ରାହୁଲ ଗାନ୍ଧୀଙ୍କୁ ନେଇ ବଦଳୁଛି ମତ, ବାବା ରାମଦେବ କଂଗ୍ରେସ ନେତାଙ୍କ କଲେ ଭୁରି ଭୁରି ପ୍ରଶଂସା

Baba Ramdev on Rahul Gandhi: କଂଗ୍ରେସ ଓ ଗାନ୍ଧୀ ପରିବାରକୁ ଟାର୍ଗେଟ କରୁଥିବା ଯୋଗ ଗୁରୁ ତଥା ପତଞ୍ଜଳି କମ୍ପାନୀର ମାଲିକ ବାବା ରାମଦେବ (Baba Ramdev) କଂଗ୍ରେସ ନେତା ରାହୁଲ ଗାନ୍ଧୀ ଓ ତାଙ୍କର ଭାରତ ଯୋଡ଼ ଯାତ୍ରା (Congress Bharat Jodo Yatra) କୁ ପ୍ରଶଂସା କରିଛନ୍ତି ।

ନୂଆଦିଲ୍ଲୀ: Baba Ramdev on Rahul Gandhi Congress Bharat Jodo Yatra: କଂଗ୍ରେସ (Congress) ର ଦୁର୍ବଳ ସଂଗଠନ ଓ ଦଳର ସ୍ଥିତିକୁ ମଜବୁତ କରିବା ପାଇଁ ରାହୁଲ ଗାନ୍ଧୀ (Rahul Gandhi) ଙ୍କ ନେତୃତ୍ୱରେ ଭାରତ ଯୋଡ଼ ଯାତ୍ରା (Bharat Jodo Yatra) ଆରମ୍ଭ ହୋଇଛି । ଏହି ଯାତ୍ରା କନ୍ୟାକୁମାରୀ ଠାରୁ ଆରମ୍ଭ ହୋଇ କାଶ୍ମୀରରେ ଯାଇ ଶେଷ ହେବ । ଏହା ଦୀର୍ଘ ୧୫୦ ଦିନର ଲମ୍ୱା ଯାତ୍ରା ହେବ । ଏହି ଯାତ୍ରାକୁ ନେଇ କଂଗ୍ରେସ ନେତାଗଣ ଉତ୍ସାହିତ ଅଛନ୍ତି । ଏହି ଯାତ୍ରାକୁ ନେଇ ଅନେକ ବାଦବିବାଦ ମଧ୍ୟ ଦେଖିବାକୁ ମିଳୁଛି । ଦକ୍ଷିଣରୁ ଆରମ୍ଭ ହୋଇଥିବା ଏହି ଯାତ୍ରାକୁ ନେଇ ଲୋକଙ୍କ ମଧ୍ୟରେ ଉତ୍ସାହ ମଧ୍ୟ ରହିଛି । ଅନ୍ୟପଟେ କଂଗ୍ରେସର ଏହି ଭାରତ ଯୋଡ଼ ଯାତ୍ରାକୁ ନେଇ ବିଭିନ୍ନ ବ୍ୟକ୍ତି ଓ ରାଜନୈତିକ ଦଳ ବୟାନ ମଧ୍ୟ ଦେଉଛନ୍ତି । ଏହି କ୍ରମରେ ଗୋଟିଏ ସମୟରେ କଂଗ୍ରେସ ଓ ଗାନ୍ଧୀ ପରିବାରକୁ ଟାର୍ଗେଟ କରୁଥିବା ଯୋଗ ଗୁରୁ ତଥା ପତଞ୍ଜଳି କମ୍ପାନୀର ମାଲିକ ବାବା ରାମଦେବ (Baba Ramdev) କଂଗ୍ରେସ ନେତା ରାହୁଲ ଗାନ୍ଧୀ ଓ ତାଙ୍କର ଭାରତ ଯୋଡ଼ ଯାତ୍ରା (Congress Bharat Jodo Yatra) କୁ ପ୍ରଶଂସା କରିଛନ୍ତି ।

ବାବା ରାମଦେବ ଏକ ଜାତୀୟ ଗଣମାଧ୍ୟମରେ ସାକ୍ଷାତ ଦେବା ସମୟରେ କହିଛନ୍ତି ଯେ, " ନେହେରୁ ଜୀ ଯୋଗ କରୁଥିଲେ, ଇନ୍ଦିରା ଜୀ ଯୋଗ କରୁଥିଲେ, ସୋନିଆ ଜୀ ଯୋଗ କରନ୍ତି ଏବଂ ଆମର ରାହୁଲ ଭାଇ ବି ଯୋଗ କରନ୍ତି । ବର୍ତ୍ତମାନ ତାଙ୍କର ପରିଶ୍ରମର ଫଳ ମଧ୍ୟ ସାମ୍ନାକୁ ଆସୁଛି । ଭାରତ ଯୋଡ଼ ଯାତ୍ରାରେ ଚାଲୁଛନ୍ତି । କେତେବେଳେ ଟି-ଶାର୍ଟରେ ତ କେତେବେଳେ କୁର୍ତ୍ତା ପାଇଜାମାରେ... ପ୍ରତିଦିନ ତାଙ୍କର ଚର୍ଚ୍ଚା ହେଉଛି । ପ୍ରତିଦିନ ଖବରରେ ହେଡଲାଇନ୍ ସୃଷ୍ଟି କରୁଛନ୍ତି । ଯେଉଁ ବ୍ୟକ୍ତିଙ୍କୁ ଜାତୀୟ ଗଣମାଧ୍ୟମରେ ବହୁତ କମ୍ ସ୍ଥାନ ମିଳୁଥିଲା, ବର୍ତ୍ତମାନ ତାଙ୍କ ନାମର ଚର୍ଚ୍ଚା ହେଉଛି । ଏହା ହେଉଛି ତାଙ୍କର ବିଜୟ ଯାତ୍ରା ।"

जिस आदमी को नेशनल मीडिया बहुत थोड़ी जगह मिला करती थी आज उसके नाम के चर्चे हैं यही उसकी विजय यात्रा है : कांग्रेस की ‘भारत जोड़ो यात्रा’ में चल रहे @RahulGandhi पर @yogrishiramdev के विचार

pic.twitter.com/TEXFm2YYWP

— Umashankar Singh उमाशंकर सिंह (@umashankarsingh) September 16, 2022

ଅଧିକ ପଢ଼ନ୍ତୁ:-ଏମାନେ ଭୁଲରେ ବି ଖାଆନ୍ତୁ ନାହିଁ ଡାଳିମ୍ୱ, ଲାଭ ବଦଳରେ ହେବ କ୍ଷତି!

ଅଧିକ ପଢ଼ନ୍ତୁ:-ବାବର ଆଜମଙ୍କ ବିରୋଧରେ କହିବେ ତ ଟିମରୁ ହେବେ ବାହାର, ପାକିସ୍ତାନ ଅଧିନାୟକ ହେଉଛନ୍ତି ହିଟଲର!

ଅଧିକ ପଢ଼ନ୍ତୁ:-ATM ଓ କ୍ରେଡିଟ୍ କାର୍ଡଧାରୀଙ୍କ ପାଇଁ ବଡ଼ ଖବର, ଅକ୍ଟୋବର ୧ରୁ ହେବ ଏହି ବଡ଼ ପରିବର୍ତ୍ତନ

ବାବା ରାମଦେବ ଆଗକୁ କହିଛନ୍ତି ଯେ, ପତଞ୍ଜଳି ଗ୍ରୁପର ବ୍ୟବସାୟ ଅଢ଼େଇ ଗୁଣ ବୃଦ୍ଧି ହୋଇ ଆସନ୍ତା ପାଞ୍ଚରୁ ସାତ ବର୍ଷ ମଧ୍ୟରେ ୧ ଲକ୍ଷ କୋଟିରେ ପହଞ୍ଚିବ ବୋଲି ଆକଳନ କରାଯାଇଛି । ଆସନ୍ତା ପାଞ୍ଚ ବର୍ଷ ମଧ୍ୟରେ ସେ ପାଞ୍ଚ ଲକ୍ଷ ଲୋକଙ୍କୁ ନିଯୁକ୍ତି ଦେବେ ବୋଲି ମଧ୍ୟ କହିଛନ୍ତି । ପତଞ୍ଜଳିଙ୍କୁ ବଦନାମ କରିବା ପାଇଁ ନିରନ୍ତର ଉଦ୍ୟମ କରାଯାଉଛି । ଯେତେବେଳେ ଲୋକମାନେ ଭଲ କାମ କରନ୍ତି ଲୋକମାନେ ପସନ୍ଦ କରନ୍ତି ନାହିଁ । ଗାଈର ଘି ଉପରେ ହୋଇଥିବା ଅଭିଯୋଗ ଉପରେ ସେ ଆହୁରି ମଧ୍ୟ କହିଛନ୍ତି ଯେ, ସେ ସମସ୍ତଙ୍କୁ ଭୁଲ ପ୍ରମାଣିତ କରିଛନ୍ତି ।

ବାବା ରାମଦେବ କହିଛନ୍ତି ଯେ, ସେ କଦାପି ଭୁଲ, ଅସାଧୁତା କିମ୍ବା ବିଶ୍ୱାସଘାତକତା କରିପାରିବେ ନାହିଁ । ସେ ମରିବେ, କିନ୍ତୁ ଭୁଲ୍ କରିବେ ନାହିଁ । ଏଥି ସହିତ ବିହାରରେ ପ୍ରଧାନମନ୍ତ୍ରୀଙ୍କ ବିରୋଧକୁ ନେଇ ସେ କହିଛନ୍ତି ଯେ, ବିହାରର ଲୋକମାନେ ପ୍ରଧାନମନ୍ତ୍ରୀ ମୋଦିଙ୍କୁ ବହୁତ ଭଲ ପାଆନ୍ତି, କିନ୍ତୁ କିଛି ଲୋକ ଜାତି ଓ ଆଞ୍ଚଳିକତା କ୍ଷେତ୍ରରେ ରାଜନୀତିକୁ ବନ୍ଧକ ବନାଇ ରଖିଛନ୍ତି ।