ଜାଣିଶୁଣି କୋରୋନା ପଜିଟିଭ ହେବେ ଏହି ଦେଶର ହଜାର ହଜାର ଲୋକ

ନୂଆଦିଲ୍ଲୀ: କୋରୋନା ଭାଇରସ (Coronavirus) ଯୋଗୁଁ ସାରା ଦୁନିଆରେ ଆତଙ୍କ ଖେଳିଯାଇଛି । ଏହାକୁ ରୋକିବା ପାଇଁ ଲୋକମାନେ ସବୁ ପ୍ରକାର ଚେଷ୍ଟା କରୁଛନ୍ତି । ସରକାର ଏବଂ ଡାକ୍ତରମାନେ କ୍ରମାଗତ ଭାବରେ କୋରୋନା (COVID-19) ରୁ ରକ୍ଷା ପାଇବାର ଉପାୟ କହୁଛନ୍ତି । ଏପରି ପରିସ୍ଥିତିରେ ଯଦି କେହି ଜାଣିଶୁଣି କୋରୋନା ପଜିଟିଭ ହୁଅନ୍ତି, ତେବେ ଶୁଣୁଥିବା ପ୍ରତ୍ୟେକ ବ୍ୟକ୍ତି ଆଶ୍ଚର୍ଯ୍ୟ ହୋଇଯିବେ । କିନ୍ତୁ ଏହା ବାସ୍ତବରେ ଘଟିବାକୁ ଯାଉଛି । ଏହି ଘଟଣା ବ୍ରିଟେନ (Britain) ରେ ଘଟିବାକୁ ଯାଉଛି ।

ବ୍ରିଟେନରେ ୨୫୦୦ ବ୍ରିଟିଶ ନାଗରିକ ଜାନିଶୁଣି କୋରୋନା ପଜିଟିଭ୍ ହେବେ । ଏହାକୁ  'ହ୍ୟୁମାନ୍ ଟ୍ରାଏଲ୍ ଚ୍ୟାଲେଞ୍ଜ' ର ନାଁ ଦିଆଯାଇଛି । ଏହି ଚ୍ୟାଲେଞ୍ଜ ଲଣ୍ଡନର ରୟାଲ ଫ୍ରି ହସ୍ପିଟାଲରେ ଅନୁଷ୍ଠିତ ହେବ । ଏହା ପରେ ସମସ୍ତଙ୍କୁ କୋରୋନା ଟିକା ଦିଆଯିବ । ଚ୍ୟାଲେଞ୍ଜରେ ଅଂଶଗ୍ରହଣକାରୀମାନେ ୧୮ରୁ ୩୦ ବର୍ଷ ବୟସର ହେବେ ।

ଅଧିକ ପଢ଼ନ୍ତୁ:-କୋରୋନା ଟିକା ଲଗାଇବା ପରେ ଆମେରିକୀୟ ଡାକ୍ତରଙ୍କୁ ଗମ୍ଭୀର ପାର୍ଶ୍ୱ ପ୍ରତିକ୍ରିୟା

କୋରୋନା ଚ୍ୟାଲେଞ୍ଜ ମାଧ୍ୟମରେ କୋରୋନା ବିରୋଧରେ ଲଢ଼େଇରେ ୨୫୦୦ ଲୋକ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ । ଏକ ବଡ଼ କାରଣ ପାଇଁ ଏମାନେ ଉଦ୍ଦେଶ୍ୟମୂଳକ ଭାବରେ ପଜିଟିଭ ହେବାକୁ ଯାଉଛନ୍ତି । ଏହା ଏଥିପାଇଁ କରାଯାଉଛି ଯାହା ଦ୍ୱାରା ଟିକା ପରୀକ୍ଷଣର ଫଳାଫଳକୁ ଭଲ ଭାବରେ ଅନୁଧ୍ୟାନ କରାଯାଇପାରିବ ।

ଏହା ପ୍ରଥମ ଥର ପାଇଁ ଘଟୁନାହିଁ । ପୂର୍ବରୁ ଟାଇଫଏଡ୍, ମ୍ୟାଲେରିଆ ଏବଂ ଫ୍ଲୁ ଭଳି ରୋଗ ପାଇଁ ଏଭଳି ପରୀକ୍ଷା କରାଯାଇଥିଲା । ଏହାପୂର୍ବରୁ ପରୀକ୍ଷା ସମୟରେ ବିଶେଷ ଯତ୍ନ ନିଆଯାଇଥିଲା । ଯୌବନରେ ରୋଗ ପ୍ରତିରୋଧକ ଶକ୍ତି ଅଧିକ ଥିବାରୁ ଏଥର ମଧ୍ୟ ଯୁବକମାନେ ଏହି ଚ୍ୟାଲେଞ୍ଜରେ ସାମିଲ ହେଉଛନ୍ତି ।

ଅଧିକ ପଢ଼ନ୍ତୁ:-ଆଜି ଅମିତ ଶାହଙ୍କ ସହ ନଜର ଆସିବେ ଗାଙ୍ଗୁଲି, ଗତକାଲି ବଙ୍ଗଳାର ରାଜ୍ୟପାଳଙ୍କ ସହ କରିଥିଲେ ବୈଠକ

ଏହି ଚ୍ୟାଲେଞ୍ଜରେ ଭାଗ ନେବା ପାଇଁ ବ୍ରିଟିଶ ସରକାର ଟଙ୍କା ମଧ୍ୟ ଦେବେ । ଜାଣିଶୁଣି ଭାବେ କୋରୋନା ପଜିଟିଭ୍ ହେଉଥିବା ସ୍ୱେଚ୍ଛାସେବୀମାନେ ପ୍ରାୟ ଚାରି ହଜାର ପାଉଣ୍ଡ ଅର୍ଥାତ୍ ପ୍ରାୟ ଚାରି ଲକ୍ଷ ଟଙ୍କା ପାଇବେ । ଏହି ଲୋକଙ୍କୁ ଅତି କମରେ ଦୁଇ ସପ୍ତାହ କ୍ଲିନିକରେ ବନ୍ଦ ରଖାଯିବ ଏବଂ ପରିବର୍ତ୍ତନ ଉପରେ ନଜର ରଖାଯିବ ।

ଅଧିକ ପଢ଼ନ୍ତୁ:-'କୋରୋନା ଶେଷ ମହାମାରୀ ନୁହେଁ, କେବଳ ଟଙ୍କା ଖର୍ଚ୍ଚ କଲେ ହେବନି କିଛି'

ଏଠାରେ କହି ରଖୁଛୁ ଯେ, କୋରୋନା (Coronavirus) ରୁ ରକ୍ଷା ପାଇବା ପାଇଁ ବିଶ୍ୱର ଦେଶଗୁଡ଼ିକ ଦିନରାତି କାର୍ଯ୍ୟରେ ଲାଗିଛନ୍ତି । ବର୍ତ୍ତମାନ ପର୍ଯ୍ୟନ୍ତ ଟିକା ହିଁ (Vaccine) ଏକ ମାତ୍ର ସୁରକ୍ଷାର ଉପାୟ ବୋଲି ମନେହେଉଛି । ବର୍ତ୍ତମାନ ବ୍ରିଟେନ (Britain) ଏହି ଟିକାକୁ ପ୍ରଭାବଶାଳୀ କରିବା ଦିଗରେ ଏହି ବଡ ନିଷ୍ପତ୍ତି ନେଇଛି । ଯଦି ଏହି ପରୀକ୍ଷା ସଫଳ ହୁଏ ତେବେ ଲକ୍ଷ ଲକ୍ଷ ଲୋକଙ୍କ ଜୀବନ ରକ୍ଷା ହୋଇପାରିବ ।