ଯୁଦ୍ଧ କ୍ଷେତ୍ର କୀଭରୁ ଆସୁଥିବା ସମୟରେ ଜଣେ ଭାରତୀୟ ଛାତ୍ରଙ୍କୁ ଲାଗିଲା ଗୁଳି

Russia Ukraine War: ଭି.କେ ସିଂ କହିଛନ୍ତି ଯେ, ଏବେବି ୧୬୦୦-୧୭୦୦ ପିଲାଙ୍କୁ ଭାରତ ପଠାଯିବାର ଅଛି । ଗତ ତିନି ଦିନ ମଧ୍ୟରେ ପ୍ରାୟ ୧୪୦୦ ପିଲା ସାତୋଟି ବିମାନରେ ଯାଇଛନ୍ତି । କିଛି ପିଲା ନିଜସ୍ୱ ଉପାୟରେ ୱାର୍ସରେ ପହଞ୍ଚି ନିଜ ସମ୍ପର୍କୀୟଙ୍କ ସହ ରହିବାକୁ ନିଷ୍ପତ୍ତି ନେଇଛନ୍ତି । ସେ ପୋଲାଣ୍ଡରେ ସୁରକ୍ଷିତ ଅଛନ୍ତି । ସେ କହିଛନ୍ତି ଆସନ୍ତାକାଲି ଆମେ ସମୁଦାୟ ୫ଟି ବିମାନ ଉଡ଼ାଣ କରିବୁ, ଯେଉଁଥିରେ ଆମେ ୮୦୦-୯୦୦ ପିଲାଙ୍କୁ ଭାରତ ପଠାଇବୁ । ଛାତ୍ରଙ୍କ ରହିବା ପାଇଁ ଆମେ ଏଠାରେ ଏକ ଅସ୍ଥାୟୀ ବ୍ୟବସ୍ଥା କରିଛୁ ।

ନୂଆଦିଲ୍ଲୀ: Russia Ukraine War: ଆଜି ଋଷ (Russia) ଓ ୟୁକ୍ରେନ (Ukraine) ମଧ୍ୟରେ ଯୁଦ୍ଧର ନବମ ଦିନ ଓ ଏହି ଲଢ଼େଇ ଦିନକୁ ଦିନ ଭୀଷଣ ହେବାରେ ଲାଗିଛି । ଏହା ମଧ୍ୟରେ କିଛି ଭାରତୀୟ ଛାତ୍ର ୟୁକ୍ରେନର ରାଜଧାନୀ କୀଭ (Kyiv) ଓ ବୃହତ୍ତମ ସହର ଖାର୍କିଭ (Kharkiv) ରେ ଫସି ରହିଛନ୍ତି । ଗତ ୨୪ ଘଣ୍ଟା ମଧ୍ୟରେ ଋଷର ସେନା ଖାର୍କିଭ, ଚେର୍ନିଭିଭ, ବୋରୋଦାଏଙ୍କା, ମାରିଅପୋଲରେ ଭାରି ବୋମା ବର୍ଷା କରିଛି । ଏହି ଆକ୍ରମଣରେ ମାତ୍ର ୨୪ ଘଣ୍ଟା ମଧ୍ୟରେ ପ୍ରାୟ ୨୨ ଜଣଙ୍କର ମୃତ୍ୟୁ ଘଟିଛି । ଏହି ସମୟରେ ଭାରତ ସରକାର (Indian Government) କହିଛି ଯେ, କୀଭରେ ଜଣେ ଭାରତୀୟ ଛାତ୍ର (Indian Student) ଙ୍କୁ ଗୁଳି ଲାଗିଛି ଓ ପରେ ତାଙ୍କୁ ପୁଣି କୀଭକୁ ପଠାଯାଇଛି ।

ପୋଲାଣ୍ଡର ପଡୋଶୀ ଦେଶ ୟୁକ୍ରେନରେ ଉପସ୍ଥିତ ଥିବା ବେସାମରିକ ବିମାନ ଚଳାଚଳ କେନ୍ଦ୍ର ମନ୍ତ୍ରୀ ଜେନେରାଲ (ଅବସରପ୍ରାପ୍ତ) ଭି.କେ ସିଂ (General (Retd) VK Singh) କହିଛନ୍ତି ଯେ ଆଜି ଖବର ଆସିଛି ​ଯେ କୀଭରୁ ଆସୁଥିବା ଜଣେ ଛାତ୍ରଙ୍କୁ ଗୁଳି ଲାଗିଛି ଓ ଅଧା ବାଟରୁ ତାଙ୍କୁ କୀଭକୁ ଫେରାଇ ନିଆଯାଇଛି । ଆମେ ଅଳ୍ପ ପରିମାଣର କ୍ଷତି ସହ ଯଥାସମ୍ଭବ ପିଲାଙ୍କୁ ସ୍ଥାନାନ୍ତର କରିବାକୁ ଚେଷ୍ଟା କରୁଛୁ ।

ଏହା ବି ପଢ଼ନ୍ତୁ:-ପୁଟିନଙ୍କ ଚିନ୍ତା ବଢ଼ାଇଲା ଆମେରିକା! ଋଷକୁ ଆଉ ଏକ ବଡ଼ ଝଟକା ଦେଲେ ବାଇଡେନ

ଏହା ବି ପଢ଼ନ୍ତୁ:-ବିହାରରେ ଏକାଧିକ ବୋମା ବିସ୍ଫୋରଣ: ୭ ମୃତ, ୧୨ରୁ ଉର୍ଦ୍ଧ୍ୱ ଗୁରୁତର

ଏହା ବି ପଢ଼ନ୍ତୁ:-ଭାରତର ଏହି ଯୁଦ୍ଧ ବିମାନକୁ କ'ଣ ପାଇଁ ଡରନ୍ତି ଚୀନ ଓ ପାକ୍, ସ୍ପିଡରେ F-16 କୁ ଦେଇଥାଏ ମାତ୍, ଜାଣନ୍ତୁ ଏହାର ଅନ୍ୟାନ୍ୟ ବିଶେଷତା

ଭି.କେ ସିଂ କହିଛନ୍ତି ଯେ, ଏବେବି ୧୬୦୦-୧୭୦୦ ପିଲାଙ୍କୁ ଭାରତ ପଠାଯିବାର ଅଛି । ଗତ ତିନି ଦିନ ମଧ୍ୟରେ ପ୍ରାୟ ୧୪୦୦ ପିଲା ସାତୋଟି ବିମାନରେ ଯାଇଛନ୍ତି । କିଛି ପିଲା ନିଜସ୍ୱ ଉପାୟରେ ୱାର୍ସରେ ପହଞ୍ଚି ନିଜ ସମ୍ପର୍କୀୟଙ୍କ ସହ ରହିବାକୁ ନିଷ୍ପତ୍ତି ନେଇଛନ୍ତି । ସେ ପୋଲାଣ୍ଡରେ ସୁରକ୍ଷିତ ଅଛନ୍ତି । ସେ କହିଛନ୍ତି ଆସନ୍ତାକାଲି ଆମେ ସମୁଦାୟ ୫ଟି ବିମାନ ଉଡ଼ାଣ କରିବୁ, ଯେଉଁଥିରେ ଆମେ ୮୦୦-୯୦୦ ପିଲାଙ୍କୁ ଭାରତ ପଠାଇବୁ । ଛାତ୍ରଙ୍କ ରହିବା ପାଇଁ ଆମେ ଏଠାରେ ଏକ ଅସ୍ଥାୟୀ ବ୍ୟବସ୍ଥା କରିଛୁ ।