୪୫ ଦିନ ପରେ ଦେଶରେ କୋରୋନାର ସବୁଠାରୁ କମ୍ ମାମଲା ଚିହ୍ନଟ, ମୃତ୍ୟୁ ବରଣ କଲେ ଏତିକି ସଂକ୍ରମିତ

Coronavirus in India:ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ICMR) କହିଛି ଯେ, ଗତକାଲି ଭାରତରେ କୋରୋନା ଭୂତାଣୁ ପାଇଁ ୨୦ ଲକ୍ଷ ୮୦ ହଜାର ୪୮ ନମୁନା ପରୀକ୍ଷା କରାଯାଇଥିଲା । ଏହା ପରେ ଦେଶରେ ଏପର୍ଯ୍ୟନ୍ତ ୩୪ କୋଟି ୧୧ ଲକ୍ଷ ୧୯ ହଜାର ୯୦୯ ନମୁନା ପରୀକ୍ଷା କରାଯାଇଛି ।

ନୂଆଦିଲ୍ଲୀ: Coronavirus in India: ମାରାତ୍ମକ କୋରୋନା ଭୂତାଣୁର ଦ୍ୱିତୀୟ ଲହର ଦେଶରେ ତାଣ୍ଡବ କରୁଛି । ତେବେ ନୂଆ ସଂକ୍ରମିତ ମାମଲା ଦିନକୁ ଦିନ ହ୍ରାସ ପାଇବାରେ ଲାଗିଛି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି ଯେ, ଗତ ୨୪ ଘଣ୍ଟା ମଧ୍ୟରେ ଦେଶରେ ଏକ ଲକ୍ଷ ୭୩ ହଜାର ନୂଆ ମାମଲା ଚିହ୍ନଟ ହୋଇଛି । ଯାହାକି ଗତ ୪୫ ଦିନ ମଧ୍ୟରେ ସବୁଠାରୁ କମ୍ । ଦେଶରେ ଗତ ୨୪ ଘଣ୍ଟା ମଧ୍ୟରେ ୩,୬୧୭ ସଂକ୍ରମିତଙ୍କ ମୃତ୍ୟୁ ଘଟିଛି । ଏହାସହ ଆଶ୍ୱସ୍ତିକର ଖବର ଏହା ଯେ, ଗତ ୨୪ ଘଣ୍ଟା ମଧ୍ୟରେ ଦେଶରେ ୨ ଲକ୍ଷ ୮୪ ହଜାର ୬୦୧ ସଂକ୍ରମିତ ମଧ୍ୟ ଆରୋଗ୍ୟ ହୋଇଛନ୍ତି । 

ଅଧିକ ପଢ଼ନ୍ତୁ:-ମହଙ୍ଗା ହେବ ବିମାନ ଯାତ୍ରା, ଜୁନ ୧ରୁ ବୃଦ୍ଧି ପାଇବ ଏତିକି ଭଡା

ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ, ଆଜି ପର୍ଯ୍ୟନ୍ତ କୋରୋନାରୁ ୨ କୋଟି ୫୧ ଲକ୍ଷ ୭୮ ହଜାର ୧୧ ଜଣ ସଂକ୍ରମିତ ଆରୋଗ୍ୟ ହୋଇଛନ୍ତି । ବର୍ତ୍ତମାନ ଦେଶରେ ସୁସ୍ଥ ହାର ୯୦.୮୦ ପ୍ରତିଶତକୁ ବୃଦ୍ଧି ପାଇଛି । ଏଥି ସହିତ ସାପ୍ତାହିକ ପଜିଟିଭ ହାର ବର୍ତ୍ତମାନ ୯.୮୪ ପ୍ରତିଶତକୁ ବୃଦ୍ଧି ପାଇଛି, ଯାହା ଗତ ୫ ଦିନ ମଧ୍ୟରେ ୧୦ ପ୍ରତିଶତରୁ କମ୍ ଅଟେ ।

ଅଧିକ ପଢ଼ନ୍ତୁ:-ଭାରତ ପାଇଁ ବଡ ଖୁସି ଖବର, ଟେଷ୍ଟ ସିରିଜରୁ ବାହାରିଲେ ଇଂଲଣ୍ଡର ଏହି ଷ୍ଟାର ଖେଳାଳି!

ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ICMR) କହିଛି ଯେ, ଗତକାଲି ଭାରତରେ କୋରୋନା ଭୂତାଣୁ ପାଇଁ ୨୦ ଲକ୍ଷ ୮୦ ହଜାର ୪୮ ନମୁନା ପରୀକ୍ଷା କରାଯାଇଥିଲା । ଏହା ପରେ ଦେଶରେ ଏପର୍ଯ୍ୟନ୍ତ ୩୪ କୋଟି ୧୧ ଲକ୍ଷ ୧୯ ହଜାର ୯୦୯ ନମୁନା ପରୀକ୍ଷା କରାଯାଇଛି । 

ଦିଲ୍ଲୀର ଦ୍ୱିତୀୟ ଲହର ସମୟରେ ଯେତେବେଳେ ଲକଡାଉନ ଲଗାଯାଇଥିଲା ସେହି ଦିନଠାରୁ ଶୁକ୍ରବାର (ମେ ୨୮) ପର୍ଯ୍ୟନ୍ତ କୋରୋନା ଯୋଗୁଁ ସହର ୧୧,୫୯୦ ସଂକ୍ରମିତ ଜୀବନ ହରାଇଛନ୍ତି । ତଥ୍ୟ ଅନୁଯାୟୀ, ମେ ୧୯ ପର୍ଯ୍ୟନ୍ତ ଦିଲ୍ଲୀରେ କୋରୋନା ସହ ଜଡିତ ମୋଟ ମୃତ୍ୟୁ ସଂଖ୍ୟା ୧୨,୩୬୧ ଥିଲା । ସହରରେ ମୋଟ ମୃତ୍ୟୁ ସଂଖ୍ୟା ବର୍ତ୍ତମାନ ସୁଦ୍ଧା ୨୩,୫୯୧ ଥିବାବେଳେ ଶୁକ୍ରବାର ୧୩୯ ଜଣଙ୍କ ମୃତ୍ୟୁ ରେକର୍ଡ କରାଯାଇଛି ।