ଏହି ସବୁ ରାଜ୍ୟରେ ଖୋଲି ସାରିଛି ସ୍କୁଲ, କେନ୍ଦ୍ର ଜାରି କଲା ନୂଆ ଗାଇଡଲାଇନ୍, ଛାତ୍ରଙ୍କୁ ମିଳିବ ଅନଲାଇନ୍ କ୍ଲାସର ବିକଳ୍ପ

Schools Reopening Guidelines: ଶିକ୍ଷା ମନ୍ତ୍ରୀଙ୍କ ଯୁଗ୍ମ ସଚିବ ସ୍ୱିଟି ଚାଙ୍ଗସାନ୍ କହିଛନ୍ତି ଯେ ଏହି ନିର୍ଦ୍ଦେଶାବଳୀ ପରାମର୍ଶ ଭାବେ ଦିଆଯାଇଛି । ରାଜ୍ୟ ସରକାରମାନେ ନିଜସ୍ୱ ନିର୍ଦ୍ଦେଶାବଳୀ ପ୍ରସ୍ତୁତ କରିବାକୁ ମୁକ୍ତ ଅଟନ୍ତି । ଏଥିମଧ୍ୟରେ ସମସ୍ତ ମାନକ ଅପରେଟିଂ ପ୍ରଣାଳୀ, କ୍ଲାସରେ ଯୋଗଦେବା ପାଇଁ SOP ସାମିଲ ରହିଛି । ଛାତ୍ରମାନେ ଅନଲାଇନ୍ ଅଧ୍ୟୟନର ବିକଳ୍ପ ଚୟନ କରିପାରିବେ ।

ନୂଆଦିଲ୍ଲୀ: Schools Reopening Guidelines: ସାରା ଦେଶରେ କୋରୋନା ଭୂତାଣୁ (Coronavirus) ର ପ୍ରକୋପ ଜାରି ରହିଛି । ଏହି କୋରୋନା ମହାମାରୀ (COVID-19 Epidemic) ର ସଙ୍କଟ ମଧ୍ୟରେ ଦେଶର ୧୧ଟି ରାଜ୍ୟରେ ବିଦ୍ୟାଳୟଗୁଡ଼ିକ ସମ୍ପୂର୍ଣ୍ଣ ଖୋଲାଯାଇଛି । ୯ଟି ରାଜ୍ୟରେ ବିଦ୍ୟାଳୟଗୁଡ଼ିକ ବର୍ତ୍ତମାନ ବନ୍ଦ (School Closed) ରହିଛି । ସେପଟେ କୋରୋନା ମାମଲାରେ ହ୍ରାସକୁ ଦୃଷ୍ଟିରେ ରଖି କେନ୍ଦ୍ର ସରକାର (Central Government) ଗୁରୁବାର ସ୍କୁଲ ଖୋଲିବା ପାଇଁ ସଂଶୋଧିତ ଗାଇଡଲାଇନ୍ (Revised Guidelines) ଜାରି କରିଛନ୍ତି । ଏହି ନିର୍ଦ୍ଦେଶାବଳୀଗୁଡ଼ିକ ପରାମର୍ଶ ଭାବେ ଗ୍ରହଣ କରିବାକୁ କୁହାଯାଇଛି ଓ ଶାରୀରିକ କ୍ଲାସ୍ (Physical Classes) ପାଇଁ ଛାତ୍ରଛାତ୍ରୀଙ୍କର ପିତାମାତାଙ୍କଠାରୁ ସମ୍ମତି ମାଗିବା ରାଜ୍ୟ ସରକାରଙ୍କ ଉପରେ ନିର୍ଭର କରେ । 

ଶିକ୍ଷା ମନ୍ତ୍ରୀଙ୍କ ଯୁଗ୍ମ ସଚିବ ସ୍ୱିଟି ଚାଙ୍ଗସାନ୍ କହିଛନ୍ତି ଯେ ଏହି ନିର୍ଦ୍ଦେଶାବଳୀ ପରାମର୍ଶ ଭାବେ ଦିଆଯାଇଛି । ରାଜ୍ୟ ସରକାରମାନେ ନିଜସ୍ୱ ନିର୍ଦ୍ଦେଶାବଳୀ ପ୍ରସ୍ତୁତ କରିବାକୁ ମୁକ୍ତ ଅଟନ୍ତି । ଏଥିମଧ୍ୟରେ ସମସ୍ତ ମାନକ ଅପରେଟିଂ ପ୍ରଣାଳୀ, କ୍ଲାସରେ ଯୋଗଦେବା ପାଇଁ SOP ସାମିଲ ରହିଛି । ଛାତ୍ରମାନେ ଅନଲାଇନ୍ ଅଧ୍ୟୟନର ବିକଳ୍ପ ଚୟନ କରିପାରିବେ ।

ଦୁଇଟି ଭାଗରେ ପ୍ରସ୍ତୁତ କରାଯାଇଛି ନିର୍ଦ୍ଦେଶାବଳୀ 

ପ୍ରଥମ ଭାଗ- ବିଦ୍ୟାଳୟ ପୁନଃ ଖୋଲିବା ପାଇଁ ସ୍ୱାସ୍ଥ୍ୟ, ସ୍ୱଚ୍ଛତା ଏବଂ ନିରାପତ୍ତା ଦିଗ ।

ଦ୍ୱିତୀୟ ଭାଗ- ସାମାଜିକ ଦୂରତା ଶିଖିବା 

ସ୍କୁଲ ଖୋଲିବା ପାଇଁ ଗାଇଡଲାଇନ୍ 

୧. ବିଦ୍ୟାଳୟଗୁଡ଼ିକରେ ଉପଯୁକ୍ତ ପରିମଳ ଓ ସ୍ୱଚ୍ଛତା ସୁବିଧା ସୁନିଶ୍ଚିତ କରିବା ସହିତ ମନିଟରିଂ କରିବା ।

୨. ବସିବା ଯୋଜନାରେ ଛାତ୍ରମାନଙ୍କ ମଧ୍ୟରେ ଅତି କମରେ ୬ ଫୁଟ ଦୂରତା ବଜାୟ ରଖିବା ।

୩. ଷ୍ଟାଫ୍ ରୁମ୍, ଅଫିସ୍ ଏରିଆ, ଆସେମ୍ବଲି ହଲ୍ ଏବଂ ଅନ୍ୟାନ୍ୟ ସାଧାରଣ କ୍ଷେତ୍ରରେ ସାମାଜିକ ଦୂରତା ଅନୁସରଣ କରିବାକୁ ହେବ ।

୪. ସମସ୍ତ ଛାତ୍ର ଓ କର୍ମଚାରୀମାନେ ମୁହଁରେ ମାସ୍କ ପିନ୍ଧିବା ଜାରି ରଖିବେ ।

ଏହା ବି ପଢ଼ନ୍ତୁ:-ଚନ୍ନିଙ୍କ ବଢ଼ିଲା ଅସୁବିଧା, ଜାଣନ୍ତୁ କାହିଁକି?

ଏହା ବି ପଢ଼ନ୍ତୁ:-ଆୟୁର୍ବେଦ ଅନୁଯାୟୀ, ଖାଦ୍ୟ ଖାଇବା ପରେ ତୁରନ୍ତ କରନ୍ତୁନି ଏହି ୬ଟି କାମ

ଏହା ବି ପଢ଼ନ୍ତୁ:-SBI ର କୋଟି କୋଟି ଗ୍ରାହକଙ୍କ ପାଇଁ ଜରୁରୀ ଖବର! ବଦଳି ଯାଇଛି ଟଙ୍କା ସହ ଜଡ଼ିତ ଏହି ନିୟମ, ତୁରନ୍ତ ଚେକ୍ କରନ୍ତୁ ଡିଟେଲ୍

ଏହା ବି ପଢ଼ନ୍ତୁ:-ଅନୁଷ୍କା ଶର୍ମା ଏହି ଫିଲ୍ମରେ କରିଥିଲେ ଅନେକ ଲିପଲକ୍, ଅନ୍ତରଙ୍ଗ ସିନ୍ ଦେଇ ବଢ଼ାଇ ଦେଇଥିଲେ ପାରା!

ସୂଚନାଯୋଗ୍ୟ, NITI ଆୟୋଗର ଡକ୍ଟର ଭି ପାଲସ୍ କହିଛନ୍ତି ଯେ, ବିଦ୍ୟାଳୟଗୁଡ଼ିକର ପୁନଃ ଖୋଲିବା ଚିନ୍ତାର ବିଷୟ ରହିଆସିଛି ଓ ସମୟ ସମୟରେ ବିସ୍ତୃତ ପରାମର୍ଶ ଦିଆଯାଉଛି । ବିଦ୍ୟାଳୟ ଖୋଲିବା ପାଇଁ ଚୂଡାନ୍ତ ନିଷ୍ପତ୍ତି ରାଜ୍ୟମାନଙ୍କ ଉପରେ ରହିଛି । ସେ କହିଛନ୍ତି ଯେ ଆମେ ନିଶ୍ଚିତ କରିବାକୁ ଚାହୁଁଛୁ ଯେ SOP ଅନୁଯାୟୀ ବିଦ୍ୟାଳୟଗୁଡ଼ିକ ଖୋଲା ଯାଉ, କାରଣ ଆମେ ମହାମାରୀ ମଧ୍ୟ ଦେଇ ଗତି କରୁଛୁ ଏବଂ SOP କାର୍ଯ୍ୟକାରୀ କରି ଆମେ ନିରାପତ୍ତାକୁ ନିଶ୍ଚିତ କରିପାରିବା ।