ପୁଣି ବଢ଼ିଲା ତୈଳ ଦର, ଚେକ୍ କରନ୍ତୁ ଆପଣଙ୍କ ସହରରେ କ'ଣ ରହିଛି ପେଟ୍ରୋଲ-ଡିଜେଲର ନୂଆ ରେଟ୍

Today Petrol-Diesel Rate 28 March 2022: ଏଠାରେ କହି ରଖୁଛୁ ଯେ, ପେଟ୍ରୋଲ ଏବଂ ଡିଜେଲ ମୂଲ୍ୟ ଭାରତରେ ପ୍ରତିଦିନ ସମୀକ୍ଷା କରାଯାଏ । ପେଟ୍ରୋଲିୟମ କମ୍ପାନୀଗୁଡିକ ପ୍ରତିଦିନ ସକାଳ ୬ଟାରେ ନୂଆ ମୂଲ୍ୟ ଜାରି କରନ୍ତି । ପେଟ୍ରୋଲ ଏବଂ ଡିଜେଲର ମୂଲ୍ୟରେ ଏକ୍ସାଇଜ୍ ଡ୍ୟୁଟି, ଭାଟ୍ ଏବଂ ଡିଲର କମିଶନ ଅନ୍ତର୍ଭୁକ୍ତ ଥାଏ ।

ନୂଆଦିଲ୍ଲୀ: Today Petrol-Diesel Rate 28 March 2022: ଦେଶରେ ଲଗାତର ପେଟ୍ରୋଲ ଓ ଡିଜେଲର ମୂଲ୍ୟ (Petrol-Diesel Price) ରେ ବୃଦ୍ଧି ଘଟିବାରେ ଲାଗିଛି । ଆଜି (ସୋମବାର) ଅର୍ଥାତ ମାର୍ଚ୍ଚ ୨୮ରେ ପେଟ୍ରୋଲ ଓ ଡିଜେଲ ଦରରେ ପୁଣି ବୃଦ୍ଧି ଘଟିଛି । ଦିଲ୍ଲୀରେ ପେଟ୍ରୋଲର ମୂଲ୍ୟ ୩୦ ପଇସା ଓ ଡିଜେଲ ୩୫ ପଇସା ବୃଦ୍ଧି ପାଇଛି, ଏହା ପରେ ରାଜଧାନୀରେ ଗୋଟିଏ ଲିଟର ପେଟ୍ରୋଲର ମୂଲ୍ୟ ୯୯ ଟଙ୍କା ୪୧ ପଇସା ଓ ଗୋଟିଏ ଲିଟର ଡିଜେଲ ୯୦ ଟଙ୍କା ୭୭ ପଇସାକୁ ବୃଦ୍ଧି ପାଇଛି । ଗତକାଲି ରାଜଧାନୀ ଦିଲ୍ଲୀରେ ପେଟ୍ରୋଲ ଓ ଡିଜେଲର ମୂଲ୍ୟ ଯଥାକ୍ରମେ ୫୦ ପଇସା ଓ ୫୫ ପଇସା ବୃଦ୍ଧି ପାଇଥିଲା । ଚାରିମାସରୁ ଅଧିକ ବ୍ୟବଧାନ ପରେ ଗତ ସପ୍ତାହରେ ମଙ୍ଗଳବାର ପ୍ରଥମ ଥର ପାଇଁ ଏହି ମୂଲ୍ୟ ପରିବର୍ତ୍ତନ କରାଯାଇଥିଲା, ଯାହା ପରେ ଗତ ୭ ଦିନ ମଧ୍ୟରେ ଷଷ୍ଠ ଥର ଥର ତୈଳ ଦର (Crude Oil Price) ମହଙ୍ଗା ହୋଇଛି ।

ସୂଚନାଯୋଗ୍ୟ, ଗତ ବର୍ଷ ନଭେମ୍ବରରୁ ପେଟ୍ରୋଲ ଦର ସ୍ଥିର ରହିଥିଲା । ପଶ୍ଚିମବଙ୍ଗ ସମେତ କେତେକ ରାଜ୍ୟର ନିର୍ବାଚନ ପରେ ଗତ ବର୍ଷ ସେପ୍ଟେମ୍ବରର ଶେଷ ଦିନଗୁଡ଼ିକରୁ ଆରମ୍ଭ ହୋଇଥିବା ପେଟ୍ରୋଲ ଦର ବୃଦ୍ଧି ଦୀପାବଳି ପର୍ଯ୍ୟନ୍ତ ଚାଲିଥିଲା ​​। କିଛି ଦିନ ମଧ୍ୟରେ ପେଟ୍ରୋଲ ଲିଟର ପିଛା ୮.୧୫ ଟଙ୍କା ମହଙ୍ଗା ହୋଇଥିଲା । ତେବେ ମଝିରେ କେନ୍ଦ୍ର ସରକାର ଏକ୍ସାଇଜ୍ ଡ୍ୟୁଟିରେ କିଛି ହ୍ରାସ କରିଥିଲେ । ତେବେ ଏହାର ମୂଲ୍ୟ ଗତ ବର୍ଷ ନଭେମ୍ବର ୭ରୁ ସ୍ଥିର ରହିଛି ।

ଗତ ବର୍ଷ ସେପ୍ଟେମ୍ବର ପରେ ଡିଜେଲ ବଜାର ପେଟ୍ରୋଲ ଅପେକ୍ଷା ଦ୍ରୁତ ଗତିରେ ବୃଦ୍ଧି ପାଇଛି । ବ୍ୟବସାୟ ଦୃଷ୍ଟିକୋଣରୁ ପେଟ୍ରୋଲ ଅପେକ୍ଷା ଡିଜେଲ ଉତ୍ପାଦନ ମହଙ୍ଗା ଅଟେ । କିନ୍ତୁ ଭାରତର ଖୋଲା ବଜାରରେ ପେଟ୍ରୋଲ ମହଙ୍ଗା ଓ ଡିଜେଲ ଶସ୍ତା ବିକ୍ରି ହୁଏ । ସେପ୍ଟେମ୍ବର ୨୪ରୁ ଦୀପାବଳୀ ପର୍ଯ୍ୟନ୍ତ ଡିଜେଲ ପ୍ରାୟ ୯.୪୫ ଟଙ୍କା ମହଙ୍ଗା ହୋଇଥିଲା ।

ଇଣ୍ଡିଆନ ଅଏଲ କୋର୍ପୋରେଶନ (IOC) ଅନୁଯାୟୀ ସୋମବାର ଦିଲ୍ଲୀରେ ପେଟ୍ରୋଲ ୯୯.୪୧ ଟଙ୍କା ଓ ଡିଜେଲ ଲିଟର ପିଛା ୯୦.୭୭ ଟଙ୍କା ରହିଛି । ସେହିପରି ଦେଶର ଅନ୍ୟାନ୍ୟ ସହରରେ ମଧ୍ୟ ପେଟ୍ରୋଲ ଓ ଡିଜେଲ ମୂଲ୍ୟରେ ବୃଦ୍ଧି ଘଟିଛି । ସେହିପରି ଆଜି ଭୁବନେଶ୍ୱରରେ ପେଟ୍ରୋଲ ଓ ଡିଜେଲ ମୂଲ୍ୟରେ ବୃଦ୍ଧି ରେକର୍ଡ କରାଯାଇଛି । ଆଜି ରାଜଧାନୀରେ ପେଟ୍ରୋଲ ମୂଲ୍ୟରେ ୨୫ ପଇସା ଓ ଡିଜେଲ ମୂଲ୍ୟରେ ୩୦ ପଇସାର ବୃଦ୍ଧି ଦେଖାଦେଇଛି । 

ଆଜି ରାଜଧାନୀ ଦିଲ୍ଲୀରେ ଲିଟର ପିଛା ୯୯.୪୧ ଟଙ୍କାରେ ପେଟ୍ରୋଲ ବିକ୍ରି ହେଉଛି । ମୁମ୍ବାଇରେ ଲିଟର ପିଛା ୧୧୪.୧୯ ଟଙ୍କା ରହିଛି । କୋଲକାତା ଲିଟର ପିଛା ୧୦୫.୯୭ ଟଙ୍କାରେ ବିକ୍ରି ହେଉଛି । ଚେନ୍ନାଇରେ ପେଟ୍ରୋଲ ଲିଟର ପିଛା ୧୦୫.୧୮ ଟଙ୍କା ରହିଛି । ସେହିପରି ରାଜଧାନୀ ଭୁବନେଶ୍ୱରରେ ପେଟ୍ରୋଲ ଦର ୧୦୫.୯୭ ଟଙ୍କା ପ୍ରତି ଲିଟର ଦରରେ ବିକ୍ରି ହେଉଛି । ବେଙ୍ଗାଲୁରୁରେ ପେଟ୍ରୋଲ ଲିଟର ପିଛା ୧୦୪.୭୮ ଦରରେ ବିକ୍ରି ହେଉଛି । ସେପଟେ ରାଜସ୍ଥାନର ରାଜଧାନୀ ଜୟପୁରରେ ପେଟ୍ରୋଲ ଲିଟର ପିଛା ୧୧୧.୦୪ ଟଙ୍କା ଦରରେ ବିକ୍ରି ହେଉଛି । 

ସେହିପରି ଡିଜେଲର ମୂଲ୍ୟ ବିଷୟରେ କହିବାକୁ ଗଲେ ଦିଲ୍ଲୀରେ ଏହା ଲିଟର ପିଛା ୯୦.୭୭ ଟଙ୍କା ରହିଛି । ଡିଜେଲ ଲିଟର ପିଛା ମୁମ୍ବାଇରେ ୯୮.୯୨ ଟଙ୍କା ଏବଂ କୋଲକାତାରେ ଲିଟର ପିଛା ୯୩.୯୨ ଟଙ୍କା ରହିଛି । ଚେନ୍ନାଇରେ ଡିଜେଲ ଲିଟର ପିଛା ୯୫.୩୩ ଟଙ୍କା ରହିଛି । ଭୁବନେଶ୍ୱରରେ ଡିଜେଲ ୯୫.୮୮ ଟଙ୍କା ଦରରେ ବିକ୍ରି ହେଉଛି । 

ଏହା ବି ପଢ଼ନ୍ତୁ:-ମାଗଣାରେ ଘରକୁ ଆଣନ୍ତୁ AC! ଏହି ୱେବସାଇଟରେ ମିଳୁଛି ଅଫର; ଜାଣନ୍ତୁ ପୂରା ଡିଟେଲ୍ସ

ଏହା ବି ପଢ଼ନ୍ତୁ:-ଜାଣନ୍ତୁ ଆମେରିକା କିପରି ଋଷର ବିଶାଳ ସୁନା ଭଣ୍ଡାରକୁ ମାଟିରେ ପରିଣତ କରିବାରେ ଲାଗିଛି, କେତେ ବଡ଼ ହେବ ଏହାର ପ୍ରଭାବ?

ଏହା ବି ପଢ଼ନ୍ତୁ:-ଅଜବ ଗଜବ: ଏପରି କେଉଁ ଜିନିଷ ଅଛି ଯାହା ପୁରା ମାସରେ ଥରେ ଆସେ ଓ ୨୪ ଘଣ୍ଟା ଶେଷ ହେବା ପରେ ଚାଲିଯାଏ

ଏହା ବି ପଢ଼ନ୍ତୁ:-ମିନିଟରେ ଶହ ଶହ ମଶାକୁ ନିପାତ କରିବ ୨୭୩ ଟଙ୍କାର ଏହି ଡିଭାଇସ୍, ଆପଣଙ୍କ ପରିବାରକୁ ରୋଗରୁ ରଖିବ ସୁରକ୍ଷିତ

ଜାଣନ୍ତୁ ଆପଣଙ୍କ ସହରର ରେଟ୍

ଆପଣ ପେଟ୍ରୋଲ ଓ ଡିଜେଲର ମୂଲ୍ୟ ମଧ୍ୟ ଏସଏମଏସ ମାଧ୍ୟମରେ ଜାଣିପାରିବେ । ଇଣ୍ଡିଆନ୍ ଓଏଲ୍ ୱେବସାଇଟ୍ ଅନୁଯାୟୀ, ଆପଣଙ୍କୁ RSP ଓ ଆପଣଙ୍କ ସିଟି କୋଡ୍ ଲେଖିବାକୁ ପଡିବ ଏବଂ ଏହାକୁ 9224992249 ନମ୍ବରକୁ ପଠାଇବାକୁ ପଡିବ । ପ୍ରତ୍ୟେକ ସହର ପାଇଁ କୋଡ୍ ଅଲଗା, ଯାହାକୁ ଆପଣ IOCL ୱେବସାଇଟରୁ ପାଇବେ ।

ଏଠାରେ ଚେକ୍ କରନ୍ତୁ-https://iocl.com/Products/PetrolDieselPrices.aspx

ଏଠାରେ କହି ରଖୁଛୁ ଯେ, ପେଟ୍ରୋଲ ଏବଂ ଡିଜେଲ ମୂଲ୍ୟ ଭାରତରେ ପ୍ରତିଦିନ ସମୀକ୍ଷା କରାଯାଏ । ପେଟ୍ରୋଲିୟମ କମ୍ପାନୀଗୁଡିକ ପ୍ରତିଦିନ ସକାଳ ୬ଟାରେ ନୂଆ ମୂଲ୍ୟ ଜାରି କରନ୍ତି । ପେଟ୍ରୋଲ ଏବଂ ଡିଜେଲର ମୂଲ୍ୟରେ ଏକ୍ସାଇଜ୍ ଡ୍ୟୁଟି, ଭାଟ୍ ଏବଂ ଡିଲର କମିଶନ ଅନ୍ତର୍ଭୁକ୍ତ ଥାଏ ।