କେନ୍ଦ୍ର ସରକାର ଏହି ସମୟରେ ଦେବେ ମହଙ୍ଗା ଭତ୍ତା (DA), ଜାଣନ୍ତୁ କେବେ ମିଳିବ ଲାଭ

ନୂଆଦିଲ୍ଲୀ: 7th pay commission: କୋରୋନା ମହାମାରୀ ଯୋଗୁଁ ଅନେକ କିଛି ବଦଳି ଯାଇଛି । ସାଂସଦ, ବିଧାୟକ, ସୁପ୍ରିମକୋର୍ଟର ବିଚାରପତି ଏବଂ ପ୍ରଧାନମନ୍ତ୍ରୀଙ୍କ ପର୍ଯ୍ୟନ୍ତ ଦରମା ହ୍ରାସ କରାଯାଇଛି । ଏଭଳି ପରିସ୍ଥିତିରେ କେନ୍ଦ୍ର ସରକାରୀ କର୍ମଚାରୀଙ୍କ ଦରମା କଟାଯାଇ ନଥିଲା, କିନ୍ତୁ ସରକାର ସେମାନଙ୍କୁ ପ୍ରତିବର୍ଷ ଦେଉଥିବା ମହଙ୍ଗା ଭତ୍ତା (Dearness Allowance) ବନ୍ଦ କରିଦେଇଥିଲେ । କିନ୍ତୁ ସେମାନଙ୍କ ପାଇଁ ଏକ ଖୁସି ଖବର ଅଛି । କେବଳ ସରକାରୀ କର୍ମଚାରୀଙ୍କ ପାଇଁ ନୁହେଁ, ପେନସନଭୋଗୀଙ୍କ ପାଇଁ ମଧ୍ୟ ।

ଅଧିକ ପଢ଼ନ୍ତୁ:-ଜାଣନ୍ତୁ ଭାରତ ସହିତ ଜୋ ବାଇଡେନଙ୍କ କ'ଣ ସମ୍ପର୍କ ରହିଛି ?

DA ରେ ୪ ପ୍ରତିଶତ ବୃଦ୍ଧି 

କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି ଯେ ଚଳିତ ବର୍ଷ ଜାନୁୟାରୀରୁ ଆସନ୍ତା ବର୍ଷ ଜୁଲାଇ ପର୍ଯ୍ୟନ୍ତ ସେ କର୍ମଚାରୀ ଏବଂ ପେନସନଭୋଗୀ (Employees and Pensioners) ଙ୍କ ପାଇଁ ମହଙ୍ଗା ଭତ୍ତା ବନ୍ଦ କରୁଛନ୍ତି । ଏବଂ ଏହି ଭତ୍ତା ଆସନ୍ତା ବର୍ଷ ମଧ୍ୟ ମିଳିବ ନାହିଁ । ଯଦିଓ ଏହି ଭତ୍ତା ଉପରେ ଜୁଲାଇ ପର୍ଯ୍ୟନ୍ତ ରୋକ ଲାଗିଛି, କିନ୍ତୁ ଯେତେବେଳେ ଭତ୍ତା ମିଳିବା ଆରମ୍ଭ ହେବ, ସରକାର ଏହାକୁ ୪ ପ୍ରତିଶତ ବୃଦ୍ଧି କରିବେ । ଉଚ୍ଚ ପଦସ୍ଥ ସୂତ୍ର ଅନୁଯାୟୀ, ଜୁଲାଇ ୨୦୨୧ରୁ ଡିଏ ୪ ପ୍ରତିଶତ ବୃଦ୍ଧି ପାଇବ ।

ଅଧିକ ପଢ଼ନ୍ତୁ:-'ନୀତିଶଙ୍କ ସଂଖ୍ୟାଗରିଷ୍ଠତା ଦୁର୍ବଳ, ଅଧିକ ଦିନ ରହିପାରିବେନି ମୁଖ୍ୟମନ୍ତ୍ରୀ'

କେନ୍ଦ୍ର ସରକାରଙ୍କ ଉପରେ ଦରମା ଓ ପେନସନର ବଡ଼ ବୋଝ

ବର୍ତ୍ତମାନ ସମୟରେ କେନ୍ଦ୍ର ସରକାରଙ୍କ ସେବା ଅନ୍ତର୍ଗତ ୫୦ ଲକ୍ଷରୁ ଅଧିକ କର୍ମଚାରୀ କାର୍ଯ୍ୟ କରୁଛନ୍ତି । ଏଥି ସହିତ ପ୍ରାୟ ୬୧ ଲକ୍ଷ ପୂର୍ବତନ କର୍ମଚାରୀଙ୍କୁ ସରକାର ପେନସନ୍ ପ୍ରଦାନ କରୁଛନ୍ତି । ଏଥିପାଇଁ ବିପୁଳ ପରିମାଣରେ ଅର୍ଥ ଖର୍ଚ୍ଚ ହୁଏ । କିନ୍ତୁ ଏଥର କୋରୋନା ମହାମାରୀ ସରକାରଙ୍କ ବଜେଟକୁ ଗଡ଼ବଡ଼ କରିଦେଇଛି ।