ଯଦି ୟୁକ୍ରେନ ଉପରେ ଆକ୍ରମଣ କରେ ଋଷ, ତେବେ ଦୁନିଆକୁ ଭୋଗିବାକୁ ପଡ଼ିବ ଏସବୁ ସମସ୍ୟା

ନୂଆଦିଲ୍ଲୀ: Russia-Ukraine Conflict: ଋଷ (Russia) ଓ ୟୁକ୍ରେନ (Ukraine) ମଧ୍ୟରେ ତିକ୍ତତା ଏତେ ବୃଦ୍ଧି ପାଇଛି ଯେ ପରିସ୍ଥିତି ଯୁଦ୍ଧ ଆଡ଼କୁ ଗତି କରୁଛି । ଯଦି ଋଷ ଓ ୟୁକ୍ରେନ ମୁହାଁମୁହିଁ ହୁଅନ୍ତି, ତା’ହେଲେ ସମଗ୍ର ଦୁନିଆକୁ ଏହାର ପରିଣାମ ଭୋଗିବାକୁ ପଡ଼ିବ । ତେଲ ଓ ଗହମ ବଜାର ଉପରେ ଏହାର ସବୁଠାରୁ ବଡ ପ୍ରଭାବ ପଡ଼ିବ । ଏହା ବ୍ୟତୀତ ୟୁକ୍ରେନ ମଧ୍ୟ ଷ୍ଟକ୍ ମାର୍କେଟରେ ହଇଚଇ ସୃଷ୍ଟି କରିପାରେ ।

ଯଦି କଳା ସାଗର (Black Sea) ଅଞ୍ଚଳରେ ଗହମ (Wheat) ବାଣିଜ୍ୟରେ କୌଣସି ପ୍ରତିବନ୍ଧକ ଦେଖାଯିବ, ତେବେ ଏହା ସମଗ୍ର ବିଶ୍ୱକୁ ପ୍ରଭାବିତ କରିବ । ଏମିତିରେ ବର୍ତ୍ତମାନ ସମୟରେ କୋରୋନା ମହାମାରୀ ଯୋଗୁଁ ତେଲ ଓ ଖାଦ୍ୟ ସାମଗ୍ରୀର ମୂଲ୍ୟ ବୃଦ୍ଧି ପାଇବାରେ ଲାଗିଛି । 

ଯଦି ୟୁକ୍ରେନ (Ukraine) ଓ ଋଷ (Russia) ମଧ୍ୟରେ ଯୁଦ୍ଧ ଆରମ୍ଭ ହୁଏ, ତେବେ ସାମରିକ କାର୍ଯ୍ୟାନୁଷ୍ଠାନ କିମ୍ବା ପ୍ରତିବନ୍ଧକ ଯୋଗୁଁ କଳା ସାଗରରେ ଏହାର ପ୍ରଭାବ ମଧ୍ୟ ଦେଖାଯିବ । ୟୁକ୍ରେନ, ଋଷ, କାଜାକିସ୍ତାନ ଏବଂ ରୋମାନିଆ ପରି ଦେଶ ଗହମର ପ୍ରମୁଖ ରପ୍ତାନିକାରୀମାନଙ୍କ ମଧ୍ୟରେ ଗଣାଯାଏ । ଯୁଦ୍ଧ ହେଲେ ଏହି ଦେଶଗୁଡିକର ରପ୍ତାନି ବ୍ୟାହତ ହେବ ।

ୟୁରୋପୀୟ ଦେଶଗୁଡିକକୁ (European Countries) ମିଳୁଥିବା ପ୍ରାକୃତିକ ଗ୍ୟାସ୍ (Natural Gas) କେବଳ ଋଷ (Russia) ରୁ ମିଳିଥାଏ । ଏହା ବେଲାଋଷ (Belarus) ଓ ପୋଲାଣ୍ଡ (Poland) ଦେଇ ପାଇପଲାଇନ ମାଧ୍ୟମରେ ଜର୍ମାନୀ (Germany) ରେ ପହଞ୍ଚେ ।

ଗୋଟିଏ ପାଇପଲାଇନ ସିଧାସଳଖ ଜର୍ମାନୀ (Germany) ଓ ଅନ୍ୟଟି ୟୁକ୍ରେନ (Ukraine) ଦେଇ ଜର୍ମାନୀରେ ପହଞ୍ଚେ । ୨୦୨୦ ମସିହାରେ ଋଷରୁ ପ୍ରାକୃତିକ ଗ୍ୟାସ ଯୋଗାଣ ହ୍ରାସ ପାଇଥିଲା । ଯଦି ଯୁଦ୍ଧ ଆରମ୍ଭ ହୁଏ, ୟୁକ୍ରେନରୁ ଆସୁଥିବା ପାଇପଲାଇନକୁ ଋଷ ଅବରୋଧ କରିପାରେ ।

ଯଦି ଏହା ଘଟେ, ତେବେ ତୈଳ ଓ ପ୍ରାକୃତିକ ଗ୍ୟାସର ମୂଲ୍ୟ ଆକାଶଛୁଆଁ ହେବ । ସମଗ୍ର ବିଶ୍ୱକୁ ଏହାର ଭାର ବହନ କରିବାକୁ ପଡ଼ିବ । ଋଷର ତେଲ ୟୁକ୍ରେନ ଦେଇ ସ୍ଲୋଭାକିଆ, ହଙ୍ଗେରୀ ଏବଂ ଚେକ ରିପବ୍ଲିକରେ ପହଞ୍ଚିଥାଏ । ଏପରି ପରିସ୍ଥିତିରେ ଯଦି ଯୋଗାଣ ବ୍ୟାହତ ହୁଏ ତେବେ ତୈଳ ମୂଲ୍ୟ ଦ୍ରୁତ ଗତିରେ ବୃଦ୍ଧି ପାଇବ ।

ଯଦି ଋଷ (Russia) ଓ ୟୁକ୍ରେନ (Ukraine) ମଧ୍ୟରେ ଯୁଦ୍ଧ ଆରମ୍ଭ ହୁଏ, ତେବେ ବିଶ୍ୱ ଆର୍ଥିକ ମାନ୍ଦାବସ୍ଥା ଦେଇ ଗତି କରିପାରେ । ସାମରିକ କାର୍ଯ୍ୟାନୁଷ୍ଠାନ ଯୋଗୁଁ ଏହି ଦୁଇ ଦେଶର ବଜାର ଉପରେ ଏକ ବଡ଼ ପ୍ରଭାବ ପଡ଼ିବ । ସାମ୍ପ୍ରତିକ ଉତ୍ତେଜନାକୁ ଦୃଷ୍ଟିରେ ରଖି ଉଭୟ ଦେଶର ଡଲାର ବଣ୍ଡ ଭଲ ପ୍ରଦର୍ଶନ କରୁନାହିଁ । 

ଏହା ବି ପଢ଼ନ୍ତୁ:-ପୁଟିନଙ୍କ ଏହି ଗୋଟିଏ ନିଷ୍ପତ୍ତି ବଢ଼ାଇ ଦେଇଛି ଯୁଦ୍ଧ ଆଶଙ୍କା, ଆମେରିକା ମଧ୍ୟ ନେଲା ବଡ଼ ପଦକ୍ଷେପ

ଏହା ବି ପଢ଼ନ୍ତୁ:-'କୋରୋନା ପରି ଆଉ ଏକ ମହାମାରୀ ଆସୁଛି', ଏହି ଚେତାବନୀ ବଢ଼ାଇଦେଲା ଟେନସନ

ଏହା ବି ପଢ଼ନ୍ତୁ:-ପୂଜାରା-ରାହାଣେଙ୍କ ପରେ ଟିମ୍ ଇଣ୍ଡିଆରୁ ଏହି ବଡ଼ ଖେଳାଳିଙ୍କ କଟିବ ପତା! ଅସନ୍ତୋଷ ଅଛନ୍ତି କ୍ୟାପଟେନ ରୋହିତ

ଗତ କିଛି ବର୍ଷ ମଧ୍ୟରେ ଋଷର ବଜାରରେ ହ୍ରାସ ଘଟିଛି । ଏହି ପରିସ୍ଥିତିରେ ବୈଦେଶିକ ମୁଦ୍ରା ବଜାରରେ ମଧ୍ୟ ଅନିଶ୍ଚିତତାର ବାତାବରଣ ରହିଛି । ୨୦୧୪ର ଉଦାହରଣ ନିଅନ୍ତୁ, ଲିକ୍ୱିଡିଟି ଗ୍ୟାପ୍ ଓ ଆମେରିକୀୟ ଡଲାର ହୋର୍ଡିଂ ହେତୁ ଏହାର ପ୍ରଭାବ ସମଗ୍ର ବିଶ୍ୱରେ ବଜାରରେ ଦେଖିବାକୁ ମିଳିପାରେ ।