ଏହି ରାଜ୍ୟରେ ଲାଗିଲା ଲକଡାଉନ୍

ରାଞ୍ଚି: Lockdown in Jharkhand: ଦିନକୁ ଦିନ କୋରୋନା ସ୍ଥିତି ସାଂଘାତିକ ହେବାରେ ଲାଗିଛି । ଏହା ମଧ୍ୟରେ ବିଭିନ୍ନ ରାଜ୍ୟରେ ଲକଡାଉନ୍ ଲଗାଯାଉଛି । ଏହି କ୍ରମରେ ଝାଡଖଣ୍ଡରେ ବଢୁଥିବା କୋରୋନା ମାମଲା ମଧ୍ୟରେ ମୁଖ୍ୟମନ୍ତ୍ରୀ ହେମନ୍ତ ସୋରେନ ମଙ୍ଗଳବାର ସିଏମ ବାସଭବନରେ ବୈଠକ କରି ଏକ ବଡ ନିଷ୍ପତ୍ତି ନେଇଛନ୍ତି । ଏପ୍ରିଲ ୨୨ରୁ ଏପ୍ରିଲ ୨୯ ପର୍ଯ୍ୟନ୍ତ ଝାଡଖଣ୍ଡରେ ଲକଡାଉନ୍ ଲଗାଯାଇଛି । 

ଅଧିକ ପଢ଼ନ୍ତୁ:-ଏବେ ମାତ୍ର ୯ ଟଙ୍କାରେ କିଣି ପାରିବେ LPG ଗ୍ୟାସ୍ ସିଲିଣ୍ଡର! ଏପ୍ରିଲ ୩୦ ଯାଏ ସୁଯୋଗ, ଏହି ଉପାୟରେ ଉଠାନ୍ତୁ ଲାଭ

ରାଜ୍ୟ ମୁଖ୍ୟ ଶାସନ ସଚିବ ସୁଖଦେବ ସିଂ ଏବଂ ଅନ୍ୟ ଅଧିକାରୀଙ୍କ ସହ ଆଲୋଚନା ପରେ ସିଏମ୍ ଏହି ନିଷ୍ପତ୍ତି ନେଇଛନ୍ତି । ଏହି ସମୟ ମଧ୍ୟରେ ଅତ୍ୟାବଶ୍ୟକ ସେବା ପାଇଁ କିଛି ରିହାତି ମଧ୍ୟ ଦିଆଯାଇଛି । ମୁଖ୍ୟମନ୍ତ୍ରୀ ଏପ୍ରିଲ ୨୨ ସକାଳ ୬:୦୦ରୁ ଏପ୍ରିଲ ୨୯ ସକାଳ ୬:୦୦ ପର୍ଯ୍ୟନ୍ତ ସ୍ୱାସ୍ଥ୍ୟ ସୁରକ୍ଷା ସପ୍ତାହ ଘୋଷଣା କରିଛନ୍ତି ।

ଅଧିକ ପଢ଼ନ୍ତୁ:-ପବନରେ ବ୍ୟାପୁଛି କୋରୋନା ଭୂତାଣୁ, ପ୍ରଥମ ଥର ପାଇଁ ସ୍ୱୀକାର କଲା ସରକାର

ଝାରଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନ କହିଛନ୍ତି ଯେ, କେବଳ ଜନସାଧାରଣଙ୍କ ସହଯୋଗରେ କୋରୋନା ସଂକ୍ରମଣକୁ ରୋକାଯାଇପାରିବ । ଏପରି ପରିସ୍ଥିତିରେ ଆପଣ ସମସ୍ତଙ୍କୁ ଅନୁରୋଧ କରାଯାଇଛି ଯେ ଅତି ଜରୁରୀ କାର୍ଯ୍ୟ ବ୍ୟତୀତ ନିଜ ଘରୁ ବାହାରନ୍ତୁ ନାହିଁ ।

ଅଧିକ ପଢ଼ନ୍ତୁ:-କୋରୋନା ମହାମାରୀ ମଧ୍ୟରେ ରେଲୱେ ବାତିଲ କଲା ୧୨ଟି ଟ୍ରେନ୍, ଦେଖନ୍ତୁ ସମ୍ପୂର୍ଣ୍ଣ ତାଲିକା

କୋରୋନା ମହାମାରୀର ଚେନକୁ ଭାଙ୍ଗି ଏହାକୁ ନିୟନ୍ତ୍ରଣ କରିବା ପାଇଁ ଏପ୍ରିଲ ୨୨ରୁ ୨୯ର ସକାଳ ୬ଟା ପର୍ଯ୍ୟନ୍ତ ସ୍ୱାସ୍ଥ୍ୟ ସୁରକ୍ଷା ସପ୍ତାହ ବଳବତ୍ତର ରହିବ । ଏହି ସମୟ ମଧ୍ୟରେ ନିମ୍ନ ଲିଖିତ ରିହାତି ପ୍ରଦାନ କରାଯାଇଛି ।

1. ଅତ୍ୟାବଶ୍ୟକ ସାମଗ୍ରୀ ଦୋକାନ ବ୍ୟତୀତ ଅନ୍ୟ ସମସ୍ତ ଦୋକାନ ବନ୍ଦ ରହିବ ।

2. ଭାରତ ସରକାର, ରାଜ୍ୟ ସରକାର ଏବଂ ବେସରକାରୀ କ୍ଷେତ୍ରର ଚିହ୍ନିତ କାର୍ଯ୍ୟାଳୟ ବ୍ୟତୀତ ସମସ୍ତ କାର୍ଯ୍ୟାଳୟ ବନ୍ଦ ରହିବ ।

3. କୃଷି, ଶିଳ୍ପ, ନିର୍ମାଣ ଏବଂ ଖଣି କାର୍ଯ୍ୟ ଜାରି ରହିବ ।

4. ଧାର୍ମିକ ସ୍ଥାନଗୁଡିକ ଖୋଲା ରହିବ, କିନ୍ତୁ ଭକ୍ତଙ୍କ ଉପସ୍ଥିତି ସୀମିତ ରହିବ ।

5. ଅନୁମତି ପ୍ରାପ୍ତ କାର୍ଯ୍ୟ ବ୍ୟତୀତ କୌଣସି ବ୍ୟକ୍ତି ତାଙ୍କ ଘରୁ ବାହାରକୁ ଯିବେ ନାହିଁ ।

6. କୌଣସି ସ୍ଥାନରେ ୫ରୁ ଅଧିକ ଲୋକଙ୍କୁ ଏକାଠି ହେବା ନିଷେଧ ।