କେବେ ଶେଷ ହେବ କୋରୋନା? WHO ମୁଖ୍ୟ ଦେଲେ ଏହି ବଡ଼ ବୟାନ

ନୂଆଦିଲ୍ଲୀ: WHO on Coronavirus New Variant Omicron: ସାରା ଦୁନିଆରେ ପୁଣି ଥରେ କୋରୋନା ଭୂତାଣୁ ମାମଲା (Coronavirus Cases) ଦ୍ରୁତ ଗତିରେ ବଢ଼ିବାରେ ଲାଗିଛି । ଏହା ପଛରେ କୋରୋନା (COVID-19) ର ନୂଆ ଭାରିଆଣ୍ଟ ଓମିକ୍ରନ୍ (New Variant Omicron) ରହିଛି ବୋଲି କୁହାଯାଉଛି । ସେହିପରି ଏହି ଓମିକ୍ରନ୍ (Omicron) ଭାରିଆଣ୍ଟର ଅନ୍ତ ସହ କୋରୋନା ଭୂତାଣୁ ମଧ୍ୟ ଶେଷ ହୋଇଯିବ ବୋଲି ଚର୍ଚ୍ଚା ଜୋର ଧରିଛି । ଏହି ସମୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ (World Health Organization-WHO) କହିଛି ଯେ, ଓମିକ୍ରନ୍ କୋରୋନାର ଶେଷ ଭାରିଆଣ୍ଟ ହେବ ବୋଲି ଭାବିବା ବିପଜ୍ଜନକ ଓ ଆମେ ଏହି ମହାମାରୀର ଶେଷ ପର୍ଯ୍ୟାୟରେ ଅଛୁ । 

WHO ର ମୁଖ୍ୟ ଡାକ୍ତର ଟେଡ୍ରୋସ୍ ଆଡାନୋମ୍ ଗେବ୍ରେଏସସ୍ (WHO Chief Tedros Adhanom Ghebreyesus) କହିଛନ୍ତି ଯେ, କୋଭିଡ-19 ମହାମାରୀ (COVID-19 Epidemic) କିପରି ଶେଷ ହୋଇପାରିବ ଓ ଏହାର ଦ୍ରୁତ ବିସ୍ତାର କିପରି ଶେଷ ହୋଇପାରିବ ସେଥିପାଇଁ ଭିନ୍ନ ଭିନ୍ନ ପରିଦୃଶ୍ୟ ରହିଛି । ସେ ଏହା ସ୍ପଷ୍ଟ କରିଛନ୍ତି ଯେ, ଓମିକ୍ରନ୍ (Omicron) ପରେ କୋରୋନା ଶେଷ ହେବ ବୋଲି କହିବା ବିପଜ୍ଜନକ ଅଟେ ।

ଡକ୍ଟର ଟେଡ୍ରୋସ ( Dr. Tedros Adhanom Ghebreyesus) କହିଛନ୍ତି ଯେ, ଅପରପକ୍ଷେ ଅନ୍ତର୍ଜାତୀୟ ପରିସ୍ଥିତି ଏପରି ରହିଛି ଯେଉଁଥିରେ କୋରୋନାର ଆହୁରି ଅଧିକ ଭାରିଆଣ୍ଟ ଦେଖାଯାଇପାରେ । ସେ କହିଛନ୍ତି ଯେ କୋଭିଡ ମହାମାରୀରୁ ଉତ୍ପନ୍ନ ପରିସ୍ଥିତିକୁ ପରିବର୍ତ୍ତନ କରିବା ପାଇଁ ଆମକୁ ସେହି ପରିସ୍ଥିତିକୁ ବଦଳାଇବାକୁ ପଡ଼ିବ, ଯେଉଁ କାରଣରୁ ମହାମାରୀ ବିସ୍ତାର ହେଉଛି ।

ଏହା ବି ପଢ଼ନ୍ତୁ:-ପୁରୁଷଙ୍କ ପାଇଁ ଅତ୍ୟନ୍ତ ବିପଜ୍ଜନକ ଏହି ୫ଟି ଅଭ୍ୟାସ, ଯୌନ ସ୍ୱାସ୍ଥ୍ୟ ହୋଇଯିବ ଖରାପ!

ଏହା ବି ପଢ଼ନ୍ତୁ:-ପଞ୍ଜାବର ରାଜନୈତିକ ରଣକ୍ଷେତ୍ରରେ ଓହ୍ଲାଇଲେ ସୋନୁ ସୁଦ, ପ୍ରଚାର ସମୟରେ କହିଲେ ଏହି ବଡ଼ କଥା

ଏହା ବି ପଢ଼ନ୍ତୁ:-କୋରୋନା ମାମଲାରେ ଆସିଲା ଗୁଡ୍ ନ୍ୟୁଜ୍

ସେ କହିଛନ୍ତି ଯେ, ଓମିକ୍ରନ (Omicron) କୁ କୋରୋନା ଭୂତାଣୁର ଶେଷ ଭାରିଆଣ୍ଟ ବୋଲି ଭାବିବା ଏକ ବଡ ଭୁଲ ହେବ । ଏହି କାରଣରୁ ସମଗ୍ର ବିଶ୍ୱରେ ବହୁ ସଂଖ୍ୟକ ରୋଗୀ ମିଳୁଛନ୍ତି । ଯଦିଓ ଏହି ପ୍ରକାରଟି ବିପଦପୂର୍ଣ୍ଣ ନୁହେଁ, କିନ୍ତୁ ଏଥିରୁ ନୂତନ ପ୍ରକାରର ଉତ୍ପନ୍ନ ହେବାର ଆଶଙ୍କା ଅଧିକ ରହିଛି ।

ସୂଚନାଯୋଗ୍ୟ, ମଙ୍ଗଳବାର ସକାଳେ ସ୍ୱାସ୍ଥ୍ୟ ମନ୍ତ୍ରଣାଳୟ ସର୍ବଶେଷ ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ଦେଶରେ ୨ ଲକ୍ଷ ୫୫ ହଜାର ୮୭୪ ନୂତନ କୋରୋନା ମାମଲା ଚିହ୍ନଟ ହୋଇଛି । ଏହାସହ ଗତ ୨୪ ଘଣ୍ଟା ମଧ୍ୟରେ ଦେଶରେ ୬୧୪ ସଂକ୍ରମିତଙ୍କର ମୃତ୍ୟୁ ମାମଲା ସାମ୍ନାକୁ ଆସିଛି । ସେପଟେ ଗତ ୨୪ ଘଣ୍ଟା ମଧ୍ୟରେ ଦେଶରେ ୨,୬୭,୭୫୩ ସଂକ୍ରମିତ ସୁସ୍ଥ ହୋଇଛନ୍ତି । ଅର୍ଥାତ ଗୋଟିଏ ଦିନରେ ଦେଶରେ ୧୨,୪୯୩ ସକ୍ରିୟ ମାମଲାରେ ହ୍ରାସ ଘଟିଛି । ବର୍ତ୍ତମାନ ସମୟରେ ଦେଶରେ ଦୈନିକ ପଜିଟିଭ୍ ରେଟ୍ ୧୫.୫୨ ପ୍ରତିଶତ ରହିଛି । ଗତକାଲି ଦେଶରେ ଦୈନିକ ସଂକ୍ରମଣ ଦର ୨୦.୭୫ ଥିଲା ।