ଚୀନକୁ ମିଳିବ ଉଚିତ ଶିକ୍ଷା, ଭାରତ ସୀମାରେ ପରମାଣୁ କ୍ଷେପଣାସ୍ତ୍ର ସହ ସଜ୍ଜିତ ୨ଟି ଅସ୍ତ୍ର ପଠାଇଲା ଆମେରିକା

ନୂଆଦିଲ୍ଲୀ: ପୂର୍ବ ଲଦାଖରେ ଚୀନ୍ ଓ ଭାରତ ମଧ୍ୟରେ ଜାରି ରହିଥିବା ବିବାଦ ମଧ୍ୟରେ ଆମେରିକା ଭାରତ ଏବଂ ପ୍ରଶାନ୍ତ ମହାସାଗରରେ ନିଜର ସ୍ଥିତିକୁ ମଜଭୁତ କରିବାରେ ଲାଗିଛି । ଚୀନ୍ ନୌସେନାର ବଢ଼ୁଥିବା ଚ୍ୟାଲେଞ୍ଜର ମୁକାବିଲା ପାଇଁ ଆମେରିକା ନିଜର ୨ଟି ମାରାତ୍ମକ ଅସ୍ତ୍ର ଭାରତ ମହାସାଗରକୁ ପଠାଇଛି । ଏହି ଅସ୍ତ୍ରଗୁଡିକ ଏତେ ବିନାଶକାରୀ ଯେ ଯାହା ଆଖି ପିଛୁଳାକେ କୌଣସି ଦେଶକୁ ନଷ୍ଟ କରିଦେବ । ଆମେରିକା ପଠାଇଥିବା ଏହି ୨ଟି ମାରାତ୍ମକ ଅସ୍ତ୍ର ଭାରତର ପ୍ରତିରକ୍ଷା ପାଇଁ ନିୟୋଜିତ ହୋଇଛି । ଚୀନ୍ ଭାରତ ମହାସାଗରରେ ପ୍ରବେଶ କରିବାକୁ ଚାହୁଁଛି, ଯାହାର ଜବାବ ଆମେରିକା ଓ ଭାରତ ମିଶି ଦେଉଛନ୍ତି । 

ସୂଚନାଯୋଗ୍ୟ, ଚାଇନାକୁ ଶିକ୍ଷା ଦେବା ଏବଂ ଭାରତର ଶକ୍ତି ବଢ଼ାଇବା ପାଇଁ ଆମେରିକା ପଠାଇଥିବା ଦୁଇଟି ଅସ୍ତ୍ର ହେଉଛି ଓହିଓ ଶ୍ରେଣୀର କ୍ରୁଜ୍ ମିସାଇଲ୍ ସବମରୀନ USS ଜର୍ଜିଆ ଓ ବିମାନ ପରିବହନକାରୀ USS ରୋନାଲ୍ଡ ରେଗାନ୍ । ଉଭୟେ ଯୁଦ୍ଧ ଜାହାଜ ପରମାଣୁ କ୍ଷେପଣାସ୍ତ୍ର ସହିତ ସଜ୍ଜିତ । ଉପଗ୍ରହ ଚିତ୍ର ଆଧାରରେ ପ୍ରତିରକ୍ଷା ବିଶେଷଜ୍ଞ ହାଇ ସଟନ୍ ଆମେରିକାର ଫୋର୍ବସ୍ ପତ୍ରିକାରେ ପ୍ରକାଶ କରିଛନ୍ତି ଯେ ଆମେରିକାର ନୌସେନାର ଅନ୍ୟତମ ମାରାତ୍ମକ ବୁଡ଼ାଜାହାଜ ମଧ୍ୟରୁ USS ଜର୍ଜିଆ ଭାରତ ମହାସାଗରରେ ଆମେରିକାର ନାଭାଲ୍ ବେସ୍ ଡିଆଗୋ ଗାର୍ସିୟୋରେ ୪ ଦିନ ପର୍ଯ୍ୟନ୍ତ ରହିଛି ।

ଅଧିକ ପଢ଼ନ୍ତୁ:-'ଜ୍ୟୋତିରାଦିତ୍ୟଙ୍କ ପକେଟରେ ଟଙ୍କା ପରିବର୍ତ୍ତେ ରହେ ବିଛା, ପ୍ରତ୍ୟେକ ପିଢ଼ି କରିଛି ବିଶ୍ୱାସଘାତକତା'

ଖବର ଅନୁଯାୟୀ, ପରମାଣୁ ଶକ୍ତି ଦ୍ୱାରା ପରିଚାଳିତ ଏହି ବୁଡ଼ାଜାହାଜ ୨୫ ସେପ୍ଟେମ୍ବରରେ ଡିଆଗୋ ଗାର୍ସୟୋରେ ପହଞ୍ଚିଥିଲା ​​। ଅନୁମାନ କରାଯାଉଛି ଯେ ଏଠାରେ ସବମେରାଇନ୍‌ର କର୍ମଚାରୀଙ୍କୁ ସ୍ଥାନାନ୍ତର କରାଯାଇଥିଲା । ଓହିଓ ଶ୍ରେଣୀର ଏହି ବୁଡ଼ାଜାହାଜ ଆମେରିକାର ବୃହତ୍ତମ ବୁଡ଼ାଜାହାଜ ଭାବରେ ପରିଗଣିତ ହୁଏ । ପ୍ରାୟ ୫୬୦ ଫୁଟ ଲମ୍ବର ଏହି ପରମାଣୁ ବୁଡ଼ାଜାହାଜରେ ଅନେକ ପରମାଣୁ ବୋମା ବୋହିବାରେ ସକ୍ଷମ । ଭାରତ ସୀମାଠାରୁ କିଛି କିଲୋମିଟର ଦୂରରେ ଥିବା ଡିଆଗୋ ଗାର୍ସିୟୋରେ ନିଜର ଘାତକ ବୁଡ଼ାଜାହାଜ ମୁତୟନ କରି ଚୀନକୁ କହିଛି ଯେ, ଯଦି ଭାରତକୁ ଆଖି ଦେଖାଇବାକୁ ଚେଷ୍ଟା କରେ ତେବେ ଏହା ଆକ୍ରମଣରୁ ପଛଘୁଞ୍ଚା ଦେବ ନାହିଁ ।