ସ୍ୱାସ୍ଥ୍ୟ ମନ୍ତ୍ରଣାଳୟ ଡ୍ରାଫ୍ଟ ଜାରି କରି ରାଜ୍ୟମାନଙ୍କୁ କହିଲା ଟିକାକରଣର ଯୋଜନା, ଜାଣନ୍ତୁ ସମ୍ପୂର୍ଣ୍ଣ ପ୍ରକ୍ରିୟା

ନୂଆଦିଲ୍ଲୀ: କୋରୋନା ଟିକା (Coronavirus Vaccine) ଆସିବା ଖବର ଥିବାରୁ ସରକାର ଏଥିପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି । ଗୋଟିଏ ଦିନରେ ପ୍ରାୟ ୧୦୦ ଲୋକଙ୍କୁ ଟୀକା (Vaccine) ଲଗାଯିବ । ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଷ୍ଟାଣ୍ଡାର୍ଡ ଅପରେଟିଂ ପ୍ରକ୍ରିୟାର ଏକ ଡ୍ରାଫ୍ଟ ରାଜ୍ୟମାନଙ୍କୁ ପଠାଇଛି । ଏହା ଅନୁଯାୟୀ, ପ୍ରାରମ୍ଭରେ ଗୋଟିଏ ଦିନରେ ୧୦୦ ଲୋକଙ୍କୁ ଟୀକା ଲଗାଯିବ । ତେବେ କିଛି ସମୟ ପରେ ଏହା ତ୍ୱରାନ୍ୱିତ ହେବ ।

ଅଧିକ ପଢ଼ନ୍ତୁ:-'ସୋନିଆ ଗାନ୍ଧୀ ଓ ମନମୋହନ ସିଂଙ୍କ ଯୋଗୁଁ ୨୦୧୪ରେ ମୋଦିଙ୍କଠୁ ହାରି ଥିଲା କଂଗ୍ରେସ'

ସ୍ୱାସ୍ଥ୍ୟ ମନ୍ତ୍ରଣାଳୟ ଦେଇଥିବା ଡ୍ରାଫ୍ଟରେ ଦର୍ଶାଯାଇଛି ଯେ ପ୍ରତ୍ୟେକ ଟିକାକରଣ (Vaccination) କେନ୍ଦ୍ରରେ ଜଣେ ଗାର୍ଡ ରହିବେ ଏବଂ ଅନ୍ୟ ୪ ଜଣ ଲୋକ ହେବେ । ସେଠାରେ ୩ଟି କୋଠରୀ ମଧ୍ୟ ନିର୍ମାଣ ହେବ । ଏହି ତିନୋଟି କୋଠରୀ ମଧ୍ୟରୁ ଗୋଟିଏ ଅପେକ୍ଷା କକ୍ଷ ହେବ ଏବଂ ଅନ୍ୟ କୋଠରୀଗୁଡ଼ିକ ଟିକାକରଣ ଏବଂ ପର୍ଯ୍ୟବେକ୍ଷଣ ପାଇଁ ବ୍ୟବହୃତ ହେବ । କିଛି ସମୟ ପରେ ସରକାର କମ୍ୟୁନିଟି ହଲ୍ ଏବଂ ତମ୍ବୁ ମଧ୍ୟ ବ୍ୟବସ୍ଥା କରିବେ, ଯାହାଦ୍ୱାରା ଟିକାକରଣ ତ୍ୱରାନ୍ୱିତ ହୋଇପାରିବ ।

ରାଜ୍ୟମାନଙ୍କୁ ଦିଆଯାଇଥିବା ଡ୍ରାଫ୍ଟ ଅନୁଯାୟୀ, ଏହି ଟିକା ଦିଆଯାଇଥିବା ବ୍ୟକ୍ତିଙ୍କୁ ଅତି କମରେ ୩୦ ମିନିଟ୍ ପର୍ଯ୍ୟନ୍ତ ନଜରରେ ରଖାଯିବ । କୋରୋନା ଟିକା ପରେ ଯଦି କୌଣସି ଗୁରୁତର ପ୍ରଭାବ ଥାଏ, ତେବେ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯିବ । ଏଗୁଡିକ କୋରୋନା ଡାକ୍ତରଖାନା ହେବ ଯାହା ରାଜ୍ୟ ନିଜ ପାଇଁ ଚୟନ କରିବ ।