ଏହି ରେଳ ଷ୍ଟେସନରେ ଯାତ୍ରୀମାନଙ୍କୁ ପ୍ଲାଟଫର୍ମ ଟିକେଟ୍ କିଣିବା ପାଇଁ ଦେବାକୁ ପଡ଼ିବ ଅଧିକ ୩୦ ଟଙ୍କା, ଜାଣନ୍ତୁ ଏହାର କାରଣ

ନୂଆଦିଲ୍ଲୀ: Indian Railways/IRCTC: ଦିଲ୍ଲୀ ଡିଭିଜନର ୮ଟି ପ୍ରମୁଖ ଷ୍ଟେସନରେ ପ୍ଲାଟଫର୍ମ ଟିକେଟ୍ ବିକ୍ରି ଆରମ୍ଭ କରିବାକୁ ଉତ୍ତର ରେଳ  (Northern Railway) ନିଷ୍ପତ୍ତି ନେଇଛି । ତେବେ ଏଥିପାଇଁ ଯାତ୍ରୀମାନଙ୍କଠାରୁ ଆହୁରି ୩୦ ଟଙ୍କା ଆଦାୟ କରାଯିବ । ଭିଡ଼କୁ ହ୍ରାସ କରିବା ପାଇଁ ଟିକେଟ୍ ମୂଲ୍ୟ ବୃଦ୍ଧି କରାଯାଇଛି । ଉତ୍ତର ରେଳବାଇ (Northern Railway) କହିଛି ଯେ, କୋଭିଡ-19 ମହାମାରୀର ସ୍ଥିତି ସମୀକ୍ଷା କରିବା ପରେ ଯାତ୍ରୀ ସେବାକୁ ସୁଗମ କରିବା ପାଇଁ ଏହି ନିଷ୍ପତ୍ତି ନିଆଯାଇଛି ।

ଅଧିକ ପଢ଼ନ୍ତୁ:-ଯେତେବେଳେ Sushant Singh Rajput ଫ୍ୟାନ୍ସଙ୍କୁ କହିଥିଲେ- ମୋର ଫିଲ୍ମ ଦେଖିବାକୁ ଯାଆନ୍ତୁ, ନଚେତ୍...

ବର୍ତ୍ତମାନ ଯାତ୍ରୀମାନେ ନୂଆଦିଲ୍ଲୀ, ଦିଲ୍ଲୀ ଜଙ୍କସନ, ହଜରତ ନିଜାମୁଦ୍ଦିନ, ଆନନ୍ଦ ବିହାର ଟର୍ମିନାଲ, ମେରୁଟ ସିଟି, ଗାଜିଆବାଦ, ଦିଲ୍ଲୀ ସରାଇ ରୋହିଲ୍ଲା ଏବଂ ଦିଲ୍ଲୀ କ୍ୟାଣ୍ଟ ରେଳ ଷ୍ଟେସନରେ ପ୍ଲାଟଫର୍ମ ଟିକେଟର ଲାଭ ଉଠାଇପାରିବେ । ଏଥି ସହିତ କୋରୋନାର ଦ୍ୱିତୀୟ ଲହର ବର୍ତ୍ତମାନ ପ୍ରାୟ ମନ୍ଥର ହେବାରେ ଲାଗିଛି । ସାରା ଦେଶରେ ଦୈନିକ ୧ ଲକ୍ଷରୁ କମ୍ କୋଭିଡ ମାମଲା ସାମ୍ନାକୁ ଆସୁଛି । ଏଭଳି ପରିସ୍ଥିତିରେ ଯାତ୍ରୀମାନଙ୍କ ଆବଶ୍ୟକତାକୁ ଦୃଷ୍ଟିରେ ରଖି ଭାରତୀୟ ରେଳବାଇ ପୁଣି କିଛି ସ୍ୱତନ୍ତ୍ର ଟ୍ରେନ୍ ଚଳାଇବାକୁ ନିଷ୍ପତ୍ତି ନେଇଛି ।

ସେପଟେ ବର୍ତ୍ତମାନ ସମୟରେ ଯାତ୍ରୀଙ୍କୁ ଟ୍ରେନ (Trains) ରେ ଯାତ୍ରା କରିବା ପାଇଁ RT-PCR ରିପୋର୍ଟ ଆବଶ୍ୟକ ହେଉଛି । କିନ୍ତୁ ଆଗାମୀ ଦିନରେ ଟ୍ରେନରେ ଯାତ୍ରା ପାଇଁ କୋଭିଡ RT-PCR ଯାଞ୍ଚ ରିପୋର୍ଟ ଆବଶ୍ୟକ ହେବ ନାହିଁ । ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ରେଲୱେ (Indian Railways) କୋରୋନା ରିପୋର୍ଟ (COVID-19 Reports) ବଦଳରେ ରେଳ ଯାତ୍ରୀଙ୍କଠାରୁ କୋଭିଡ ଟିକା (Coronavirus Vaccine) ପ୍ରମାଣପତ୍ର ମାଗିପାରେ ।

ଅଧିକ ପଢ଼ନ୍ତୁ:-ଦେଶରେ ଗତ ୨୪ ଘଣ୍ଟାରେ ୭୦ ହଜାରରୁ ଉର୍ଦ୍ଧ୍ୱ ମାମଲା ଚିହ୍ନଟ, ଆଖି ବୁଜିଲେ ଏତିକି ସଂକ୍ରମିତ

ଏହାର ସୁବିଧା ହେଉଛି ଯେ ରେଳ ଯାତ୍ରୀମାନେ ଆରୋଗ୍ୟ ସେତୁ (Arogya Setu) ଆପ୍ ମାଧ୍ୟମରେ ସେମାନଙ୍କର କୋଭିଡ ଟିକା (COVID-19 Vaccine) ପ୍ରମାଣପତ୍ର ଦେଖାଇବାକୁ ସକ୍ଷମ ହେବେ । କୋରୋନା ସଙ୍କଟ (Corona Crisis) ହେତୁ ଗତ କିଛି ଦିନ ଧରି ଲାଗୁ ହୋଇଥିବା କଠୋରତା ବର୍ତ୍ତମାନ ରିହାତି ଦିଆଯାଉଛି । ଏହି କାରଣରୁ ବର୍ତ୍ତମାନ ଲୋକଙ୍କ ଯିବା ଆସିବା ଆରମ୍ଭ ହୋଇସାରିଛି ।

ଅଧିକ ପଢ଼ନ୍ତୁ:-ପୁଣି ବିଜେପି-ଶିବସେନା ଏକାଠି ହେବାକୁ ନେଇ ଚାଲିଛି ଚର୍ଚ୍ଚା, କିନ୍ତୁ ସଞ୍ଜୟ ରାଉତଙ୍କ ବୟାନରୁ ଆସିଛି ନୂଆ ଟ୍ୱିଷ୍ଟ

ଭାରତୀୟ ରେଳ (Indian Railways) ଏହା ଉପରେ ଏକ ଯୋଜନା ପ୍ରସ୍ତୁତ କରୁଛି । ଅନେକ ରାଜ୍ୟ ରେଳ ମନ୍ତ୍ରଣାଳୟକୁ ପରାମର୍ଶ ଦେଇଛନ୍ତି ଏବଂ ଜୁନ୍ ୧୫ ସୁଦ୍ଧା ଏହା ଉପରେ ଚିତ୍ର ସ୍ପଷ୍ଟ ହୋଇପାରେ । ଏହାପୂର୍ବରୁ ଜୁନ୍ ୬ରେ ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀ ଏହା ମଧ୍ୟ କହିଥିଲେ ଯେ ସ୍ୱାସ୍ଥ୍ୟ ବିଭାଗ ସମେତ ଅନେକ ମନ୍ତ୍ରଣାଳୟ ଏବଂ ବିଶେଷଜ୍ଞଙ୍କ ମିଳିତ ଟିମ୍ କୋରୋନା ଟିକାର ଉଭୟ ଡୋଜ୍ ଲଗାଇସାରିଥିବା ବ୍ୟକ୍ତିଙ୍କୁ RT-PCR ରିପୋର୍ଟ ବିନା ବିମାନ ଯାତ୍ରାକୁ ଅନୁମତି ଦେବା ପାଇଁ ଚୂଡ଼ାନ୍ତ ନିଷ୍ପତ୍ତି ନେବାକୁ ଆଲୋଚନା କରୁଛନ୍ତି ।