ଯୁବକଙ୍କୁ ଯିବାର ଥିଲା ୟୁପିର ହମିରପୁର, କିନ୍ତୁ ପହଞ୍ଚିଗଲେ ଏହି ରାଜ୍ୟର ହମିରପୁରରେ, ଜାଣନ୍ତୁ କ'ଣ ହେଲା ତା'ପରେ...

ନୂଆଦିଲ୍ଲୀ: ଉତ୍ତରପ୍ରଦେଶ (Uttar Pradesh) ର ହମିରପୁର (Hamirpur) ର ଜଣେ ଯୁବକ ଦିଲ୍ଲୀ ବସଷ୍ଟାଣ୍ଡ (Delhi Bus Stand) ରୁ ନିଜ ଗାଁକୁ ଯିବା ପାଇଁ ଏକ ବସରେ ଚଢିଥିଲେ, କିନ୍ତୁ ଗୁରୁବାର (ଜୁଲାଇ ୧୫) ସକାଳେ ଯେତେବେଳେ ସେ ଆଖି ଖୋଲିଲେ ତ ନିଜକୁ ହିମାଚଳ ପ୍ରଦେଶର ହମିରପୁର ବସଷ୍ଟାଣ୍ଡରେ ପାଇଥିଲେ । ଯେତେବେଳେ ହମିରପୁର ବସଷ୍ଟାଣ୍ଡରେ ପହଞ୍ଚିଥିବା ବସର କଣ୍ଡକ୍ଟର ଯୁବକଙ୍କୁ ବସରୁ ଓହ୍ଲାଇବାକୁ କହିଲେ, ଯୁବକ ବସରୁ ଓହ୍ଲାଇବା ପରେ ଆଶ୍ଚର୍ଯ୍ୟ ହୋଇଗଲେ, ସେ କହିଲେ ଯେ ଏହା ୟୁପିର ହମିରପୁର ନୁହେଁ । ଯୁବକଙ୍କର ପର୍ସ ମଧ୍ୟ କୌଣସି ସ୍ଥାନରେ ପଡ଼ିଯାଇଥିଲା ।

ଏହା ପରେ ସେ ଦୀର୍ଘ ସମୟ ଧରି ବସଷ୍ଟାଣ୍ଡରେ ବସି ସ୍ଥାନୀୟ ଲୋକଙ୍କୁ ସାହାଯ୍ୟ ମାଗିଥିଲେ । ଯେତେବେଳେ ଏଚଆରଟିସି ହମିରପୁର ଡିପୋର ସବ-ଡିଭିଜନାଲ ମ୍ୟାନେଜର ବିବେକ ଲାଖାନପାଲଙ୍କ ନଜରକୁ ଆସିଲା, ସେ ବିଳମ୍ବ ନକରି ଯୁବକଙ୍କୁ HRTC ର ଦିଲ୍ଲୀ ବସରେ ନିଃଶୁଳ୍କ ପଠାଇବା ଓ ତାଙ୍କ ଖାଦ୍ୟ ବ୍ୟବସ୍ଥା କରିଥିଲେ । ଡିଡିଏମ୍ ବିବେକ ଲାଖାନପାଲଙ୍କ ଏହି ସେବାକୁ ସମଗ୍ର ଜିଲ୍ଲାରେ ପ୍ରଶଂସା କରାଯାଉଛି ।

ଅଧିକ ପଢ଼ନ୍ତୁ:-ଜାରି ହେଲା ଆଜିର ଡିଜେଲ-ପେଟ୍ରୋଲର ଦାମ୍, ଚେକ୍ କରନ୍ତୁ ଆପଣଙ୍କ ସହରରେ କ'ଣ ରହିଛି ରେଟ୍

ଉତ୍ତରପ୍ରଦେଶର ହମିରପୁରର ବାନ୍ଦାର ପରମାପୁରୱା ଗାଁର ବାସିନ୍ଦା ପୁରୁଷୋତ୍ତମ ଶ୍ରୀବାସ୍ତବ କହିଛନ୍ତି ଯେ, ତାଙ୍କ ଭଉଣୀଙ୍କ ଦୁଇ ବର୍ଷ ପୂର୍ବେ ବିବାହ ହୋଇଥିଲା । ଭିଣେଇ ପାନିପତର ଏକ ଫ୍ୟାକ୍ଟ୍ରିରେ କାମ କରନ୍ତି । ସୋମବାର ସେ ଭଉଣୀକୁ ଛାଡିବା ପାଇଁ ଭିଣେଇଙ୍କ ପାଖକୁ ଆସିଥିଲେ । ଏହା ପରେ ଦିଲ୍ଲୀର କଶ୍ମୀର ଗେଟରେ ପହଞ୍ଚିଥିଲେ । ବୁଧବାର ରାତି ୧୦.୩୦ ସମୟରେ କଶ୍ମୀର ଗେଟରେ ଅଟକି ରହିଥିବା ବସର ଅପରେଟର ହମିରପୁର ଯିବାକୁ ଆୱାଜ ଦେଇଥିଲେ । ୬୮୦ ଟଙ୍କା ଭଡା ଦେବା ପରେ ସେ ସେହି ବସରେ ଚଢ଼ିଥିଲେ, କିନ୍ତୁ ଭୁଲ ବଶତଃ ଗୁରୁବାର ସକାଳେ ହିମାଚଳର ହମିରପୁରରେ ପହଞ୍ଚିଥିଲେ ।

ଅଧିକ ପଢ଼ନ୍ତୁ:-ଏବେ ଏହି ବିଭାଗର କର୍ମଚାରୀଙ୍କ ପାଇଁ ଖୁସି ଖବର; ମୋଦି ସରକାର ଦେଲେ ସବୁଜ ସଙ୍କେତ, ଅଗଷ୍ଟରେ ମିଳିବ ଦ୍ୱିଗୁଣା ଲାଭ
ସଂପୂର୍ଣ୍ଣ ମାମଲା

ସେ ପ୍ରଥମ ଥର ପାଇଁ ଦିଲ୍ଲୀ ଆସିଥିଲେ । ପୁରୁଷୋତ୍ତମ କହିଛନ୍ତି ଯେ, ତାଙ୍କ ପାଖରେ ଥିବା ଟଙ୍କା ଖର୍ଚ୍ଚ ହୋଇଯାଇଛି । ଅନ୍ୟପକ୍ଷରେ, ଏଚଆରଟିସି ହମିରପୁର ଡିପୋର ସବ-ଡିଭିଜନାଲ ମ୍ୟାନେଜର ବିବେକ ଲାଖାନପାଲ କହିଛନ୍ତି ଯେ, ମଣିଷ ଭାବରେ ଯୁବକଙ୍କୁ ସାହାଯ୍ୟ କରିବା ଆମର କର୍ତ୍ତବ୍ୟ । ଏହି ଘଟଣା ସାମ୍ନାକୁ ଆସିବା ମାତ୍ରେ ଯୁବକମାନଙ୍କୁ ନିଗମର ବସରେ ମାଗଣାରେ ଦିଲ୍ଲୀ ପଠାଇବା ପାଇଁ ବ୍ୟବସ୍ଥା କରାଯାଇଛି ।