କେବଳ ବାକି ଅଛି ୨ ଦିନ, ତୁରନ୍ତ ସାରିନିଅନ୍ତୁ ଏହି କାମ, ନଚେତ୍ ବନ୍ଦ ହୋଇଯିବ PF ଆକାଉଣ୍ଟ୍

ନୂଆଦିଲ୍ଲୀ: UAN-Aadhaar Linking: କର୍ମଚାରୀ ଭବିଷ୍ୟତ ନିଧି ସଂଗଠନ (EPFO) ଗ୍ରାହକଙ୍କ ପାଇଁ ଏକ ବଡ଼ ଖବର ଅଛି । ଆପଣଙ୍କ ହାତରେ  ମାତ୍ର ୨ ଦିନ ବାକି ଅଛି, ତୁରନ୍ତ ଆପଣ UAN ନମ୍ବରକୁ ଆଧାର (Aadhaar) ସହିତ ଲିଙ୍କ୍ କରନ୍ତୁ । UAN କୁ ଆଧାର ସହିତ ସଂଯୋଗ କରିବାର ୨ ଦିନ ଅର୍ଥାତ୍ ୩୧ ଡିସେମ୍ବର ୨୦୨୧ ହେଉଛି ଶେଷ ତାରିଖ । EPFO ନିବେଶକମାନଙ୍କ ପାଇଁ ଆଧାର ଲିଙ୍କ୍ ବାଧ୍ୟତାମୂଳକ କରିଛି । ଯଦି ଆପଣ ଏହା ନକରନ୍ତି, ତେବେ ଆଗାମୀ ଦିନରେ ଅସୁବିଧା ହୋଇପାରେ ଓ PF ଖାତା ବନ୍ଦ ହୋଇପାରେ ।

ଯଦି ଆପଣ ଏପର୍ଯ୍ୟନ୍ତ EPF ଆକାଉଣ୍ଟ ସହିତ ଆଧାରକୁ ଲିଙ୍କ୍ କରିନାହାଁନ୍ତି, ତେବେ ତୁରନ୍ତ ଏହି କାମ କରନ୍ତୁ । ଯଦି ଆଧାର (Aadhaar) କୁ EPF ଆକାଉଣ୍ଟ ସହିତ ଉଭୟ ଅନଲାଇନ୍ ଓ ଅଫଲାଇନ୍ ଲିଙ୍କ୍ ହୋଇପାରିବ । EPFO ସାମାଜିକ ସୁରକ୍ଷା ସଂକେତ ୨୦୨୦ ଅନୁଯାୟୀ ଆଧାରକୁ ସଂଯୋଗ କରିବାକୁ ନିଷ୍ପତ୍ତି ନେଇଛି । ଏହି ନିୟମ ଅନୁଯାୟୀ, ସମସ୍ତ ଆକାଉଣ୍ଟଧାରୀଙ୍କ UAN ମଧ୍ୟ ଆଧାର ଯାଞ୍ଚ ହେବା ବାଧ୍ୟତାମୂଳକ ଅଟେ । ଏଭଳି ପରିସ୍ଥିତିରେ, ସର୍ବପ୍ରଥମେ EPFO ​​ର ଅଫିସିଆଲ୍ ୱେବସାଇଟ୍ ପରିଦର୍ଶନ କରି ଆପଣଙ୍କର ଆକାଉଣ୍ଟକୁ ଆଧାର କାର୍ଡ ସହିତ ଲିଙ୍କ୍ କରନ୍ତୁ ଓ UAN କୁ ମଧ୍ୟ ଯାଞ୍ଚ କରନ୍ତୁ, ଯାହାଦ୍ୱାରା ଆପଣଙ୍କ ଆକାଉଣ୍ଟରେ କମ୍ପାନୀ ତରଫରୁ ଜମା ହୋଇଥିବା ଅର୍ଥରେ କୌଣସି ଅସୁବିଧାର ସମ୍ମୁଖୀନ ହେବ ନାହିଁ ।

PF ଆକାଉଣ୍ଟଧାରୀମାନେ EPFO ​​ର ଅଫିସିଆଲ୍ ୱେବସାଇଟ୍ ପରିଦର୍ଶନ କରି ଆଧାର ସହିତ ସେମାନଙ୍କର ଆକାଉଣ୍ଟକୁ ଲିଙ୍କ୍ କରିପାରିବେ । ଏଥିପାଇଁ ପ୍ରଥମେ ଆପଣଙ୍କୁ ଅଫିସିଆଲ୍ ୱେବସାଇଟ୍ https://unifiedportal-mem.epfindia.gov.in/memberinterface/ କୁ ଯିବାକୁ ପଡିବ ।

UAN ଓ ପାସୱାର୍ଡ ବ୍ୟବହାର କରି ଆପଣଙ୍କ ଆକାଉଣ୍ଟକୁ ଲଗ୍ଇନ୍ କରନ୍ତୁ । ଏହା ପରେ ମ୍ୟାନେଜ ସେକ୍ସନରେ KYC ଅପ୍ସନ୍ ଉପରେ କ୍ଲିକ୍ କରନ୍ତୁ । ତା’ପରେ ସେହି ପେଜଟି ଖୋଲିବ ଯେଉଁଠାରେ ଆପଣ ଆପଣଙ୍କ EPF ଆକାଉଣ୍ଟ ସହିତ ଲିଙ୍କ୍ ହେବାକୁ ଥିବା ଡକ୍ୟୁମେଣ୍ଟ୍ ସଂଖ୍ୟା ଦେଖିପାରିବ ।

ଏହା ବି ପଢ଼ନ୍ତୁ:-ପଞ୍ଜାବରେ କଂଗ୍ରେସକୁ ବଡ଼ ଝଟକା! ହାତ ଛାଡ଼ି ବିଜେପିରେ ଯୋଗଦେଲେ ୩ ବିଧାୟକ

ଏହା ବି ପଢ଼ନ୍ତୁ:-ଟେନସନ୍ ବଢ଼ାଇଲା କୋରୋନାର ନୂଆ ଭାରିଆଣ୍ଟ ଓମିକ୍ରନ୍, ଦିନକରେ ଚିହ୍ନଟ ହେଲେ ଏତିକି ସଂକ୍ରମିତ

ଏହା ବି ପଢ଼ନ୍ତୁ:-ତାଣ୍ଡବ କରୁଛି କୋରୋନା, ଫ୍ରାନ୍ସ ଓ ବ୍ରିଟେନରେ ଦିନକରେ ରେକର୍ଡ ମାମଲା ଚିହ୍ନଟ; ସାରା ଦୁନିଆରେ ପୁଣି ବଢିବାକୁ ଲାଗିଛି କୋଭିଡ-19 ସଙ୍କଟ

ଆଧାର ବିକଳ୍ପ ଚୟନ କରନ୍ତୁ ଓ ଆଧାର କାର୍ଡରେ ଥିବା ଆପଣଙ୍କ ନାମ ଟାଇପ୍ କରି ସର୍ଭିସ ଉପରେ କ୍ଲିକ୍ କରନ୍ତୁ । ଏହା ପରେ ପ୍ରଦତ୍ତ ସୂଚନା ସଞ୍ଚୟ ହେବ । ତାପରେ ଆପଣଙ୍କ ଆଧାର UIDAI ତଥ୍ୟ ସହିତ ଯାଞ୍ଚ ହେବ । ଥରେ ଆପଣଙ୍କ KYC ଡକ୍ୟୁମେଣ୍ଟ୍ ସଠିକ୍ ହୋଇଗଲେ, ଆପଣଙ୍କ ଆଧାର ଆପଣଙ୍କ EPF ଆକାଉଣ୍ଟ୍ ସହିତ ଲିଙ୍କ୍ ହେବ ଏବଂ ଆପଣଙ୍କୁ ନିଜର ଆଧାର ବିବରଣୀ ଆଗରେ Verify ଲେଖା ମିଳିବ ।