙ୍କ ମୃତ୍ୟୁ ଘଟିଛି । ଏହାସହ ଏକାଧିକ ଲୋକ ଆହତ ହୋଇଥିବାର ସୂଚନା ରହିଛି । ଏହି ଦୁର୍ଘଟଣାଟି ବିହାର (Bihar) ର ହାଜିପୁର (Hajipur Road Accident) ରେ ରବିବାର ରାତିରେ ଘଟିଛି । ଏକ ହାଇ ସ୍ପିଡ୍ ଅନିୟନ୍ତ୍ରିତ ଟ୍ରକ ଡ୍ରାଇଭର ଅନେକ ଲୋକଙ୍କ ଉପରେ ଟ୍ରକ୍ ଚଢ଼ାଇଦେଇଥିଲା । ସୂଚନା ମୁତାବକ, ଗାଁରେ ଭୋଜି ଖାଇବା ପରେ ସମସ୍ତ ଲୋକ ରାସ୍ତା କଡ଼ରେ ଏକାଠି ହୋଇ ଘରକୁ ଫେରୁଥିଲେ । ଏହି ସମୟରେ ଟ୍ରକର ଡ୍ରାଇଭର ସେମାନଙ୍କ ଉପରେ ଗାଡ଼ି ଚଢ଼ାଇ ଦେଇଥିଲା । ଏହି ଦୁର୍ଘଟଣାରେ ୧୨ ଜଣଙ୍କର ମୃତ୍ୟୁ ହୋଇଥିବା ସ୍ଥାନୀୟ ଲୋକ କହିଛନ୍ତି । ଏଥିସହ ଅନେକ ଲୋକ ଗୁରୁତର ଆହତ ହୋଇଛନ୍ତି । ଏଭଳି ପରିସ୍ଥିତିରେ ମୃତ୍ୟୁ ସଂଖ୍ୟା ମଧ୍ୟ ବଢ଼ିପାରେ । ମୃତ୍ୟୁ ସଂଖ୍ୟା ସମ୍ପର୍କରେ ଏପର୍ଯ୍ୟନ୍ତ କୌଣସି ଆଧିକାରୀକ ବୟାନ ଆସିନାହିଁ ।

କୁହାଯାଉଛି ଯେ, ମୃତମାନଙ୍କ ମଧ୍ୟରେ ଛୋଟ ପିଲାମାନେ ମଧ୍ୟ ସାମିଲ ଅଛନ୍ତି । କିଛି ପିଲା ମଧ୍ୟ ସେମାନଙ୍କ ସମ୍ପର୍କୀୟମାନଙ୍କ ସହିତ ଭୋଜି ଖାଇବାକୁ ଯାଇଥିଲେ । ଏହି ଘଟଣା  ବୈଶାଲୀ ଜିଲ୍ଲାର ଦେସାରୀ ପୋଲିସ ଷ୍ଟେସନ ଅଧୀନରେ ଥିବା ସୁଲତାନପୁର ଗାଁରେ ଘଟିଛି । ଏହି ଘଟଣା ପରେ ଘଟଣାସ୍ଥଳରେ ଉପସ୍ଥିତ ଗ୍ରାମବାସୀଙ୍କ ମଧ୍ୟରେ ଆତଙ୍କ ଖେଳି ଯାଇଥିଲା । ସ୍ଥାନୀୟ ଲୋକଙ୍କ ସହାୟତାରେ ଆହତମାନଙ୍କୁ ଜିଲ୍ଲା ଡାକ୍ତରଖାନା ନିଆଯାଇଛି । ଘଟଣା ପରେ ହାଜିପୁର ସଦର ଡାକ୍ତରଖାନାରୁ ଏକ ଶବ ବାହନ ଓ ଆମ୍ବୁଲାନ୍ସ ପଠାଯାଇଛି ।

ଏହି ଭୟଙ୍କର ଦୁର୍ଘଟଣାରେ ଟ୍ରକର ଡ୍ରାଇଭରଙ୍କ ଷ୍ଟିଅରିଂ ଫସି ଯାଇଥିଲା । ସେ ମଧ୍ୟ ଗୁରୁତର ଆହତ ହୋଇଛନ୍ତି । ଘଟଣା ପରେ ଟ୍ରକଟି ଏକ ଗଛ ସହିତ ଯାଇ ଧକ୍କା ହୋଇଥିଲା । ସ୍ଥାନୀୟ ଲୋକ କହିଛନ୍ତି ଯେ, ଗାଁରେ ନେବତନ ପୂଜା ଥିଲା । ଏହି ପୂଜାରେ ସାମିଲ ହେବା ପାଇଁ ଲୋକମାନେ ପିଲାମାନଙ୍କ ସହିତ ଯାଇଥିଲେ । ସେମାନେ ସେଠାରେ ରାତ୍ରୀ ଭୋଜନ କରିବା ପରେ ଫେରୁଥିଲେ । ଏହି ସମୟରେ ଏହି ସଡ଼କ ଦୁର୍ଘଟଣା ଘଟିଛି ଓ ​​ଯେଉଁଥିରେ ଲୋକମାନଙ୍କ ସହ ଏପରି ଘଟିଲା ।

ସେପଟେ କଂଗ୍ରେସ ବିଧାୟକ ପ୍ରତୀମା ଦାସ ଘଟଣା ସମ୍ପର୍କରେ ସୂଚନା ପାଇବା ପରେ ଘଟଣାସ୍ଥଳରେ ପହଞ୍ଚିଥିଲେ । ଏହି ଘଟଣା ଉପରେ ସମବେଦନା ଜଣାଇ ସେ କହିଛନ୍ତି ଯେ, ଲୋକମାନେ କହୁଛନ୍ତି କି ୧୦ରୁ ୧୨ ଜଣଙ୍କର ମୃତ୍ୟୁ ଘଟିଛି । ବର୍ତ୍ତମାନ ଆମେ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛୁ । ଆହତମାନଙ୍କୁ ଚିକିତ୍ସା ପାଇଁ ପଠାଯାଇଛି । ଡିଏମ୍ ଓ ଏସପି ମଧ୍ୟ ଘଟଣାସ୍ଥଳରେ ଆସୁଛନ୍ତି । ପ୍ରତୀମା ଦାସ କହିଛନ୍ତି ଯେ, ଲୋକମାନେ କହୁଛନ୍ତି ଯେ ଟ୍ରକର ଡ୍ରାଇଭର ନିଶା କରିଥିଲା ।

ଏହି ଭୟଙ୍କର ଦୁର୍ଘଟଣା ପରେ ଅନେକ ମୃତଦେହ ରାସ୍ତାରେ ବିଛାଡି ହୋଇଯାଇଥିଲା ।  ଘଟଣାର ସୂଚନା ପାଇବା ପରେ ଘଟଣାସ୍ଥଳରେ ଲୋକଙ୍କ ଭିଡ଼ ଜମିଥିଲା । ମୃତକଙ୍କ ସମ୍ପର୍କୀୟଙ୍କ ମଧ୍ୟରେ ଶୋକର ଲହର ଖେଳିଯାଇଥିଲା । ସ୍ଥାନୀୟ ପୋଲିସ ଷ୍ଟେସନର ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଛି । ଆହତଙ୍କ ସହ ବାକି ମୃତଦେହକୁ ମଧ୍ୟ ସଦର ଡାକ୍ତରଖାନାକୁ ପଠାଯାଇଛି ।