ଖୁସି ଖବର! ଏଣିକି ମାତ୍ର ୬୩୪ ଟଙ୍କାରେ ଘରେ ଡେଲିଭରୀ ହେବ LPG ସିଲିଣ୍ଡର, ଜାଣନ୍ତୁ କିପରି

ନୂଆଦିଲ୍ଲୀ: LPG Composite Cylinder Price: ଯଦି ଆପଣ ଘରୋଇ ଏଲପିଜି ସିଲିଣ୍ଡର (LPG Cylinder) ର କ୍ରମାଗତ ମୂଲ୍ୟ ବୃଦ୍ଧି ଯୋଗୁଁ ଚିନ୍ତିତ ଅଛନ୍ତି । ତେବେ ଆପଣ ଏହି ଖବର ପଢ଼ି ଖୁସି ହେବେ । କାରଣ ବର୍ତ୍ତମାନ ଆପଣଙ୍କୁ କେବଳ ୬୩୩.୫୦ ଟଙ୍କା ଦେଇ ସିଲିଣ୍ଡର ମିଳିଯିବ । ଆଜ୍ଞା ହଁ! ଏହା ସତ କଥା । ତେବେ ଘରୋଇ ଗ୍ୟାସ ସିଲିଣ୍ଡର ମୂଲ୍ୟ (LPG Cylinder Price) ରେ ବର୍ତ୍ତମାନ ପର୍ଯ୍ୟନ୍ତ କୌଣସି ପରିବର୍ତ୍ତନ ହୋଇନାହିଁ । ଅକ୍ଟୋବର ୪ପରେ ଏଲପିଜି ସିଲିଣ୍ଡର ଶସ୍ତା କିମ୍ବା ମହଙ୍ଗା ହୋଇନାହିଁ । କିନ୍ତୁ ତଥାପି ଆପଣ ୬୩୩.୫୦ ଟଙ୍କାରେ LPG ଗ୍ୟାସ ସିଲିଣ୍ଡର କିଣି ପାରିବେ । ଆସନ୍ତୁ ଜାଣିବା କିପରି...

କମ୍ପୋଜିଟ୍ LPG ସିଲିଣ୍ଡର 

ବାସ୍ତବରେ, ଆମେ ସେହି ସିଲିଣ୍ଡର ବିଷୟରେ କହୁଛୁ, ଯେଉଁଥିରେ ଗ୍ୟାସ୍ ଦୃଶ୍ୟମାନ ହୁଏ ଏବଂ ୧୪.୨ କିଲୋଗ୍ରାମ ଗ୍ୟାସର ଭାରୀ ସିଲିଣ୍ଡର ଅପେକ୍ଷା ହାଲୁକା ଅଟେ । ଯଦିଓ ୧୪.୨ କିଲୋଗ୍ରାମ ଗ୍ୟାସ ସିଲିଣ୍ଡର ବର୍ତ୍ତମାନ ଦିଲ୍ଲୀରେ ୮୯୯.୫୦ ଟଙ୍କାରେ ଉପଲବ୍ଧ, କିନ୍ତୁ ଏକ କମ୍ପୋଜିଟ୍ ସିଲିଣ୍ଡର (LPG Composite Cylinder) ମାତ୍ର ୬୩୩.୫୦ ଟଙ୍କାରେ ଭରାଯାଇପାରିବ । ଏଥି ସହିତ ୫ କିଲୋଗ୍ରାମ ଗ୍ୟାସ୍ ସହିତ LPG କମ୍ପୋଜିଟ୍ ସିଲିଣ୍ଡର ମାତ୍ର ୫୦୨ ଟଙ୍କାରେ ରିଫିଲ୍ ହେବ । ୧୦ କିଲୋଗ୍ରାମ LPG କମ୍ପୋଜିଟ୍ ସିଲିଣ୍ଡର ପୂରଣ କରିବାକୁ ହେଲେ ଆପଣଙ୍କୁ କେବଳ ୬୩୩.୫୦ ଟଙ୍କା ଦେବାକୁ ପଡିବ ।

LPG ସିଲିଣ୍ଡରର ନୂତନ ଦର ଏଠାରେ ଚେକ୍ କରନ୍ତୁ: -

ଏହି ସହରଗୁଡ଼ିକରେ କମ୍ପୋଜିଟ୍ ସିଲିଣ୍ଡର ଉପଲବ୍ଧ 

ସୂଚନାଯୋଗ୍ୟ ଯେ ବର୍ତ୍ତମାନର ସିଲିଣ୍ଡର ତୁଳନାରେ କମ୍ପୋଜିଟ୍ ସିଲିଣ୍ଡରରେ ୪ କିଲୋଗ୍ରାମ କମ୍ ଗ୍ୟାସ୍ ରହିବ । ପ୍ରଥମ ପର୍ଯ୍ୟାୟରେ ଦିଲ୍ଲୀ, ବରାଣାସୀ, ପ୍ରୟାଗରାଜ, ଫରିଦାବାଦ, ଗୁରୁଗ୍ରାମ, ଜୟପୁର, ହାଇଦ୍ରାବାଦ, ଜଲନ୍ଦର, ଜାମସେଦପୁର, ପାଟନା, ମୈସୁର, ଲୁଧିଆନା, ରାୟପୁର, ରାଞ୍ଚି, ଅହମ୍ମଦାବାଦ ସମେତ ୨୮ଟି ସହରରେ ଏହି କମ୍ପୋଜିଟ୍ ସିଲିଣ୍ଡର ଉପଲବ୍ଧ ରହିଛି ।

କମ୍ପୋଜିଟ୍ ସିଲିଣ୍ଡରର ବିଶେଷତା କ’ଣ?

ଲୌହ ସିଲିଣ୍ଡର ଅପେକ୍ଷା କମ୍ପୋଜିଟ୍ ସିଲିଣ୍ଡର ୭ କିଲୋଗ୍ରାମ ହାଲୁକା । ଏହାର ତିନୋଟି ସ୍ତର ଅଛି । ବର୍ତ୍ତମାନ ବ୍ୟବହୃତ ହେଉଥିବା ଖାଲି ସିଲିଣ୍ଡର ହେଉଛି ୧୭ କିଲୋଗ୍ରାମ ଓ ଯେତେବେଳେ ଏଥିରେ ଗ୍ୟାସ ଭରାଯାଏ, ଏହା ୩୧ କିଲୋଗ୍ରାମରୁ ଅଧିକ ହୋଇଯାଏ । ବର୍ତ୍ତମାନ ୧୦ କିଲୋଗ୍ରାମ କମ୍ପୋଜିଟ୍ ସିଲିଣ୍ଡରରେ କେବଳ ୧୦ କିଲୋଗ୍ରାମ ଗ୍ୟାସ୍ ରହିବ ।