ଭାରତୀୟ ରେଲୱେ କଲା ବଡ଼ ଘୋଷଣା, ଏହି ଲୋକମାନେ କରିପାରିବେନି ଟ୍ରେନରେ ଯାତ୍ରା

ନୂଆଦିଲ୍ଲୀ: ​​Indian Railways Train Ticket Booking: ଟ୍ରେନରେ ଯାତ୍ରା କରୁଥିବା ଲୋକଙ୍କ ପାଇଁ ଏକ ବଡ଼ ଖବର ଅଛି । ଯଦି ଆପଣଙ୍କର ଆଜି ଠାରୁ ଅର୍ଥାତ ଜାନୁଆରୀ ୧୦ ପରେ କୌଣସି ରିଜର୍ଭେଶନ ବା ସଂରକ୍ଷଣ ଅଛି କିମ୍ବା ଯଦି ଆପଣ ଯାତ୍ରା ପାଇଁ ଯୋଜନା କରୁଛନ୍ତି, ତେବେ ଜାଣି ନିଅନ୍ତୁ ଯେ ଆପଣ ଟ୍ରେନରେ ଯାତ୍ରା କରିପାରିବେ ନାହିଁ । ଆଜ୍ଞା ହଁ... ଦେଶରେ ଦ୍ରୁତ ଗତିରେ ବଢୁଥିବା କୋରୋନା ମାମଲାକୁ ଦୃଷ୍ଟିରେ ରଖି ରେଳବାଇ ଏକ ବଡ଼ ନିଷ୍ପତ୍ତି ନେଇଛି । ଆସନ୍ତୁ ଆପଣଙ୍କୁ କହିବୁ ଜାନୁଆରୀ ୧୦ ପରେ ଟ୍ରେନରେ କିଏ ଯାତ୍ରା କରିପାରେ ଓ କିଏ କରିପାରିବେ ନାହିଁ…

ଦ୍ରୁତ ଗତିରେ ବଢୁଥିବା କୋରୋନା ମାମଲାକୁ ଦୃଷ୍ଟିରେ ରଖି ଦକ୍ଷିଣ ରେଲୱେ (Southern Railway) ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି । ଯେଉଁଥିରେ କୁହାଯାଇଛି ଯେ ଜାନୁଆରୀ ୧୦ ପରେ କେବଳ ସେହି ଲୋକ ଟ୍ରେନ୍ ଯାତ୍ରା କରିପାରିବେ, ଯେଉଁମାନେ କୋରୋନା ଟିକାର ଉଭୟ ଡୋଜ ନେଇଛନ୍ତି ଅର୍ଥାତ ଯାତ୍ରା ପାଇଁ ଆପଣଙ୍କୁ କୋରୋନା ଟିକାର ଉଭୟ ଡୋଜର ସାର୍ଟିଫିକେଟ୍ ଦେଖାଇବାକୁ ପଡ଼ିବ ।

ଆପଣଙ୍କୁ କହି ରଖୁଛୁ ଯେ ଯେଉଁମାନେ କୋରୋନାର ଉଭୟ ଡୋଜ୍ ଗ୍ରହଣ କରିନାହାଁନ୍ତି, ସେମାନେ ଟ୍ରେନ୍ ଯାତ୍ରା କରିପାରିବେ ନାହିଁ । ତେବେ ଏପର୍ଯ୍ୟନ୍ତ କେବଳ ଦକ୍ଷିଣ ରେଳବାଇ ଦ୍ୱାରା ଏହିପରି ଏକ ଗାଇଡଲାଇନ ଜାରି କରାଯାଇଛି, ଅର୍ଥାତ୍ ଏହି ନିୟମ କେବଳ ଚେନ୍ନାଇ କ୍ଷେତ୍ରର ଲୋକଙ୍କ ପାଇଁ ଲାଗୁ ହେବ ।

ଏହା ବି ପଢ଼ନ୍ତୁ:-କଂଗ୍ରେସରେ ଯୋଗଦେବେ ସୋନୁ ସୁଦଙ୍କ ଭଉଣୀ ମାଲଭିକା, ଏହି ଆସନରୁ ଲଢ଼ିବେ ନିର୍ବାଚନ!

ଏହା ବି ପଢ଼ନ୍ତୁ:-ଆଜିଠୁ ମୋଦି ସରକାର ବିକୁଛନ୍ତି ଶସ୍ତା ସୁନା, ଜାନୁଆରୀ ୧୪ ଯାଏ କିଣିବାର ସୁଯୋଗ

ଏହା ବି ପଢ଼ନ୍ତୁ:-କୋରୋନା ମାମଲାରେ ପୁଣି ବୃଦ୍ଧି: ଦିନକରେ ଚିହ୍ନଟ ହେଲା ପ୍ରାୟ ୧ ଲକ୍ଷ ୮୦ ହଜାର ମାମଲା, ଆଖି ବୁଜିଲେ ଏତିକି ସଂକ୍ରମିତ

ଏହା ବ୍ୟତୀତ ଦକ୍ଷିଣ ରେଳବାଇର ନୂତନ ଗାଇଡଲାଇନ୍ ଅନୁଯାୟୀ ଯେଉଁ ଯାତ୍ରୀମାନେ ରେଳ ପରିସରରେ ମାସ୍କ ପିନ୍ଧିବେ ନାହିଁ ସେମାନଙ୍କୁ ମଧ୍ୟ ୫୦୦ ଟଙ୍କାର ଜୋରିମାନା ଦେବାକୁ ପଡ଼ିବ । ତାମିଲନାଡୁରେ ବଢୁଥିବା କୋରୋନା ମାମଲାକୁ ଦୃଷ୍ଟିରେ ରଖି ରେଳ ବିଭାଗ ଜାନୁଆରୀ ୬ରେ ଏକ ନୂତନ ଗାଇଡଲାଇନ ଜାରି କରିଥିଲା ।

ରେଲୱେ କହିଛି ଯେ, ଉପାନ୍ତ ସହରର ଟ୍ରେନ୍ ସେବା ୫୦ ପ୍ରତିଶତ କ୍ଷମତା ସହିତ ଚାଲିବ, ଯାହା ଦ୍ୱାରା କୋରୋନା ସଂକ୍ରମଣ ବୃଦ୍ଧି ହେବା ଆଶଙ୍କା କମ୍ ରହିବ । ଏହା ବ୍ୟତୀତ ଯାତ୍ରୀମାନଙ୍କୁ ଯାତ୍ରା ଟିକେଟ ନେବା ପାଇଁ କୋରୋନାର ସାର୍ଟିଫିକେଟ୍ ଦେଖାଇବାକୁ ପଡ଼ିବ । ସାର୍ଟିଫିକେଟ୍ ବିନା ଆପଣ ଯାତ୍ରା କରିବାକୁ ସମର୍ଥ ହେବେ ନାହିଁ ।