କୋରୋନା ଭୂତାଣୁ ଯୋଗୁଁ ଶେଷ ହେଉଛି ଏହି ରୋଗ ! ପ୍ରତିବର୍ଷ ହୋଇଥାଏ ଲକ୍ଷ ଲକ୍ଷ ଲୋକଙ୍କ ମୃତ୍ୟୁ

ନୂଆଦିଲ୍ଲୀ: ବର୍ତ୍ତମାନ ପର୍ଯ୍ୟନ୍ତ ସମଗ୍ର ବିଶ୍ୱରେ କୋରୋନା ଭୂତାଣୁ (Coronavirus) ଯୋଗୁଁ ଲକ୍ଷ ଲକ୍ଷ ଲୋକଙ୍କର ମୃତ୍ୟୁ ଘଟିଛି । ମହାମାରୀର ଏହି ପର୍ଯ୍ୟାୟରେ କୋରୋନା ଭୂତାଣୁ ଏବଂ ଫ୍ଲୁ (Flu Disease) କୁ ନେଇ ବିଶେଷଜ୍ଞମାନେ ଚେତାବନୀ ଜାରି କରିଛନ୍ତି । ବିଶେଷଜ୍ଞ କହିଛନ୍ତି ଯେ ଏହି ଦୁଇଟି ରୋଗ ବହୁ ପରିମାଣରେ କ୍ଷତି ଘଟାଇପାରେ ।

ବିଶେଷଜ୍ଞଙ୍କ ଏହି ଚେତାବନୀ ମଧ୍ୟରେ ବୈଜ୍ଞାନିକମାନେ ସର୍ବଶେଷ ଅଧ୍ୟୟନରେ ସୂଚନା ଦେଇଛନ୍ତି ଯେ, ସ୍ୱାଇନ୍ ଫ୍ଲୁ ରୋଗ ଶେଷ ହେଉଛି । ସିଦ୍ଧାନ୍ତରୁ ଏହି ବିଷୟରେ କିଛି ସଙ୍କେତ ମିଳୁଛି ଅଛି ଯେ ସମ୍ଭବ ଯେ କୋରୋନା ହେତୁ ଫ୍ଲୁ ରୋଗ କମିବାରେ ଲାଗିଛି ।

ବିଶ୍ୱ ସ୍ୱାସ୍ଥ୍ୟ ସଂଗଠନର ସର୍ବେକ୍ଷଣ ତଥ୍ୟରୁ ଜଣାପଡିଛି ଯେ, ଫ୍ଲୁ ରୋଗରେ ଯଥେଷ୍ଟ ହ୍ରାସ ଘଟିଛି । ରିପୋର୍ଟ ଅନୁଯାୟୀ, ପୂର୍ବ ବର୍ଷ ତୁଳନାରେ ୯୮ ପ୍ରତିଶତ ହ୍ରାସ ଘଟିଛି । ତଥ୍ୟ ଅନୁଯାୟୀ, ଏପ୍ରିଲ୍ ୨୦୨୦ରେ ଅଷ୍ଟ୍ରେଲିଆରେ କେବଳ ୧୪ଟି ଫ୍ଲୁ ରୋଗ ମାମଲା ଚିହ୍ନଟ ହୋଇଥିବା ଜଣାଯାଇଛି । ବିଶେଷ କଥା ହେଉଛି ଗତ ବର୍ଷ ଏହି ସଂଖ୍ୟା ୩୬୭ରୁ ଅଧିକ ଥିଲା । 

ଅଧିକ ପଢ଼ନ୍ତୁ:-ମହାରାଷ୍ଟ୍ରରେ ବିଜେପିକୁ ଲାଗିଲା ଆଉ ଏକ ଝଟକା, ଶିବସେନାରେ ସାମିଲ ହେଲେ ବିଧାୟକ ଗୀତା ଜୈନ

ଅଷ୍ଟ୍ରେଲିଆରେ ପ୍ରତିବର୍ଷ ଜୁନ୍ ମାସରେ ଅଧିକ ଫ୍ଲୁ ରୋଗ ହୋଇଥିବା ଜଣାଯାଏ । କିନ୍ତୁ ଏଥର ଗୋଟିଏ ବି ମାମଲା ସାମ୍ନାକୁ ଆସିନାହିଁ । ସେହିପରି ବ୍ରିଟେନରେ ମାର୍ଚ୍ଚରୁ ବର୍ତ୍ତମାନ ପର୍ଯ୍ୟନ୍ତ ୭୬୭ ଫ୍ଲୁ ମାମଲା ସାମ୍ନାକୁ ଆସିଛି । ଅନ୍ୟପକ୍ଷେ ଗତ ବର୍ଷ ମାର୍ଚ୍ଚରୁ ଅକ୍ଟୋବର ମଧ୍ୟରେ ପ୍ରାୟ ୭ ହଜାର ଫ୍ଲୁ ରୋଗ ମାମଲା ସାମ୍ନାକୁ ଆସିଥିଲା ।

ଅଧିକ ପଢ଼ନ୍ତୁ:-'ବିହାରକୁ ମାଗଣା କୋରୋନା ଟୀକା ମିଳୁ, କିନ୍ତୁ ବାକି ରାଜ୍ୟ କ'ଣ ପାକିସ୍ତାନରେ?'

ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟ ଅନୁଯାୟୀ, ଇନ୍ଫ୍ଲୁଏଞ୍ଜା ଭୂତାଣୁ ବା ଫ୍ଲୁ ଯୋଗୁଁ ବିଶ୍ୱରେ ପ୍ରତିବର୍ଷ ଅଢ଼େଇ ଲକ୍ଷରୁ ୫ ଲକ୍ଷ ଲୋକ ମୃତ୍ୟୁବରଣ କରିଥାଏ । ଏହି ପରିପ୍ରେକ୍ଷୀରେ, ଲିଭରପୁଲ୍ ବିଶ୍ୱବିଦ୍ୟାଳୟର ଭୂତାଣୁ ବିଶେଷଜ୍ଞ ଜେମ୍ସ ଷ୍ଟୁଆର୍ଟ କହିଛନ୍ତି ଯେ, ପ୍ରଥମ ସଂକ୍ରମଣ ପରେ ପ୍ରତିରକ୍ଷା ପ୍ରଣାଳୀ ସକ୍ରିୟ ହୋଇ ଭୂତାଣୁ ଶେଷ କରିଥାଏ । ସେହି ସମୟରେ ଯଦି ଶରୀରରେ ଅନ୍ୟ କୌଣସି ଭୂତାଣୁ ଆସେ, ତେବେ ପ୍ରତିରକ୍ଷା ପ୍ରଣାଳୀ ସ୍ୱୟଂଚାଳିତ ଭାବରେ ଏହାକୁ ମାରିଦିଏ । ଏପରି ପରିସ୍ଥିତିରେ ଏହା ସମ୍ଭବ ଯେ କୋରୋନା ରୋଗ ପ୍ରତିରୋଧକ ଶକ୍ତି ହେତୁ ଶରୀରରେ ସ୍ୱାଇନ୍ ଫ୍ଲୁ ଭୂତାଣୁ ତିଷ୍ଠିପାରୁ ନାହିଁ ।

ଏଥି ସହିତ କୋରୋନା କାରଣରୁ ସ୍ୱାଇନ୍ ଫ୍ଲୁ ବିଲୋପ ଉପରେ ଲଣ୍ଡନର ସେଣ୍ଟ ଜର୍ଜ ୟୁନିଭର୍ସିଟିର ଭାଇରୋଲୋଜିଷ୍ଟ ଏଲିଜାବେଟ୍ଟା ଗ୍ରପେଲି କହିଛନ୍ତି ଯେ, ଭୂତାଣୁ ପରଜୀବୀ ହୋଇଥାନ୍ତି । ଥରେ ଭାଇରସ୍ ଜଣେ ବ୍ୟକ୍ତିଙ୍କ କୋଷରେ ପ୍ରବେଶ କଲେ, ସେମାନେ ଚାହାଁନ୍ତି ନାହିଁ ଯେ ସେହି ବ୍ୟକ୍ତିଙ୍କ ଶରୀରରେ ଅନ୍ୟ କୌଣସି ଭୂତାଣୁ ଆସୁ । ତେଣୁ ଶରୀରରେ ଯେଉଁ ଭୂତାଣୁ ପ୍ରଥମେ ପହଞ୍ଚୁଥିବା ସେ ଅନ୍ୟ ଭୂତାଣୁକୁ ଶେଷ କରିଦିଏ ।

ଅଧିକ ପଢ଼ନ୍ତୁ:-'ଆଜେରବାଇଜାନ-ଆର୍ମେନିଆ ଯୁଦ୍ଧ ପଛରେ ଫ୍ରାନ୍ସର ହାତ'

ତେବେ ଏହି ସମଗ୍ର ବିଷୟ ଉପରେ କିଛି ବିଶେଷଜ୍ଞ କହିଛନ୍ତି ଯେ, ସ୍ୱାଇନ୍ ଫ୍ଲୁ ମାମଲା କୋରୋନା ଭୂତାଣୁ କାରଣରୁ ହ୍ରାସ ପାଉଛି ନା ଅନ୍ୟ କିଛି କାରଣରୁ ହ୍ରାସ ପାଉଛି, ଏହା ଉପରେ ଅଧିକ ଅଧ୍ୟୟନ କରିବାର ଆବଶ୍ୟକତା ରହିଛି ।