ରାସନ କାର୍ଡରେ ଏହିପରି ଯୋଡ଼ନ୍ତୁ ନିଜ ପରିବାରର ନୂଆ ସଦସ୍ୟଙ୍କ ନାମ, ଜାଣନ୍ତୁ ଅନଲାଇନ୍ ଓ ଅଫଲାଇନ୍ ପ୍ରକ୍ରିୟା

ନୂଆଦିଲ୍ଲୀ: Ration Card Latest News: ରାସନ କାର୍ଡ (Ration Card) ରେ ନାମ ଯୋଡିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ । ଯଦି ଆପଣ ଆପଣଙ୍କର ପରିବାରର କୌଣସି ସଦସ୍ୟଙ୍କ ନାମକୁ ରାସନ କାର୍ଡରେ ଯୋଡିବାକୁ ଚାହୁଁଛନ୍ତି, ତେବେ ଆପଣଙ୍କୁ ବର୍ତ୍ତମାନ ଚିନ୍ତା କରିବାକୁ ପଡିବ ନାହିଁ । ଆପଣ ଏହି କାମକୁ କିଛି ମିନିଟରେ କରିପାରିବେ । ଏକ ନୂତନ ନାମ ଯୋଡିବାକୁ ଆପଣ ଅନଲାଇନ୍ କିମ୍ବା ଅଫଲାଇନ୍ (how to add name in ration card online) ମୋଡ୍ ଚୟନ କରିପାରିବେ । ଆସନ୍ତୁ ଜାଣିବା ଏହାର ସମ୍ପୂର୍ଣ୍ଣ ପ୍ରକ୍ରିୟା...

୧. ବିବାହ ପରେ ନୂଆ ବହୂର ନାମ ଏହିପରି ରେସନ କାର୍ଡରେ ଯୋଡାଯାଏ

ବିବାହ ପରେ ଆପଣଙ୍କ ଘରକୁ ଆସିଥିବା ନୂଆ ବହୂଙ୍କ ନାମ ରାସନ କାର୍ଡରେ ଯୋଡିବାକୁ ଚାହୁଁଛନ୍ତି ତେବେ ତାଙ୍କ ଆଧାର କାର୍ଡରେ ପିତାଙ୍କ ନାମ ବଦଳରେ ସ୍ୱାମୀଙ୍କ ନାମ ପ୍ରବେଶ କରିବାକୁ ପଡିବ । ତାଙ୍କୁ ମଧ୍ୟ ଠିକଣା ଅପଡେଟ୍ କରିବାକୁ ପଡିବ । ଆଧାର କାର୍ଡ ଅପଡେଟ୍ କରିବା ପରେ ସଂଶୋଧିତ ଆଧାର କାର୍ଡର କପି ସହିତ ନାମ ଯୋଡିବା ପାଇଁ ଏକ ଆବେଦନ ଖାଦ୍ୟ ବିଭାଗର ଅଧିକାରୀଙ୍କ ନିକଟକୁ ପଠାଇବାକୁ ପଡିବ ।

ଏହା ବ୍ୟତୀତ ଯଦି ଘରେ ବିବାହ ପରେ ବୋହୂର ନାମ ଯୋଡାଯାଏ, ତେବେ ମହିଳାଙ୍କ ଆଧାର କାର୍ଡ, ବିବାହ ପ୍ରମାଣପତ୍ର, ସ୍ୱାମୀଙ୍କ ରେସନ କାର୍ଡ (ଫଟୋ କପି ଓ ଅରିଜିନାଲ) ଓ ପ୍ରଥମ ପିତାମାତାଙ୍କ ଘରୁ ଆସିବାର ପ୍ରମାଣପତ୍ର ବାଧ୍ୟତାମୂଳକ ।

୨. ଏହିପରି ରାସନ କାର୍ଡରେ ଯୋଡନ୍ତୁ ପିଲାର ନାମ 

ଯଦି ଆପଣଙ୍କ ପିଲାର ନାମ ରାସନ କାର୍ଡ (Ration Card) ରେ ଯୋଡାବାକୁ ଚାହାଁନ୍ତି, ତେବେ ଆପଣଙ୍କୁ ଘରର ମୁଖ୍ୟଙ୍କ ରାସନ କାର୍ଡର (ଫଟୋ କପି ଓ ଅରିଜିନାଲ), ପିଲାର ଜନ୍ମ ପ୍ରମାଣପତ୍ର ଓ ଉଭୟ ବାପାମା'ଙ୍କ ଆଧାର କାର୍ଡ ଆବଶ୍ୟକ ହେବ ।

ଏପରି ଅନଲାଇନରେ ଯୋଡନ୍ତୁ ନୂତନ ସଦସ୍ୟଙ୍କ ନାମ

୧. ସର୍ବପ୍ରଥମେ ନିଜ ରାଜ୍ୟର ଖାଦ୍ୟ ଯୋଗାଣର ଅଫିସିଆଲ୍ ୱେବସାଇଟକୁ ଭିଜିଟ କରନ୍ତୁ ।

୨. ଯଦି ଆପଣ ଓଡ଼ିଶାର ଅଧିବାସୀ ତେବେ ଆପଣଙ୍କୁ ଏହି  (http://www.foododisha.in/ebitaran.asp?lnk=31) ଲିଙ୍କରେ ଭିଜିଟ କରିବାକୁ ପଡିବ ।

୩. ବର୍ତ୍ତମାନ ଆପଣଙ୍କୁ ଏଠାରେ ଏକ ଲଗ୍ ଇନ୍ ID ତିଆରି କରିବାକୁ ପଡିବ, ଯଦି ଆପଣଙ୍କର ପୂର୍ବରୁ ଏକ ID ଅଛି, ତେବେ ସେହି ID ସହିତ ଲଗ୍ ଇନ୍ କରନ୍ତୁ ।

୪. ଏଠାରେ ହୋମ୍ ପେଜରେ ଏକ ନୂତନ ସଦସ୍ୟ ଯୋଡିବାର ବିକଳ୍ପ ଦେଖିବାକୁ ପାଇବେ ।

୫. ଏହା ଉପରେ କ୍ଲିକ୍ କଲେ ଆପଣଙ୍କ ସାମ୍ନାରେ ଏକ ନୂତନ ଫର୍ମ ଆସିଯିବ ।

୬. ଏଠାରେ ଆପଣଙ୍କ ପରିବାରର ନୂତନ ସଦସ୍ୟଙ୍କ ସମସ୍ତ ସୂଚନା ସଠିକ୍ ଭାବରେ ପୂରଣ କରନ୍ତୁ ।

୭. ଫର୍ମ ସହିତ ଆପଣଙ୍କୁ ଆବଶ୍ୟକ ଡକ୍ୟୁମେଣ୍ଟଗୁଡିକର ସଫ୍ଟ କପି ମଧ୍ୟ ଅପଲୋଡ୍ କରିବାକୁ ପଡିବ ।

୮. ଫର୍ମ ସବମିଟ୍ ପରେ ଏକ ପଞ୍ଜୀକରଣ ନମ୍ବର ଆପଣଙ୍କୁ ମିଳିବ ।

୯. ଏହା ସହିତ ଆପଣ ଏହି ପୋର୍ଟାଲରେ ଆପଣଙ୍କର ଫର୍ମର ସ୍ଥିତିକୁ ଟ୍ରାକ୍ କରିପାରିବେ ।

୧୦. ଅଧିକାରୀମାନେ ଫର୍ମ ଓ ଡକ୍ୟୁମେଣ୍ଟ ଯାଞ୍ଚ କରିବେ ।

୧୧. ଯଦି ସବୁକିଛି ସଠିକ୍ ତେବେ ଆପଣଙ୍କ ଫର୍ମ ଗ୍ରହଣ କରିନିଆଯିବ ଓ ପୋଷ୍ଟ ମାଧ୍ୟମରେ ଆପଣଙ୍କ ଘରକୁ ରାସନ କାର୍ଡ ପଠାଇ ଦିଆଯିବ ।

ରାସନରେ ନୂତନ ସଦସ୍ୟଙ୍କ ନାମ ଯୋଡିବା ପାଇଁ ଅଫଲାଇନ୍ ପ୍ରକ୍ରିୟା -

୧. ପ୍ରଥମେ ଆପଣଙ୍କୁ ନିକଟତମ ଖାଦ୍ୟ ଯୋଗାଣ କେନ୍ଦ୍ରକୁ ଯିବାକୁ ପଡିବ ।

୨. ସାଥିରେ ସମସ୍ତ ଉଲ୍ଲେଖିତ ଦଲିଲଗୁଡ଼ିକୁ ସାଙ୍ଗରେ ନେବାକୁ ପଡିବ ।

୩. ସେଠାରେ ଆପଣଙ୍କୁ ନୂତନ ସଦସ୍ୟଙ୍କ ନାମ ଯୋଡିବାର ଫର୍ମ ମିଳିଯିବ ।

୪. ଏହାପରେ ସମସ୍ତ ସବିଶେଷ ତଥ୍ୟ ଫର୍ମରେ ପୂରଣ କରି ଡକ୍ୟୁମେଣ୍ଟ୍ ସହିତ ଏହି ଫର୍ମକୁ ଏଠାରେ ଦାଖଲ କରନ୍ତୁ ।

୫. ଆପଣଙ୍କୁ ଏଠାରେ କିଛି ଆବେଦନ ଫି ମଧ୍ୟ ଦାଖଲ କରିବାକୁ ପଡିବ ।

୭. ଫର୍ମ ଦାଖଲ ପରେ ଅଧିକାରୀମାନେ ଆପଣଙ୍କୁ ଏକ ରସିଦ ଦେବେ, ଯାହାକୁ ଆପଣ ଯତ୍ନରେ ରଖିବା ଆବଶ୍ୟକ ।

୮. ଏହି ରସିଦ ମାଧ୍ୟମରେ ଆପଣ ଅନଲାଇନ୍ ଆବେଦନର ସ୍ଥିତି ଯାଞ୍ଚ କରିପାରିବେ ।

୯. ଅଧିକାରୀମାନେ ଆପଣଙ୍କର ଫର୍ମ ଯାଞ୍ଚ କରିବେ ଓ ଡକ୍ୟୁମେଣ୍ଟ ଯାଞ୍ଚ ପରେ ଆପଣ ଅତି କମରେ ୨ ସପ୍ତାହ ମଧ୍ୟରେ ଘରେ ଆପଣଙ୍କ ରାସନ ପାଇବେ ।

ରାସନ କାର୍ଡର ଲାଭ

ରାସନ କାର୍ଡ ମାଧ୍ୟମରେ ମାଗଣା ଓ ଶସ୍ତା ରାସନ ବ୍ୟତୀତ, ଆପଣ ଅନ୍ୟାନ୍ୟ ସୁବିଧା ପାଇପାରିବେ । ଆପଣ ଏହି କାର୍ଡକୁ ଏକ ଠିକଣା ପ୍ରମାଣ ଭାବରେ ବ୍ୟବହାର ମଧ୍ୟ କରିପାରିବେ । ଏହା ବ୍ୟତୀତ ଏହାକୁ ଏକ ପରିଚୟ ପତ୍ର ଭାବେ ମଧ୍ୟ ବ୍ୟବହାର କରାଯାଇହେବ । ଏହା ବ୍ୟାଙ୍କ ସମ୍ବନ୍ଧୀୟ କାର୍ଯ୍ୟ ହେଉ କିମ୍ବା ଗ୍ୟାସ ସଂଯୋଗ ନେବା, ଆପଣ ଏହି କାର୍ଡକୁ ସବୁ ସ୍ଥାନରେ ବ୍ୟବହାର କରିପାରିବେ । ଭୋଟର ଆଇଡି କାର୍ଡ ତିଆରି କରିବା ବ୍ୟତୀତ ଏହା ଅନ୍ୟାନ୍ୟ ଆବଶ୍ୟକୀୟ ଦଲିଲ ତିଆରି କରିବାରେ ମଧ୍ୟ ବ୍ୟବହାର କରାଯାଇହେବ ।