ଚୀନର ୱୁହାନରୁ ପୁଣି ଆସିଲା ଦୁନିଆ ପାଇଁ ଚିନ୍ତା ବଢ଼ାଇଲା ଭଳି ଖବର

ଗତ ବର୍ଷ ଡିସେମ୍ବରରେ ୱୁହାନ (Wuhan) ରେ କୋରୋନା ମାମଲା ସାମ୍ନାକୁ ଆସିଥିଲା । ଏହି କାରଣରୁ ୱୁହାନକୁ କୋରୋନା (Coronavirus) ର କେନ୍ଦ୍ରସ୍ଥଳୀ ମଧ୍ୟ କୁହାଯାଏ ।

ନୂଆଦିଲ୍ଲୀ: ଚୀନର ଯେଉଁ ସହରରୁ ସର୍ବ ପ୍ରଥମେ କୋରୋନା ଭାଇରସ (Coronavirus) ବ୍ୟାପିଥିଲା, ସେଠାରୁ ପୁଣିଥରେ ଚିନ୍ତା ବଢ଼ାଇ ଭଲି ଖବର ସାମ୍ନାକୁ ଆସିଛି । ଏକ ନୂତନ ଅଧ୍ୟୟନରୁ ଜଣାପଡିଛି ଯେ, ୱୁହାନ (Wuhan) ରେ ୪ ପ୍ରତିଶତରୁ କମ୍ ଲୋକଙ୍କ ମଧ୍ୟରେ କୋରୋନା ଭୂତାଣୁର ଆଣ୍ଟିବଡିଜ ମହଜୁଦ ରହିଛି । ଏହାର ଅର୍ଥ ହେଉଛି ଯେ ୱୁହାନ୍ କୋରୋନାର ଇମ୍ୟୁନିଟି ହାସଲ କରିପାରି ନାହିଁ ।

ଗତ ବର୍ଷ ଡିସେମ୍ବରରେ ୱୁହାନରେ କୋରୋନା ମାମଲା ସାମ୍ନାକୁ ଆସିଥିଲା । ଏହି କାରଣରୁ ୱୁହାନକୁ କୋରୋନାର କେନ୍ଦ୍ରସ୍ଥଳୀ ମଧ୍ୟ କୁହାଯାଏ । ଯେହେତୁ କୋରୋନା ସଂକ୍ରମଣର ଅନେକ କ୍ଷେତ୍ରରେ କୌଣସି ପ୍ରକାରର ଲକ୍ଷଣ ନଥାଏ, ତେଣୁ ମନେ କରାଯାଏ ଯେ ଆଧିକାରୀକ ରୋଗୀଙ୍କ ତୁଳନାରେ ୱୁହାନରେ ବହୁ ସଂଖ୍ୟକ ଲୋକ ସଂକ୍ରମିତ ହୋଇଥାଇପାରନ୍ତି ।

ଅଧିକ ପଢ଼ନ୍ତୁ:-ଆମେରିକାର ଉଦ୍ୟମ ବିଫଳ, ପୁଣି ଆରମ୍ଭ ହେଲା ଆର୍ମେନିଆ-ଆଜେରବାଇଜାନ ଯୁଦ୍ଧ!

କିନ୍ତୁ ଜାମା ନେଟୱାର୍କ ଓପନରେ ପ୍ରକାଶିତ ଅଧ୍ୟୟନରେ କୁହାଯାଇଛି ଯେ, ୱୁହାନର ଅଧିକାଂଶ ଲୋକ କୋରୋନାର ଇମ୍ୟୁନିଟି ପାଇନାହାଁନ୍ତି କିମ୍ବା ସେମାନଙ୍କ ମଧ୍ୟରେ ରୋଗ ପ୍ରତିରୋଧକ ଶକ୍ତି ପ୍ରସ୍ତୁତ ହୋଇଥିଲେ ମଧ୍ୟ ଏହା ବହୁତ କମ୍ ଥିଲା । ଏହି ଅଧ୍ୟୟନ ପରେ କୋରୋନା ବିପକ୍ଷରେ ହର୍ଡ ଇମ୍ୟୁନିଟିର ଆଶା ପୁଣି ଥରେ ହ୍ରାସ ପାଉଛି ।

ଚାଇନାର ତୋଙ୍ଗଜୀ ହସ୍ପିଟାଲ ସହ ଜଡ଼ିତ ଅନୁସନ୍ଧାନକାରୀମାନେ ମାର୍ଚ୍ଚ ୨୭ରୁ ମେ ୨୬ ମଧ୍ୟରେ ୱୁହାନର ୩୫,୦୦୦ରୁ ଅଧିକ ଲୋକଙ୍କ ଆଣ୍ଟିବଡି ଯାଞ୍ଚ କରିଥିଲେ । ଯାହା ପୂର୍ବରୁ କୋରୋନା ପୃଷ୍ଟି ହୋଇନଥିଲା । ଏଥିରୁ କୌଣସି ମଧ୍ୟରୁ 'IgM ଆଣ୍ଟିବଡି'  ମିଳି ନାହିଁ । ସଂକ୍ରମଣ ପରେ ତୁରନ୍ତ ଶରୀରରେ IgM ଆଣ୍ଟିବଡି ସୃଷ୍ଟି ହୁଏ । ସେହିପରି ପରେ ପ୍ରସ୍ତୁତ IgM ଆଣ୍ଟିବଡି ଶରୀରରେ ଅଧିକ ସମୟ ରହିଥାଏ । ଏହି ଆଣ୍ଟିବଡିଗୁଡିକ ପ୍ରାୟ ୩.୯ ପ୍ରତିଶତ ଲୋକଙ୍କଠାରେ ମିଳିଥିଲା ।

ଅଧିକ ପଢ଼ନ୍ତୁ:-ଯିଏ ଦେଇଛି ସମଗ୍ର ଦୁନିଆକୁ କୋରୋନା, ସେ ହିଁ ଦେବ ପ୍ରଥମ ଟୀକା !

ୱୁହାନ ହେଉଛି ଚାଇନାର ହୁବେଇ ରାଜ୍ୟର ରାଜଧାନୀ । ହୁବେରେ ୬୮ ହଜାରରୁ ଅଧିକ ଲୋକ କୋରୋନା ଦ୍ୱାରା ଆକ୍ରାନ୍ତ ହୋଇଥିଲେ । ଏଠାରେ ପରିସ୍ଥିତି ଏତେ ଖରାପ ହୋଇଯାଇଥିଲା ଯେ ଦୁଇଟି ଡାକ୍ତରଖାନାକୁ ଅସ୍ଥାୟୀ ଭାବରେ ନିର୍ମାଣ କରିବାକୁ ପଡିଥିଲା । ତେବେ କଡ଼ା ଲକଡାଉନ୍ ପରେ ଚୀନ୍ ଏଠାରେ ଭୂତାଣୁକୁ କାବୁ କରିପାରିଥିଲା । ମେ ମାସରେ ଚାଇନା ୱୁହାନର ପ୍ରତ୍ୟେକ ବାସିନ୍ଦାଙ୍କ ପାଇଁ କୋରୋନା ଭୂତାଣୁ ପରୀକ୍ଷା କରିବାକୁ ନିଷ୍ପତ୍ତି ନେଇଥିଲା । ଏବଂ ୫ ବର୍ଷରୁ ଅଧିକ ବୟସର ସମସ୍ତ ଲୋକଙ୍କୁ ପରୀକ୍ଷା କରାଯାଇଥିଲା ।