କୋରୋନା ସଙ୍କଟ ମଧ୍ୟରେ ଆଉ ଏକ ବିପଦର ସଙ୍କେତ, ମଣିଷ ଶରୀରରେ ମିଳିଲା ସ୍ୱାଇନ ଫ୍ଲୁର ବିରଳ ଷ୍ଟ୍ରେନ୍

ନୂଆଦିଲ୍ଲୀ: ସାରା ଦୁନିଆରେ ଶୀତ ଆସିବା ସହ କୋରୋନା ଭାଇରସର ପ୍ରକୋପ ବୃଦ୍ଧି ପାଇଛି । ଏହା ମଧ୍ୟରେ ସ୍ୱାଇନ ଫ୍ଲୁର ମଧ୍ୟ ଆଗମନ ହୋଇସାରିଛି । କାନାଡାରେ ଏପରି ସ୍ୱାଇନ୍ ଫ୍ଲୁ ଭୂତାଣୁର ବିରଳ ଷ୍ଟ୍ରେନ୍ (H1N2) ମଣିଷଙ୍କ ନିକଟରେ ପହଞ୍ଚିସାରିଛି । କାନାଡାର ସ୍ୱାସ୍ଥ୍ୟ ଅଧିକାରୀମାନେ କହିଛନ୍ତି ଯେ ଦେଶରେ ପ୍ରଥମ ଥର ପାଇଁ H1N2 ଷ୍ଟ୍ରେନରୁ ମଣିଷକୁ ସଂକ୍ରମିତ ହେବାର ପ୍ରଥମ ମାମଲା ମିଳିଛି । ଏହା ସ୍ୱାଇନ୍ ଫ୍ଲୁ ଭୂତାଣୁର ବିରଳ ଷ୍ଟ୍ରେନ୍ । ଦୁନିଆରେ ଏହାର ବହୁତ କମ୍ ମାମଲା ଦେଖାଯାଏ ।

ଅଧିକ ପଢ଼ନ୍ତୁ:-ଆମେରିକାରେ କୋରୋନାର ତାଣ୍ଡବ, ଗୋଟିଏ ଦିନରେ ରେକର୍ଡ ସଂଖ୍ୟକ ସଂକ୍ରମିତ ଚିହ୍ନଟ

ମୋଣ୍ଟ୍ରିଆଲ୍ ସ୍ୱାସ୍ଥ୍ୟ ଅଧିକାରୀ କହିଛନ୍ତି ଯେ, ଅକ୍ଟୋବର ମଧ୍ୟଭାଗରେ ଅଲବର୍ଟାରେ ଏହି ମାମଲା ମିଳିଥିଲା । ଯଦିଓ ଗୋଷ୍ଠୀରେ ସେପରି କୌଣସି ମାମଲା ମିଳିନାହିଁ । ଅଲବର୍ଟାର ଲୋକଙ୍କ ମଧ୍ୟରେ ଏହାର ବ୍ୟାପକ ବିପଦ ହେବାର ସମ୍ଭାବନା କମ୍ ରହିଛି । ଫ୍ଲୁ ସିଜନରେ ସ୍ୱାଇନ୍ ଫ୍ଲୁର ଆଲବର୍ଟାରେ ଏହାର ଏକମାତ୍ର ମାମଲା ମିଳିଛି । ଅଧିକାରୀଙ୍କ କହିବାନୁସାରେ, ଯେଉଁ ବ୍ୟକ୍ତିଙ୍କର ଇନ୍ଫ୍ଲୁଏଞ୍ଜା ଭଳି ଲକ୍ଷଣ ଥିଲା, ସେମାନଙ୍କ ଯାଞ୍ଚ କରାଯାଇଥିଲା । ଏବଂ ଷ୍ଟ୍ରେନ ବିଷୟରେ ଜଣାପଡ଼ିବା ପରେ ସଙ୍ଗେ ସଙ୍ଗେ ତାଙ୍କର ଚିକିତ୍ସାରୁ ତାଙ୍କ ସ୍ୱାସ୍ଥ୍ୟରେ ଉନ୍ନତି ଆସିଥିଲା । ବର୍ତ୍ତମାନ ଭୂତାଣୁର ବ୍ୟାପିବାର କୌଣସି ପ୍ରମାଣ ମିଳିନାହିଁ । 

ଅଧିକ ପଢ଼ନ୍ତୁ:-ନିର୍ବାଚନ ମଧ୍ୟରେ ଆମେରିକାକୁ ଚେତାବନୀ ଦେଲା ଚୀନ, 'ତାଇୱାନ ସହିତ ଚୁକ୍ତି ଶେଷ କର ନଚେତ୍...'

ଏହି ଭୂତାଣୁ କେଉଁଠୁ ଆସିଲା ଜାଣିବାକୁ କାନାଡାର ଅଧିକାରୀମାନେ ବର୍ତ୍ତମାନ ଚେଷ୍ଟା କରୁଛନ୍ତି । ଆହୁରି ମଧ୍ୟ ଏହା ଏକ ବଡ଼ ଆକାରରେ ଯାଞ୍ଚ କରି ଦେଖାଯିବ ଯେ ଏହା ବିସ୍ତାର ହୋଇଛି କି ନାହିଁ । ୨୦୦୫ ମସିହାରୁ ସାରା ବିଶ୍ୱରେ H1N2 ର ମାତ୍ର ୨୭ଟି ମାମଲା ମିଳିଛି । ସ୍ୱାଇନ ଫ୍ଲୁର H1N1 ଷ୍ଟ୍ରେନ୍ ପ୍ରତିବର୍ଷ ଦୁନିଆର କିଛି କିମ୍ବା ଅନ୍ୟାନ୍ୟ ଅଞ୍ଚଳରେ ମିଳିଥାଏ । କାନାଡାରେ H1N2 ର ଏହା ପ୍ରଥମ ମାମଲା ଥିଲା । ଅଧିକାରୀମାନେ କହିଛନ୍ତି ଯେ, H1N2 ଷ୍ଟ୍ରେନ୍ ଖାଦ୍ୟରୁ ତିଆରି ହୋଇଥିବା ଷ୍ଟ୍ରେନ୍ ନୁହେଁ । ଘୁଷୁରି କିମ୍ବା ଅନ୍ୟ ଘୁଷୁରି ସମ୍ବନ୍ଧୀୟ ଦ୍ରବ୍ୟ ଖାଇବା କାରଣରୁ ଲୋକଙ୍କୁ ଏହି ସଂକ୍ରମଣ ହୁଅନ୍ତି ନାହିଁ ।