'ଭାରତ ଆମର ଶତ୍ରୁ କିନ୍ତୁ ବିରାଟ ଓ ରୋହିତଙ୍କ ସମାଲୋଚନା କରିପାରିବି ନାହିଁ'

ନୂଆଦିଲ୍ଲୀ: ପାକିସ୍ତାନର ପୂର୍ବତନ ଦ୍ରୁତ ବୋଲର ଶୋଏବ ଅଖତର (Shoaib Akhtar) ପୁଣି ଥରେ ଅତ୍ୟନ୍ତ ଆଶ୍ଚର୍ଯ୍ୟଜନକ ବୟାନ ଦେଇଛନ୍ତି । ଶୋଏବ ଅଖତର ଭାରତକୁ ଶତ୍ରୁ ଦେଶ ବୋଲି କହିଛନ୍ତି । ଏକ ସାକ୍ଷାତକାରରେ ସେ (Shoaib Akhtar) ଏହା ମଧ୍ୟ କହିଛନ୍ତି ଯେ ଯଦିଓ ଭାରତ ତାଙ୍କର ଶତ୍ରୁ ଦେଶ, ତଥାପି ସେ ବିରାଟ କୋହଲି (Virat Kohli) ଓ ରୋହିତ ଶର୍ମା (Rohit Sharma) ଙ୍କ ସମାଲୋଚନା କରିପାରିବେ ନାହିଁ । ଏହା ବ୍ୟତୀତ ଶୋଏବ ଅଖତର ମଧ୍ୟ ପାକିସ୍ତାନ କ୍ରିକେଟ ଦଳ (Pakistan Cricket Team) କୁ ସମାଲୋଚନା କରିବାର ପ୍ରଶ୍ନକୁ ନେଇ ତୀବ୍ର ପ୍ରତିକ୍ରିୟା ଦେଇଛନ୍ତି ।

ଶୋଏବ ଅଖତର (Shoaib Akhtar) ପାକିସ୍ତାନୀ ୟୁଟ୍ୟୁବ ଚ୍ୟାନେଲ କ୍ରିକେଟ୍ ବାଜ ସହ ଏକ ବିଶେଷ ବାର୍ତ୍ତାଳାପ ବେଳେ କହିଛନ୍ତି ଯେ, "ମୁଁ କେବଳ ପାକିସ୍ତାନୀ ଦଳକୁ ସମାଲୋଚନା କରୁନାହିଁ । ମୁଁ ମଧ୍ୟ ଭାରତୀୟ ଦଳକୁ ବହୁତ ସମାଲୋଚନା କରିଛି । କିନ୍ତୁ ଆପଣ ବିରାଟ କୋହଲିଙ୍କୁ କିପରି ସମାଲୋଚନା କରିପାରିବେ । ବିରାଟ କୋହଲି ୧୨ ହଜାର ରନ୍ କରିଛନ୍ତି, ଆପଣ ଏହା ଉପରେ କ’ଣ କହିବେ ? ଆପଣ ତାଙ୍କ ଏତେ ଶତକ ରହିଛି କ’ଣ କରିବେ ? ରୋହିତ ଶର୍ମାଙ୍କର ୩ଟି ଡବଲ ସେଞ୍ଚୁରୀ ରହିଛି । ବୁମରା ବିଷୟରେ ଆପଣ କ’ଣ କହିବେ ? ଆମର ଶତ୍ରୁ ଦେଶ କିନ୍ତୁ ସେମାନଙ୍କ ଭିତରେ କିଛି ତ ଅଛି ।"

ଅଧିକ ପଢ଼ନ୍ତୁ:-କୋରୋନା ମୁକାବିଲାରେ ସାରା ଦୁନିଆ ପାଇଁ ଉଦାହରଣ ପାଲଟିଲା ପାକିସ୍ତାନ, ଭୁରି ଭୁରି ପ୍ରଶଂସା କଲା WHO

ଶୋଏବ (Shoaib Akhtar) କହିଛନ୍ତି ଯେ, "ବିରାଟ କୋହଲି (Virat Kohli) ଜଣେ ମହାନ ବ୍ୟାଟ୍ସମ୍ୟାନ୍ ହୋଇସାରିଛନ୍ତି, ଆପଣ ତାଙ୍କ ବିଷୟରେ କ’ଣ କହିବେ ? ମୁଁ ତାଙ୍କୁ ଏହା କହିବି କି ଯେ ସେ ହେଉଛନ୍ତି ଜଣେ ଖରାପ ଲୋକ ? ୨୦୧୦ ପୂର୍ବରୁ କୋହଲି କିଛି ନଥିଲେ । କୋହଲି ମୋ ପରି ଜଣେ ସାଧାରଣ ଯୁବକ ଥିଲେ । ବୋର୍ଡ କୋହଲିଙ୍କୁ ସମର୍ଥନ କରିଛି । ତାଙ୍କୁ ପ୍ରସ୍ତୁତ କରାଯାଇଛି । ଆମର ଦଳ ପରିଚାଳନା କିଛି କରିନାହିଁ । ଆମର ଏଠାରେ ଏପରି ଯେ କ୍ରିକେଟରଙ୍କୁ ନଷ୍ଟ କରାଯାଇଥାଏ । ସେମାନଙ୍କୁ ବର୍ବାଦ କରି ଦିଆଯାଇଥାଏ । ଯଦି କୋହଲି ରନ କରୁଛନ୍ତି, ତେବେ ତାଙ୍କ ବିଷୟରେ କ’ଣ କହିବି ?"

ଅଧିକ ପଢ଼ନ୍ତୁ:-କୋହଲି-ରୋହିତଙ୍କୁ ନେଇ ପାକିସ୍ତାନୀଙ୍କ ସହ ମୁହାଁମୁହିଁ ହେଲେ ଶୋଏବ ଅଖତର !

ଶୋଏବ ଆହୁରି କହିଛନ୍ତି, "ଆମ ଏଠାରେ ବାବର ଆଜମ (Babar Azam) ଙ୍କ ତୁଳନା ବିରାଟଙ୍କ ସହ କରାଯାଉଛି । ଆରେ ଭାଇ ତାଙ୍କୁ ଖେଳିବାକୁ ଦିଅ । ବାବର ଆଜମଙ୍କୁ ଖେଳିବା ପାଇଁ ଉତ୍ସାହିତ କରିବା ଉଚିତ । ଯଦି ଦଳରେ ଭୁଲ ଲୋକଙ୍କୁ ଚୟନ କରାଯାଏ ତେବେ ଆପଣ କ’ଣ କହିବେ ? ଯଦି ସତ୍ୟ ହଜମ ହେଉନାହିଁ ତେବେ ଏହା ମୋର ସମସ୍ୟା ନୁହେଁ । ଯଦି ଆପଣଙ୍କ ପାଖରେ ସତ ଶୁଣିବାକୁ ସାହସ ନାହିଁ ତେବେ ଆପଣ ନିଜକୁ କିପରି ସଂଶୋଧନ କରିବେ ?

ଅଧିକ ପଢ଼ନ୍ତୁ:-ଶୋଏବ ଅଖତରଙ୍କ ବଡ଼ ବୟାନ, କହିଲେ-ମୁଁ ଘାସ ଖାଇବି, କିନ୍ତୁ ପାକିସ୍ତାନୀ ସେନାର ବଜେଟ ବୃଦ୍ଧି କରିବି

ଶୋଏବ ପାକିସ୍ତାନୀ ଦଳକୁ ଭୟାଳୁ ବୋଲି କହିଛନ୍ତି । ସେ କହିଛନ୍ତି ଯେ, ଇଂଲଣ୍ଡ ଗସ୍ତରେ ଏପରି ଟେଷ୍ଟ ମ୍ୟାଚ୍ ହାରିଛନ୍ତି, ଯେମିତି କୌଣସି ଭୟାଳୁ । ଅସଦ ଶଫିକ ୮୦-୮୦ ଟେଷ୍ଟ ମ୍ୟାଚ୍ ଖେଳିଛନ୍ତି ଏବଂ ସେ ଏପରି ଖେଳୁଛନ୍ତି ଯେମିତି କି ପ୍ରଥମ ଥର ପାଇଁ ଟେଷ୍ଟ ମ୍ୟାଚ୍ ଖେଳୁଛନ୍ତି ।