ଯୁଦ୍ଧର ୭ ମାସ ପରେ ଶେଷରେ ପୁଟିନ ଖୋଲିଲେ ରହସ୍ୟ, କହିଲେ କ'ଣ ହାସଲ କରି ବନ୍ଦ କରିବେ ୟୁକ୍ରେନ ଯୁଦ୍ଧ

Russia Ukraine War: ୟୁକ୍ରେନ ସୈନ୍ୟବାହିନୀକୁ ଚେତାବନୀ ଦେଇ ପୁଟିନ କହିଛନ୍ତି ଯେ, ଯଦି ଋଷର ପାୱାର ପ୍ଲାଣ୍ଟ ଓ ଅନ୍ୟାନ୍ୟ ଭିତ୍ତିଭୂମିକୁ ଟାର୍ଗେଟ କରେ ତେବେ ମସ୍କୋ ଏହାର ଆକ୍ରମଣକୁ ଆହୁରି ଜୋରଦାର କରିପାରେ । ଯଦି ସେମାନେ ଆମର କଥା ବୁଝିବାରେ ବିଫଳ ହୁଅନ୍ତି, ତେବେ ଆମେ ପ୍ରତିଶୋଧ ନେବୁ ।

ନୂଆଦିଲ୍ଲୀ: Russia Ukraine War: ଋଷ ଓ ୟୁକ୍ରେନ ମଧ୍ୟରେ ଜୋରଦାର ଲଢ଼େଇ ଜାରି ରହିଛି । ଏହି ସମୟରେ ଋଷ ରାଷ୍ଟ୍ରପତି (Russian President) ଭ୍ଲାଦିମିର ପୁଟିନ (Vladimir Putin) ଏହି ଯୁଦ୍ଧ କେବେ ଶେଷ ହେବ, ତାହାର ଖୁଲାସା କରିଛନ୍ତି । ପୁଟିନଙ୍କ ନେତୃତ୍ୱରେ ଋଷ କାହିଁକି ୟୁକ୍ରେନ ସହିତ ଯୁଦ୍ଧ ଆରମ୍ଭ କରିଥିଲେ । କେଉଁ ସର୍ତ୍ତରେ ସେ ଏହି ଯୁଦ୍ଧକୁ ଶେଷ କରିବାକୁ ରାଜି ହେବେ? ଏହି ୨ଟି ପ୍ରଶ୍ନ ଗତ ୭ ମାସରୁ ସାରା ଦୁନିଆକୁ ଚିନ୍ତାରେ ପକାଉଛି । ବର୍ତ୍ତମାନ ଋଷର ରାଷ୍ଟ୍ରପତି ପୁଟିନ ନିଜେ ପ୍ରଥମ ଥର ଏହି ପ୍ରଶ୍ନର ଉତ୍ତର ଦେଇଛନ୍ତି । ସାଂଘାଇ ସହଯୋଗ ସଂଗଠନର ଏକ ବୈଠକରେ ଯୋଗଦେବା ପାଇଁ ଉଜବେକିସ୍ତାନର ରାଜଧାନୀ ସମରକନ୍ଦରେ ପହଞ୍ଚିଥିବା ପୁଟିନ ତାଙ୍କ ଟାର୍ଗେଟ ଓ ସର୍ତ୍ତ ବିଷୟରେ କହିଛନ୍ତି । ଏହା ପୂରଣ ହେବା ପରେ ସେ ଏହି ଯୁଦ୍ଧକୁ ଶେଷ କରିପାରନ୍ତି ।

ଏସସିଓ ଶିଖର ସମ୍ମିଳନୀ (SCO Summit) ପରେ ପୁଟିନ (Putin) କହିଛନ୍ତି ଯେ, ୟୁକ୍ରେନ (Ukraine) ର ପୂରା ପୂର୍ବ ଡୋନବାସ୍ (Donbas) ଅଞ୍ଚଳକୁ ମୁକ୍ତ କରିବା ହେଉଛି ଋଷର ମୂଳ ଲକ୍ଷ୍ୟ । ଏହି ଲକ୍ଷ୍ୟରେ କୌଣସି ପରିବର୍ତ୍ତନ ଆସି ନାହିଁ ଓ ଏହାର କୌଣସି ଆବଶ୍ୟକତା ନାହିଁ । ଯେପର୍ଯ୍ୟନ୍ତ ଋଷ ଏହି ଲକ୍ଷ୍ୟକୁ ସମ୍ପୂର୍ଣ୍ଣ ରୂପେ ହାସଲ ନକରେ ସେ ପର୍ଯ୍ୟନ୍ତ ଯୁଦ୍ଧ ବନ୍ଦ ହେବାର ସମ୍ଭାବନା ନାହିଁ । ୟୁକ୍ରେନକୁ ଚେତାବନୀ ଦେଇ ପୁଟିନ କହିଛନ୍ତି ଯେ, ଋଷର ସ୍ପେଶାଲ ମିଲିଟ୍ରୀ ଅପରେସନରେ ବର୍ତ୍ତମାନ ଋଷର ଭଲିଣ୍ଟିୟର ସୈନ୍ୟ ଯୁଦ୍ଧ କରୁଛନ୍ତି । ନିୟମିତ ସୈନିକମାନେ ଏଥିରେ ସାମିଲ ନୁହଁନ୍ତି । କିନ୍ତୁ ଯଦି ୟୁକ୍ରେନ ଋଷର ବେସ ଉପରେ ଆକ୍ରମଣ କରେ, ତେବେ ଯୁଦ୍ଧ ବିସ୍ତାର ହେବ । ଏହାସହ ନିୟମିତ ସୈନିକମାନେ ମଧ୍ୟ ଏଥିରେ ଯୋଗଦେବେ । ୟୁକ୍ରେନ ଏହାର ପରିଣାମ ଜାଣିବା ଉଚିତ୍ ।

ଅଧିକ ପଢ଼ନ୍ତୁ:-ଉତ୍ତର ପ୍ରଦେଶର ଏହି ଆସନରୁ ଲୋକସଭା ନିର୍ବାଚନ ଲଢ଼ିବେ ନୀତିଶ କୁମାର!

ଅଧିକ ପଢ଼ନ୍ତୁ:-ଗୁଜୁରାଟ ନିର୍ବାଚନ ପୂର୍ବରୁ ଆମ୍ ଆଦମୀ ପାର୍ଟିକୁ ଲାଗିଲା ବଡ଼ ଝଟକା, ଏହି ଦଳ ଛାଡ଼ିଲା ସାଥ୍

ଅଧିକ ପଢ଼ନ୍ତୁ:-ସାଧାରଣ ଜନତାଙ୍କ ପାଇଁ ଖୁସି ଖବର! ଏଣିକି ମାଗଣାରେ ମିଳିବ ବିଜୁଳି, ବିଦ୍ୟୁତ୍ ବିଲ୍ ଆସିବ ଜିରୋ, ତୁରନ୍ତ କରନ୍ତୁ ଆବେଦନ

ୟୁକ୍ରେନ ସୈନ୍ୟବାହିନୀକୁ ଚେତାବନୀ ଦେଇ ପୁଟିନ କହିଛନ୍ତି ଯେ, ଯଦି ଋଷର ପାୱାର ପ୍ଲାଣ୍ଟ ଓ ଅନ୍ୟାନ୍ୟ ଭିତ୍ତିଭୂମିକୁ ଟାର୍ଗେଟ କରେ ତେବେ ମସ୍କୋ ଏହାର ଆକ୍ରମଣକୁ ଆହୁରି ଜୋରଦାର କରିପାରେ । ଯଦି ସେମାନେ ଆମର କଥା ବୁଝିବାରେ ବିଫଳ ହୁଅନ୍ତି, ତେବେ ଆମେ ପ୍ରତିଶୋଧ ନେବୁ । ସେମାନେ ଏହାର ପରିଣାମ ସହିବାକୁ ପ୍ରସ୍ତୁତ ହେବା ଉଚିତ୍ । ବିଗତ ଦିନରେ ଋଷର ସେନାକୁ ୟୁକ୍ରେନ ଯୁଦ୍ଧରେ ଲାଗିଥିବା ଝଟକା  ବିଷୟରେ ପଚରାଯାଇଥିବା ବେଳେ ପୁଟିନ କହିଛନ୍ତି ଯେ, ଆମେ ତତ୍ପର ନୁହଁ । ଆମେ ସେମାନଙ୍କୁ ଜବାବ ଦେବୁ ଓ ଆମର ଦାୟିତ୍ୱରୁ ଦୂରେଇ ରହିବୁ ନାହିଁ । ଏହି ଯୁଦ୍ଧ ଶେଷ କରିବାର କୌଣସି ସମୟସୀମା ଦେବାକୁ ସେ ମନା କରିଦେଇଛନ୍ତି । ପୁଟିନ କହିଛନ୍ତି ଯେ, ବର୍ତ୍ତମାନ ଅପରେସନ ଚାଲିଛି । ଯେତେବେଳେ ଏହାର ସମସ୍ତ ଲକ୍ଷ୍ୟ ହାସଲ ହୋଇଯିବ, ଏହାକୁ ଶେଷ କରାଯିବ ।