କୋରୋନାକୁ ନେଇ ଭୟଙ୍କର ଚେତାବନୀ ଜାରି କଲା WHO, କହିଲା-୨୦୨୧ର ପ୍ରାରମ୍ଭରେ ତାଣ୍ଡବ କରି...

ନୂଆଦିଲ୍ଲୀ: ସମଗ୍ର ବିଶ୍ୱରେ କୋରୋନା ଭୂତାଣୁ (Coronavirus) ର ତାଣ୍ଡବ ଜାରି ରହିଛି । ଆତଙ୍କ ମଧ୍ୟରେ ବିଶ୍ୱବାସୀ ଜୀବନ ବିତାଉଛନ୍ତି । ବର୍ତ୍ତମାନ ସାରା ବିଶ୍ୱରେ କୋରୋନା ଟିକା (Corona Vaccine) କୁ ଅପେକ୍ଷା କରାଯାଇଛି । ଏହି ସମୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଚେତାବନୀ ଦେଇଛି ଯେ ୨୦୨୧ ଆରମ୍ଭରେ କୋରୋନା ଭୂତାଣୁ (COVID-19) ପୁନର୍ବାର ୟୁରୋପ (Europe) ରେ ତାଣ୍ଡବ ଆରମ୍ଭ କରିପାରେ ।

ଏହା ସହିତ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ୟୁରୋପରେ ଖ୍ରୀଷ୍ଟମାସ ଅବସରରେ ପରିବାର ସମାବେଶରେ ଯୋଗଦେଉଥିବା ସମସ୍ତଙ୍କୁ ମାସ୍କ (Mask) ପିନ୍ଧିବାକୁ ଅନୁରୋଧ କରିଛନ୍ତି । କୋରୋନାର ବଢୁଥିବା ମାମଲାକୁ ଦୃଷ୍ଟିରେ ରଖି ଜର୍ମାନ ଚାନ୍ସେଲର ଆଞ୍ଜେଲା ମର୍କେଲ ରବିବାର ସମଗ୍ର ଦେଶରେ ଲକଡାଉନ୍ କରିଦେଇଛନ୍ତି ।

ଅଧିକ ପଢ଼ନ୍ତୁ:-ଅବସର ପରେ ଏହି କର୍ମଚାରୀଙ୍କୁ ମିଳିବା ଜାରି ରହିବ ଉପହାର? ଜାଣନ୍ତୁ କ'ଣ ରହିଛି ମୋଦି ସରକାରଙ୍କ ଯୋଜନା

ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇ ସେ କହିଛନ୍ତି ଯେ ଡିସେମ୍ବର ୧୫ରୁ ଆସନ୍ତା ବର୍ଷ ଜାନୁଆରୀ ୧୦ ପର୍ଯ୍ୟନ୍ତ ଜାରି ରହିବ । ଲକଡାଉନ୍ ସମୟରେ ଅଧିକାଂଶ ଦୋକାନ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି ।

ଅଧିକ ପଢ଼ନ୍ତୁ:-ଏହି ରାଜ୍ୟରେ ବିଜେପିକୁ ଲାଗିଲା ବଡ଼ ଝଟକା, ବାମ ମୋର୍ଚ୍ଚାକୁ ବୃହତ ବିଜୟ

ତେବେ ବିଶ୍ୱାସ କରାଯାଉଛି ଯେ ଖ୍ରୀଷ୍ଟମାସ ଅବସରରେ ଡିସେମ୍ବର ୨୪ରୁ ୨୬ ମଧ୍ୟରେ ଜର୍ମାନୀର କେତେକ ରାଜ୍ୟ ଲକଡାଉନରେ କିଛି ରିହାତି ମିଳିପାରେ । ବ୍ରିଟେନର ସ୍ୱାସ୍ଥ୍ୟମନ୍ତ୍ରୀ ମଧ୍ୟ ଚେତାବନୀ ଦେଇଛନ୍ତି ଯେ ଦେଶରେ କୋଭିଡ-19 ମାମଲା ପୁଣି ବଢୁଛି ।

ଭୂତାଣୁର ମାମଲା ବୃଦ୍ଧି ଘଟୁଥିବା ଦୃଷ୍ଟିରେ ରଖି ନଭେମ୍ବରରେ ବ୍ରିଟେନରେ ଏହି ଲକଡାଉନ୍ ଲାଗୁ କରାଯାଇଥିଲା । ତଥାପି, ଏହାର ଉପକାରିତା ମଧ୍ୟ ଦେଖାଯାଇଛି ଏବଂ ଭାଇରସର ମାମଲାରେ ହ୍ରାସ ଦେଖିବାକୁ ମିଳିଥିଲା ​। ଲଣ୍ଡନ କ୍ୟାଣ୍ଟ ଏବଂ ଏସେକ୍ସରେ ଅବସ୍ଥା ଅଧିକ ଖରାପ ହୋଇଛି । ଏଠାରେ ସବୁଠାରୁ ବିପଜ୍ଜନକ ବିଷୟ ହେଉଛି ଯେ ଏଠାରେ ସର୍ବାଧିକ ସଂକ୍ରମିତ ସଂଖ୍ୟା ୧୧ରୁ ୧୮ ବର୍ଷ ବୟସର କିଶୋର ।