ମଧ୍ୟବିତ୍ତଙ୍କ ପାଇଁ ଖୁସି ଖବର, ଖୁବ୍ ଶୀଘ୍ର ଏହି ଉପହାର ଦେବାକୁ ଯାଉଛନ୍ତି ମୋଦି ସରକାର

ତମାଲ ବାକଚି, ନୂଆଦିଲ୍ଲୀ: କର ଦେଉଥିବା ମଧ୍ୟବିତ୍ତଙ୍କୁ ଏକ ବଡ ଉପହାର ଦେବାକୁ ପ୍ରସ୍ତୁତ ହେଉଛନ୍ତି ମୋଦି ସରକାର(Modi Government) । ଏହି ପରିପ୍ରେକ୍ଷୀରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ(Nirmala Sitharaman) ଏକ ଗୁରୁତ୍ୱପୂର୍ଣ୍ଣ ବୟାନ ଦେଇଛନ୍ତି । ଗୋଟିଏ କାର୍ଯ୍ୟକ୍ରମରେ ଅର୍ଥମନ୍ତ୍ରୀ କହିଛନ୍ତି ଯେ, କରଦାତାମାନେ ହେଉଛନ୍ତି ରାଷ୍ଟ୍ର ନିର୍ମାଣକାରୀ ।  ସରକାର ସେମାନଙ୍କ ପାଇଁ ଏକ ଚାର୍ଟର୍ ଅଫ୍ ରାଇଟ୍(Charter of Rights) ଆଣିବେ ।

ନିର୍ମଳା ସୀତାରମଣ କହିଛନ୍ତି ଯେ, ବିଶ୍ୱରେ ବହୁତ କମ ଦେଶ ଅଛି ଯେଉଁଠାରେ କରଦାତାମାନଙ୍କ ପାଇଁ ଚାର୍ଟର୍ ଅଫ୍ ରାଇଟ୍ସ ଅଛି । ଏଥି ମଧ୍ୟରେ ଅଷ୍ଟ୍ରେଲିଆ, ବ୍ରିଟେନ ଏବଂ ଆମେରିକା ସାମିଲ ଅଛନ୍ତି । ଏହି ଚାର୍ଟର୍ ଅଫ୍ ରାଇଟ୍ସରେ କରଦାତାଙ୍କ ଦାୟିତ୍ୱ ଏବଂ ଅଧିକାର ବିଷୟରେ ଉଲ୍ଲେଖ କରାଯିବ । କରଦାତାଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଆମେ ଏହି ପ୍ରୟାସ କରୁଛୁ ବୋଲି ସେ କହିଛନ୍ତି ।

ଆମେ ଆପଣଙ୍କୁ କହି ରଖୁଛୁ ଯେ, ବଜେଟରେ ଟେକ୍ସପେୟର୍ସ ଚାର୍ଟର୍(Taxpayers Charter) ଘୋଷଣା କରାଯାଇଛି । ଏହା ଆଇନଗତ ମାନ୍ୟତା ପାଇବ ବୋଲି ଆଶା କରାଯାଉଛି ଏବଂ ଏହା ଆୟକର ବିଭାଗ ଦ୍ୱାରା ନିର୍ଦ୍ଦିଷ୍ଟ ସମୟ ମଧ୍ୟରେ ନାଗରିକମାନଙ୍କୁ ସେବା ନିଶ୍ଚିତ କରିବ ।

କରଦାତାମାନେ ମଧ୍ୟ ଏଥିରେ କିଛି ନୂତନ ଅଧିକାର ପାଇପାରନ୍ତି । ତେବେ ନିର୍ମଳା ସୀତାରମଣ ଏହି ଚାର୍ଟର୍ ଅଫ୍ ରାଇଟ୍ସ ବିଷୟରେ ବିସ୍ତୃତ ଭାବରେ କହି ନାହାଁନ୍ତି । ସୀତାରମଣ କହିଛନ୍ତି ଯେ କରଦାତାମାନଙ୍କ ପାଇଁ ଆମେ ଲଗାତର ଟିକସ ପ୍ରକ୍ରିୟାକୁ ସହଜ ଏବଂ ସରଳ କରିବାରେ ଲାଗୁଛୁ । ଏହି ଲକ୍ଷ୍ୟ ପୂରଣ ପାଇଁ ସରକାର ଅଧିକାରୀଙ୍କ ସମ୍ମୁଖୀନ ନହୋଇ ଆକଳନ, ଅନୁସନ୍ଧାନରେ ହ୍ରାସ ଏବଂ ପ୍ରଥମରୁ ପୂରଣ ଟିକସ ଫର୍ମ ସହିତ ଅନ୍ୟାନ୍ୟ ପଦକ୍ଷେପ ଗ୍ରହଣ କରିଛନ୍ତି ।