ଶସ୍ତା ହେବ ଖାଇବା ତେଲ! ମୋଦି କ୍ୟାବିନେଟ ଅନୁମୋଦନ କଲେ ଏହି ଯୋଜନା

କେନ୍ଦ୍ରରେ ଥିବା ମୋଦି ସରକାର (Modi Govt) ବୁଧବାର ପାମ୍ ଅଏଲ ମିଶନ (Palm Oil Mission) ଯୋଜନାକୁ ଅନୁମୋଦନ କରିଛନ୍ତି ।

ନୂଆଦିଲ୍ଲୀ: ସାଧାରଣ ଲୋକ ଏକ ବଡ ଆରାମ ପାଇବାକୁ ଯାଉଛନ୍ତି । ବୁଧବାର ପାମ୍ ଅଏଲ ମିଶନ (Palm Oil Mission) ଯୋଜନାକୁ କେନ୍ଦ୍ରର ମୋଦି ସରକାର (Modi Govt) ଅନୁମୋଦନ କରିଛନ୍ତି । ଦେଶରେ ଖାଇବା ତେଲର (Edible oil) ଉପଲବ୍ଧତା ବୃଦ୍ଧି ପାଇଁ ସରକାର ୧୧,୦୪୦ କୋଟି ଟଙ୍କା ଜାତୀୟ ପାମ୍ ଅଏଲ ମିଶନକୁ (National Edible Oil Mission-Oil Palm- NMEO-OP) ଅନୁମୋଦନ କରିଛନ୍ତି । ପାମ୍ ଅଏଲ ହେଉଛି ଏକ ପ୍ରକାର ଖାଇବା ତେଲ ଯାହା ପାମ୍ ଗଛର ମଞ୍ଜିରୁ ବାହାର କରାଯାଇଥାଏ । ହୋଟେଲ ଓ ରେସ୍ତୋରାଁରେ ଏହା ଖାଇବା ତେଲ ଭାବରେ ବ୍ୟବହୃତ ହୁଏ ।

କେନ୍ଦ୍ର କ୍ୟାବିନେଟ (Central Cabinet) ଖାଇବା ତେଲରେ ଭାରତକୁ ଆତ୍ମନିର୍ଭରଶୀଳ କରିବା ପାଇଁ ବୁଧବାର ନ୍ୟାସନାଲ ମିଶନ ଅନ୍ ଏଡିବଲ୍ ଅଏଲ (National Edible Oil Mission) ନାମକ ଏକ ନୂତନ ଯୋଜନା ଘୋଷଣା କରିଛି । ଏହି ମିଶନ ଭାରତର ନିର୍ଭରଶୀଳତାକୁ ହ୍ରାସ କରିବ । ସରକାରଙ୍କ ଏହି ମିଶନ ପାମ୍ ଅଏଲ ଆମଦାନୀ ଉପରେ ନିର୍ଭରଶୀଳତା ହ୍ରାସ କରିବ ଓ ଚାଷୀଙ୍କ ଆୟ ବୃଦ୍ଧି କରିବ । ଏଥି ସହିତ ତୈଳ ଶିଳ୍ପ ମଧ୍ୟ ଉପକୃତ ହେବ । ପାମ୍ ଅଏଲ ସହ ଜଡିତ ଶିଳ୍ପ ପ୍ରତିଷ୍ଠା ପାଇଁ ସରକାର ୫ କୋଟି ଟଙ୍କା ସହାୟତା ଘୋଷଣା କରିଛନ୍ତି ।

ଅଧିକ ପଢ଼ନ୍ତୁ: ଆଫଗାନିସ୍ତାନ ଦଖଲ ପରେ ଆମେରିକାକୁ କଡ଼ା ଚେତାବନୀ ଦେଲା ତାଲିବାନ, ଜାଣନ୍ତୁ କ’ଣ କହିଲା

ପ୍ରଧାନମନ୍ତ୍ରୀ ମୋଦୀ ଟ୍ୱିଟ କରି କହିଛନ୍ତି, ' ସରକାର ନେସନାଲ ମିଶନ ଅନ ଅଏଲ ସିଡ୍ସ ଓ ଅଏଲ ପାମ୍ ମାଧ୍ୟମରେ ୧୧,୦୦୦ କୋଟିରୁ ଅଧିକ ଟଙ୍କା ବିନିଯୋଗ କରିବେ । ଯାହା ଦ୍ୱାରା କୃଷକମାନେ ଉନ୍ନତ ମଞ୍ଜି ଓ ପ୍ରଯୁକ୍ତିବିଦ୍ୟା ସମେତ ସମସ୍ତ ସହାୟତା ପାଇପାରିବେ । 

ଅଧିକ ପଢ଼ନ୍ତୁ : ତାଲିବାନ ମହିଳାଙ୍କ ପାଇଁ ତିଆରି କରିଛି ଏହି ୧୦ ଟି କଠୋର ନିୟମ; ଟାଇଟ୍ ଡ୍ରେସ ଓ ଚପଲ ମଧ୍ୟ BAN

ଆଜି ଦୁଇଟି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି
କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର ଗଣମାଧ୍ୟମକୁ କହିଛନ୍ତି ଯେ ଆଜି ଭାରତ ସରକାର ଦୁଇଟି ନିଷ୍ପତ୍ତି ନେଇଛନ୍ତି । ପାମ୍ ଅଏଲର କଞ୍ଚାମାଲର ମୂଲ୍ୟ କେନ୍ଦ୍ର ସରକାର ସ୍ଥିର କରିବେ । ଏହା ସହିତ ଏହା ମଧ୍ୟ ସ୍ଥିର ହୋଇଛି ଯେ ଯଦି ବଜାରରେ ପରିବର୍ତ୍ତନ ଆସେ ଓ କୃଷକଙ୍କ ଫସଲର ମୂଲ୍ୟ ହ୍ରାସ ହୁଏ, ତେବେ ପାର୍ଥକ୍ୟ ପରିମାଣ କେନ୍ଦ୍ର ସରକାର ଚାଷୀଙ୍କୁ DBT ମାଧ୍ୟମରେ ପ୍ରଦାନ କରିବେ । ପୂର୍ବରୁ ଦିଆଯାଇଥିବା ପରିମାଣ ମଧ୍ୟ ବୃଦ୍ଧି କରାଯାଇଛି । ଲୋକଙ୍କୁ ଉତ୍ତର-ପୂର୍ବ ଅଞ୍ଚଳରେ ଶିଳ୍ପ ପ୍ରତିଷ୍ଠା କରିବାକୁ ଓ ଶିଳ୍ପକୁ ସକ୍ଷମ କରିବାକୁ, ୫ କୋଟି ଟଙ୍କା ସହାୟତା ଯୋଗାଇବାକୁ ମଧ୍ୟ ନିଷ୍ପତ୍ତି ନିଆଯାଇଛି ।