ଖୁସି ଖବର: ହୋଲି ପୂର୍ବରୁ କର୍ମଚାରୀମାନଙ୍କୁ ମିଳିଲା ବଡ଼ ଉପହାର! ବଢ଼ିଲା ମହଙ୍ଗା ଭତ୍ତା

ନୂଆଦିଲ୍ଲୀ: 7th Pay Commission DA Hike: ସରକାରୀ କର୍ମଚାରୀ (Government Employees) ଙ୍କ ପାଇଁ ଏକ ବଡ଼ ଖବର ଅଛି । ସରକାର କର୍ମଚାରୀଙ୍କ ମହଙ୍ଗା ଭତ୍ତା (Dearness Allowance) ରେ ୩ ପ୍ରତିଶତ ବୃଦ୍ଧି କରିଛନ୍ତି । ଏଥିପାଇଁ ସରକାରୀ କୋଷରୁ ୫୦୦ କୋଟି ଟଙ୍କା ଖର୍ଚ୍ଚ ହେବ । ଏହା ସହିତ  କର୍ମଚାରୀଙ୍କ ମହଙ୍ଗା ଭତ୍ତା (DA) ୩୧ ପ୍ରତିଶତ ହୋଇଯାଇଛି । ହିମାଚଳ ପ୍ରଦେଶ ସରକାର (Himachal Pradesh Government) ଏହାର ଘୋଷଣା କରିଛନ୍ତି ।

ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ଜୟ ରାମ ଠାକୁର (Himachal Pradesh Chief Minister Jai Ram Thakur) କହିଛନ୍ତି ଯେ, ନିକଟ ଅତୀତରେ ରାଜ୍ୟ ସରକାର ୨.୨୫ ଲକ୍ଷ କର୍ମଚାରୀଙ୍କ ପାଇଁ ୬୦୦୦ କୋଟି ଟଙ୍କାର ଲାଭ ସୁନିଶ୍ଚିତ କରିବା ପାଇଁ ନୂତନ ବେତନ ମାପ ଲାଗୁ କରାଯାଇଛି । କିନ୍ତୁ ଏହା ଅନୁଭବ ହେଲା ଯେ କିଛି ବର୍ଗର ନୂତନ ବେତନ ମାପରେ କିଛି ଅସମାନତା ରହିଛି । ପୂର୍ବରୁ ଦିଆଯାଇଥିବା ଦୁଇଟି ବିକଳ୍ପ ବ୍ୟତୀତ କର୍ମଚାରୀମାନଙ୍କୁ ଏକ ତୃତୀୟ ବିକଳ୍ପ ଦିଆଯିବ । ମୁଖ୍ୟମନ୍ତ୍ରୀ କର୍ମଚାରୀଙ୍କ ପାଇଁ ୨.୨୫ ଓ ୨.୫୯ର ଗୁଣକ ବ୍ୟତୀତ ତୃତୀୟ ବିକଳ୍ପ ଘୋଷଣା କରିଛନ୍ତି । ତୃତୀୟ ବିକଳ୍ପ ହେଉଛି ୧୫ ପ୍ରତିଶତର ସିଧାସଳଖ ବେତନ ବୃଦ୍ଧି ।

ପଞ୍ଜାବ ସରକାରଙ୍କ ନୂତନ ବେତନ ମାନ ଅନୁଯାୟୀ ରାଜ୍ୟ ସରକାରଙ୍କ ପେନସନଭୋଗୀଙ୍କୁ ମଧ୍ୟ ପେନସନ୍‌ ଦିଆଯିବ ବୋଲି ଜୟ ରାମ ଠାକୁର ଘୋଷଣା କରିଛନ୍ତି । ଏହା ସହିତ ୧.୭୫ ଲକ୍ଷ ପେନସନଭୋଗୀଙ୍କୁ ପ୍ରାୟ ୨୦୦୦ କୋଟି ଟଙ୍କା ଆର୍ଥିକ ସୁବିଧା ଦିଆଯିବ । ଆପଣଙ୍କୁ କହି ରଖୁଛୁ ଯେ କର୍ମଚାରୀମାନଙ୍କୁ ୩ ପ୍ରତିଶତ ଅତିରିକ୍ତ ମହଙ୍ଗା ଭତ୍ତା (DA Hike) ଦେବାକୁ CM ଘୋଷଣା କରିଛି । ଅର୍ଥାତ ବର୍ତ୍ତମାନ ରାଜ୍ୟର ଆଇଏଏସ୍ ଅଧିକାରୀଙ୍କ ପରି କର୍ମଚାରୀମାନେ ମଧ୍ୟ ୩୧ ପ୍ରତିଶତ ଡିଏ ପାଇବେ । ଏଥିପାଇଁ ସରକାର ୫୦୦ କୋଟି ଟଙ୍କା ଖର୍ଚ୍ଚ କରିବେ ।

DA ବୃଦ୍ଧି ପରେ ବର୍ତ୍ତମାନ କର୍ମଚାରୀଙ୍କ ଡିଏ ୨୮ ପ୍ରତିଶତରୁ ବଢ଼ି ୩୧ ପ୍ରତିଶତକୁ କରିଦିଆଯାଇଛି । ଏହା ସହିତ ବିଭିନ୍ନ କଲ୍ୟାଣକାରୀ ଯୋଜନା ଓ ପେନସନର ଲାଭ ଉଠାଇବା ପାଇଁ ବାର୍ଷିକ ଆୟର ସୀମା ୩୫୦୦୦ରୁ ୫୦,୦୦୦୦ ଟଙ୍କାକୁ ବୃଦ୍ଧି କରାଯାଇଛି । ସିଏମ୍ ଜୟରାମ କହିଛନ୍ତି ଯେ, ୨୦୧୫ ପରେ ନିଯୁକ୍ତ ପୋଲିସ୍ କନଷ୍ଟେବଳମାନେ ଅନ୍ୟ ବର୍ଗର କର୍ମଚାରୀଙ୍କ ପରି ଅଧିକ ବେତନ ସ୍କେଲ ପାଇବାକୁ ଯୋଗ୍ୟ ହେବେ । ଅଧିକ ବେତନ ସ୍କେଲ ପାଇଁ ଯୋଗ୍ୟ ସମସ୍ତ କନଷ୍ଟେବଳଙ୍କୁ ତୁରନ୍ତ ପ୍ରଭାବ ସହିତ ଏହାର ସୁବିଧା ଦିଆଯିବ । 

୨୦୧୫ରେ ଚୁକ୍ତିନାମା ଅନୁଯାୟୀ ନିଯୁକ୍ତ କର୍ମଚାରୀମାନେ ୨୦୨୦ ଠାରୁ ଅଧିକ ବେତନ ସ୍କେଲ ପାଇବାକୁ ଯୋଗ୍ୟ ହେବେ । ଏକାସାଙ୍ଗରେ ଚୁକ୍ତିଭିତ୍ତିକ କର୍ମଚାରୀମାନଙ୍କର ନିୟମିତକରଣର ଅବଧି ଦୁଇ ବର୍ଷ ଅଛି । ଦୁଇ ବର୍ଷର ନିୟମିତକରଣ ପରେ କର୍ମଚାରୀମାନେ ଅଧିକ ବେତନ ପ୍ରାପ୍ତ କରନ୍ତି । ଏହି ନିୟମ କନଷ୍ଟେବଳଙ୍କ ପାଇଁ ମଧ୍ୟ ପ୍ରଯୁଜ୍ୟ ହେବ ।

ଅନ୍ୟପଟେ, କେନ୍ଦ୍ର କର୍ମଚାରୀମାନେ (Central Employees) ମହଙ୍ଗା  ଭତ୍ତା (Dearness Allowance), ମହଙ୍ଗା ରିଲିଫ୍ ( (Dearness Relief) ର ବକେୟା ଏବଂ ହାଉସିଂ ରେଣ୍ଟଲ୍ ଅଲାଉନ୍ସ (HRA) ର ବୃଦ୍ଧିକୁ ଅପେକ୍ଷା କରିଛନ୍ତି । କେନ୍ଦ୍ର ସରକାର (Central Government) ଖୁବ୍ ଶୀଘ୍ର ନିଜ କର୍ମଚାରୀମାନଙ୍କୁ ଏକ ବଡ଼ ଉପହାର ଦେଇପାରନ୍ତି । ସୂଚନା ମୁତାବକ, କେନ୍ଦ୍ର ସରକାର ପୁଣି ଥରେ କେନ୍ଦ୍ର ସରକାରୀ କର୍ମଚାରୀ (Central Government Employees) ଓ ପେନସନଭୋଗୀ (Pensioners) ଙ୍କ ମହଙ୍ଗା ଭତ୍ତା (DA) ଓ ମହଙ୍ଗା ରିଲିଫ୍ (Dearness Relief) ୩ ପ୍ରତିଶତ ବୃଦ୍ଧି କରିବାକୁ ନିଷ୍ପତ୍ତି ନେଇଛି । କର୍ମଚାରୀମାନେ ଯାହାର ଘୋଷଣାକୁ ଅପେକ୍ଷା କରିଛନ୍ତି । ବର୍ତ୍ତମାନ ଏହି ଅପେକ୍ଷା ଖୁବ୍ ଶୀଘ୍ର ଶେଷ ହେବାକୁ ଯାଉଛି ।

ଏହା ବି ପଢ଼ନ୍ତୁ:-ଯଦି ଆପଣ ଆଧାର କାର୍ଡରେ ଲାଗିଥିବା ଫଟୋରୁ ଖୁସି ନୁହଁନ୍ତି, ତେବେ ଆଜି ହିଁ କରନ୍ତୁ ପରିବର୍ତ୍ତନ; ଜାଣନ୍ତୁ ପ୍ରକ୍ରିୟା...

ଏହା ବି ପଢ଼ନ୍ତୁ:-ପୁରୁଷମାନେ କିସମିସ୍ ସହିତ ଏହି ଜିନିଷଟି କରନ୍ତୁ ସେବନ, ମିଳିଥାଏ ଏହି ୫ଟି ଜବରଦସ୍ତ ଲାଭ

ଗଣମାଧ୍ୟମ ରିପୋର୍ଟ ଅନୁଯାୟୀ, ମାର୍ଚ୍ଚରେ ମହଙ୍ଗା ଭତ୍ତା (DA) ବୃଦ୍ଧି ଘୋଷଣା କରି କେନ୍ଦ୍ର ସରକାର (Central Government) ହୋଲିର ଉପହାର ଦେଇପାରନ୍ତି । ଅର୍ଥାତ ଏହା ପରେ କେନ୍ଦ୍ର କର୍ମଚାରୀଙ୍କ ବେତନରେ ଏକ ବଡ଼ ବୃଦ୍ଧି ଘଟିବ । ଯଦି ଡିଏ ବୃଦ୍ଧି ହୁଏ ତେବେ କର୍ମଚାରୀଙ୍କୁ ୩୪ ପ୍ରତିଶତ DA ମିଳିବ । ଏହି ବୃଦ୍ଧି ଜାନୁଆରୀ ୨୦୨୨ ପାଇଁ ହେବ । ବର୍ତ୍ତମାନ କର୍ମଚାରୀମାନେ ୩୧ ପ୍ରତିଶତ DA ପାଉଛନ୍ତି ।