ଜାତୀୟ ଏକତା ଦିବସରେ ପିଏମ ମୋଦିଙ୍କ ବାର୍ତ୍ତା, 'ଆମେ ଏକଜୁଟ ରହିଲେ ହିଁ ଆଗକୁ ବଢ଼ିପାରିବା'

କେବଡିଆ: Sardar Patel 146th Birth Anniversary: ସର୍ଦ୍ଦାର ବଲ୍ଲଭଭାଇ ପଟେଲ (Sardar Vallabhbhai Patel) ଙ୍କ ୧୪୬ତମ ଜନ୍ମ ବାର୍ଷିକୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi)  ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଆଜି ଦେଶ ଜାତୀୟ ଏକତା ଦିବସ (National Unity Day) ପାଳନ କରୁଛି । ଏହି ଅବସରରେ ପ୍ରଧାନମନ୍ତ୍ରୀ ମୋଦି ଏକ ରେକର୍ଡ ଭିଡିଓ ବାର୍ତ୍ତା ମାଧ୍ୟମରେ ଦେଶକୁ ସମ୍ବୋଧିତ କରିଛନ୍ତି ।

ପ୍ରଧାନମନ୍ତ୍ରୀ ମୋଦି (PM Modi) କହିଛନ୍ତି ଯେ ଜାତୀୟ ଏକତା ଦିବସରେ ସମସ୍ତ ଦେଶବାସୀଙ୍କୁ ଅନେକ ଅନେକ ଶୁଭେଚ୍ଛା । ଆଜି ଦେଶ ଏପରି ଏକ ରାଷ୍ଟ୍ର ନାୟକ ସର୍ଦ୍ଦାର ବଲ୍ଲଭଭାଇ ପଟେଲଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛି, ଯିଏ ନିଜ ଜୀବନର ପ୍ରତ୍ୟେକ ମୁହୂର୍ତ୍ତକୁ ଏକ ଭାରତ ଶ୍ରେଷ୍ଠ ଭାରତ ପାଇଁ ଉତ୍ସର୍ଗ କରିଛନ୍ତି । ଆଜି ଆମର ଉର୍ଜାବାନ ସାଥୀମାନେ ସମଗ୍ର ଦେଶରେ ଏକତାର ବାର୍ତ୍ତା ସହିତ ଆଗକୁ ବଢୁଛନ୍ତି । ଭାରତର ଅଖଣ୍ଡତା ପ୍ରତି ଆମେ ଦେଶର ପ୍ରତ୍ୟେକ କୋଣ ଅନୁକୋଣରେ ରାଷ୍ଟ୍ରୀୟ ଏକତା ଦିବସର ଆୟୋଜନ କରୁଥିବାର ଦେଖୁଛୁ ।

ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଭାରତ କେବଳ ଭୌଗୋଳିକ ଏକକ ନୁହେଁ, ପୃଥିବୀର ଏକ ଅଂଶ ଯେଉଁଠାରେ ୧୩୦ କୋଟିରୁ ଅଧିକ ଭାରତୀୟ ବାସ କରନ୍ତି । ଏହା ଆମର ଆକାଂକ୍ଷାର ଏକ ଅବିଚ୍ଛେଦ୍ୟ ଅଙ୍ଗ । ସେ ସର୍ବଦା ଦେଶକୁ ପ୍ରଥମ ସ୍ଥାନରେ ରଖିଥିଲେ । ଆଜି ତାଙ୍କ ପ୍ରେରଣା ସହିତ ଭାରତ ବାହ୍ୟ ତଥା ଆଭ୍ୟନ୍ତରୀଣ ଆହ୍ୱାନ ସହ ଲଢିବାକୁ ପ୍ରସ୍ତୁତ ଅଛି ।

ସେ ଆହୁରି ମଧ୍ୟ କହିଛନ୍ତି ଯେ ଜାତୀୟ ଏକତାକୁ ସମ୍ମାନ କରୁଥିବା ଆଦର୍ଶକୁ ଏକ ନୂତନ ଉଚ୍ଚତା ଦିଆଯାଇଛି । ଯେତେବେଳେ ଦେଶର ଲୋକଙ୍କୁ ଗୋଟିଏ ଭାଗରୁ ଅନ୍ୟ ଭାଗକୁ ଯିବା ପୂର୍ବରୁ ୧୦୦ ଥର ଚିନ୍ତା କରିବାକୁ ପଡିବ ତେବେ କାମ କିପରି ଚାଳିବ? ଯେତେବେଳେ ଦେଶର ପ୍ରତ୍ୟେକ କୋଣକୁ ଯିବା ସହଜ ହେବ ତ ସେତେବେଳେ ଦୂରତା ମଧ୍ୟ କମ୍ ହେବ ଏବଂ ଏକତା ମଧ୍ୟ ବୃଦ୍ଧି ପାଇବ । ଆଜି ଭାରତ ଆତ୍ମନିର୍ଭରଶୀଳତାର ଏକ ନୂତନ ଉଚ୍ଚତା ଉପରେ ଗତି କରୁଛି । 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ଏକ ଏପରି ଭାରତ ଯେଉଁଠାରେ ଦଲିତ, ବଞ୍ଚିତ, ଆଦିବାସୀ, ବନବାସୀ ଭଳି ଦେଶର ପ୍ରତ୍ୟେକ ନାଗରିକ ନିଜକୁ ସମାନ ଅନୁଭବ କରିବ । ଏକ ଏପରି ଭାରତ ଯେଉଁଠାରେ କୌଣସି ଭେଦଭାବ ରହିବ ନାହିଁ, ସମସ୍ତଙ୍କର ସମାନ ଅଧିକାର ରହିବ । ଆମର ସହଯୋଗୀ ସଂଗଠନ ମଧ୍ୟ କ୍ଷୁଦ୍ର ଚାଷୀଙ୍କୁ ମଜବୁତ କରୁ । ଦୂର ଦୂର ଯାଏ ଏକ ନୂତନ ବିଶ୍ୱାସ ସୃଷ୍ଟି କରିବାକୁ ସମର୍ଥ ହେବା । ଛୋଟ ଛୋଟ କାର୍ଯ୍ୟ ମଧ୍ୟ ବହୁତ ମହାନ ଓ ଏହା ପଛରେ ଭଲ ଉଦ୍ଦେଶ୍ୟ ଥାଉ ।