କର୍ମଚାରୀଙ୍କ ପାଇଁ ବଡ଼ ଖବର; ସ୍ମାର୍ଟ ୱାଚ ମାଧ୍ୟମରେ ଟ୍ରାକ୍ ହେବ ପ୍ରତ୍ୟେକ କାର୍ଯ୍ୟକଳାପ, ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଲେ ମୁଖ୍ୟମନ୍ତ୍ରୀ

ନୂଆଦିଲ୍ଲୀ: ଷଷ୍ଠ ବେତନ ଆୟୋଗ (6th pay commission) ର ଉପହାର ପରେ ବର୍ତ୍ତମାନ ହରିୟାଣା ସରକାର (Haryana government) ସରକାରୀ କର୍ମଚାରୀ (Govt Employees) ଙ୍କୁ ନେଇ ଆଉ ଏକ ବଡ ନିଷ୍ପତ୍ତି ନେଇଛନ୍ତି । ଏହା ଅଧୀନରେ କର୍ମଚାରୀମାନଙ୍କୁ ଡ୍ୟୁଟି ସମୟରେ ଏକ ସ୍ମାର୍ଟ ୱାଚ୍ (Smart Watch) ପିନ୍ଧିବାକୁ ପଡିବ, ଯାହା ଦ୍ୱାରା ସେମାନଙ୍କର ଅବସ୍ଥାନ ଟ୍ରାକ୍ ହୋଇପାରିବ । ଏହି ସ୍ମାର୍ଟ ୱାଚ୍ ବାୟୋମେଟ୍ରିକ୍ ଆଟେଣ୍ଡାଣ୍ଟ ସିଷ୍ଟମ  (Biometric Attendance System) ର ସ୍ଥାନ ନେବ ।

ରବିବାର ସୋହାନାର ସର୍ମାଥାଲା ଗ୍ରାମରେ ଏକ ବିକାଶ ରାଲିକୁ ସମ୍ବୋଧିତ କରି ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର (Manohar Lal Khattar)  କହିଛନ୍ତି ଯେ ଖୁବ ଶୀଘ୍ର ସମସ୍ତ ସରକାରୀ କର୍ମଚାରୀ ସ୍ମାର୍ଟ ଘଣ୍ଟା (Smart Watch) ପିନ୍ଧିବାକୁ ବାଧ୍ୟ ହେବେ ଯାହା ଦ୍ୱାରା ଡ୍ୟୁଟି ସମୟରେ ସେମାନଙ୍କ ଅବସ୍ଥାନ ଟ୍ରାକ କରାଯାଇପାରିବ ଓ ଏହି ୱାଚ୍ ମାଧ୍ୟମରେ ହିଁ ସେମାନେ ନିଜର ହାଜରା ଲଗାଇବେ । ଖଟ୍ଟର ଏହା ମଧ୍ୟ କହିଛନ୍ତି ଯେ GPS ଲାଗିଥିବା ଏହି ସ୍ମାର୍ଟ ୱାଚ୍ (GPS-enabled smartwatches ) ବାୟୋମେଟ୍ରିକ୍ ଆଟେଣ୍ଡାଣ୍ଟ ସିଷ୍ଟମ (Biometric Attendance System) ର ସ୍ଥାନ ନେବ । ଏହା ଦ୍ୱାରା କର୍ମଚାରୀଙ୍କ ଉପସ୍ଥିତି ବିଷୟରେ ସମ୍ପୂର୍ଣ୍ଣ ସୂଚନା ସରକାରଙ୍କ ପାଖରେ ରହିବ ।

ଆମେ ଆପଣଙ୍କୁ କହି ରଖୁଛୁ ଯେ ପୂର୍ବରୁ ଅଫିସକୁ ଯାଉଥିବା କର୍ମଚାରୀମାନଙ୍କୁ ବାୟୋମେଟ୍ରିକ୍ ମେସିନ୍ ମାଧ୍ୟମରେ ପ୍ରବେଶ ଓ ପ୍ରସ୍ଥାନର ଏଣ୍ଟ୍ରି କରିବାକୁ ପଡୁଥିଲା, କିନ୍ତୁ ବର୍ତ୍ତମାନ ସତର୍କତା ଓ ସୁରକ୍ଷାକୁ ଦୃଷ୍ଟିରେ ରଖି ସ୍ମାର୍ଟ ୱାଚ୍ ବ୍ୟବହାର କରାଯିବ । ଏହା ଅଧୀନରେ ରାଜ୍ୟ ସରକାର ବାୟୋମେଟ୍ରିକ୍ ସିଷ୍ଟମ ହଟାଇବାକୁ ନିଷ୍ପତ୍ତି ନେଇଛନ୍ତି । ପ୍ରାୟତଃ ଦେଖାଯାଉଥିଲା ଯେ ସରକାରୀ କର୍ମଚାରୀମାନେ ସପ୍ତାହରେ ଥରେ ଅଫିସକୁ ଯାଇ ସମସ୍ତ କାର୍ଯ୍ୟଦିବସ ପାଇଁ ସେମାନଙ୍କ ପ୍ରବେଶ ରେକର୍ଡ କରୁଥିଲେ ।