ଆସନ୍ତା ୩ ମାସ ପାଇଁ ଅମ୍ଳଜାନ ଓ କୋରୋନା ଟିକା ଉପରେ ଟିକସ ଛାଡ କଲେ ମୋଦି ସରକାର

ନୂଆଦିଲ୍ଲୀ: Coronavirus in India: ଆସନ୍ତା ୩ ମାସ ପାଇଁ ଅମ୍ଳଜାନ ତଥା ଏହା ସହ ଜଡ଼ିତ ଉପକରଣ ଆମଦାନୀ ଉପରେ କଷ୍ଟମ୍ସ ଡ୍ୟୁଟି ଓ ସ୍ୱାସ୍ଥ୍ୟ ସେସ୍ ଉପରେ କେନ୍ଦ୍ର ସରକାର ରିହାତି ପ୍ରଦାନ କରିଛନ୍ତି । ସରକାରଙ୍କ ଏହି ନିଷ୍ପତ୍ତି ଦେଶରେ ଡାକ୍ତରୀ ଅମ୍ଳଜାନର ଅଭାବ ଓ କୋରୋନା ସଂକ୍ରମଣର ବୃଦ୍ଧି ଘଟୁଥିବା ସମୟରେ ଆସିଛି । ଏହାସହ କଡ଼ା ସମାଲୋଚନାର ସମ୍ମୁଖୀନ ହେଉଥିବା କେନ୍ଦ୍ର ସରକାର ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଆସନ୍ତା ତିନିମାସ ପାଇଁ କୋଭିଡ-19 ଟିକା ଉପରେ ବେସିକ କଷ୍ଟମ ଡ୍ୟୁଟି ହଟାଇବାକୁ ନିଷ୍ପତ୍ତି ନିଆଯାଇଛି ।

ଅଧିକ ପଢ଼ନ୍ତୁ:-ଟିକା ପାଇଁ ୧୮ ବର୍ଷରୁ ଉର୍ଦ୍ଧ୍ୱ ବୟସର ଲୋକମାନେ କିପରି କରିବେ ପଞ୍ଜିକରଣ? ଜାଣନ୍ତୁ...

Prime Minister Shri @narendramodi Ji chairs a high-level meeting on measures to increase supply of #oxygen & oxygen related equipment

Basic customs duty and health cess to be waived off on oxygen and #oxygen related equipment. pic.twitter.com/7lkCbsRFHg

— Ashwini Kr. Choubey (@AshwiniKChoubey) April 24, 2021

ସରକାରୀ ବୟାନ ଅନୁଯାୟୀ, ଏହି ନିଷ୍ପତ୍ତି କେବଳ ଅମ୍ଳଜାନ ଏବଂ ଏହା ସହିତ ଜଡ଼ିତ ଉପକରଣ ନା କେବଳ ଶସ୍ତା ହେବ ବରଂ ଏହାକୁ ଦେଶକୁ ଆଣିବା ମଧ୍ୟ ସହଜ ହେବ । ବୟାନ କୁହାଯାଇଛି ଯେ, ଆଗାମୀ ଦିନରେ ଅମ୍ଳଜାନ ଓ ଚିକିତ୍ସା ଆବଶ୍ୟକତା ସହ ଜଡିତ ଅନ୍ୟାନ୍ୟ ସାମଗ୍ରୀ ନିଶ୍ଚିତ କରିବାକୁ ସରକାର ଅନେକ ପଦକ୍ଷେପ ନେଉଛନ୍ତି ।

ଅଧିକ ପଢ଼ନ୍ତୁ:-ଅକ୍ସିଜେନ ଯୋଗାଣରେ ବାଧା ସୃଷ୍ଟି କଲେ ଫାଶିରେ ଝୁଲାଇ ଦିଆଯିବ: ଦିଲ୍ଲୀ ହାଇକୋର୍ଟ

ଏହି କ୍ରମରେ ଭାରତୀୟ ବାୟୁସେନା ବିମାନ ସିଙ୍ଗାପୁରରୁ ମେଡିକାଲ ଅମ୍ଳଜାନ ଆଣୁଛି । ଏହା ସହିତ ବାୟୁସେନା ବିମାନ ଅଳ୍ପ ସମୟ ମଧ୍ୟରେ ଅମ୍ଳଜାନ ଯୋଗାଣକୁ ସୁନିଶ୍ଚିତ କରିବା ପାଇଁ ସାରା ଦେଶରେ ଅମ୍ଳଜାନ ଟାଙ୍କି ପହଞ୍ଚାଉଛି ।