ଭାରତରେ କୋରୋନା ଯୋଗୁଁ ୪୭ ଲକ୍ଷ ଲୋକଙ୍କ ମୃତ୍ୟୁ ହୋଇଥିବା ଦାବି କଲା WHO, ଏହି ୫ଟି କାରଣରୁ ରିପୋର୍ଟ ଉପରେ ଉଠୁଛି ପ୍ରଶ୍ନ

ନୂଆଦିଲ୍ଲୀ: WHO Report On Corona Deaths In India: ବିଶ୍ୱ ସ୍ୱାସ୍ଥ୍ୟ ସଂଗଠନ (World Health Organization:WHO) ଦ୍ୱାରା ଭାରତରେ କୋରୋନା ଯୋଗୁଁ ହୋଇଥିବା ମୃତ୍ୟୁକୁ ନେଇ ଦିଆଯାଇଥିବା ରିପୋର୍ଟକୁ କେନ୍ଦ୍ର ସରକାର (Central Government) ଖାରଜ କରିଛନ୍ତି । WHO ନିଜ ରିପୋର୍ଟରେ ଭାରତରେ କୋଭିଡ-19 ମହାମାରୀ ଯୋଗୁଁ ପ୍ରାୟ ୪୭ ଲକ୍ଷ ଲୋକଙ୍କ ମୃତ୍ୟୁ (Coronavirus Deaths In India) ହୋଇଥିବା ଅନୁମାନ କରିଛି । ଗୁରୁବାର WHO ଦ୍ୱାରା ଜାରି ରିପୋର୍ଟରେ କୁହାଯାଇଛି ଯେ ଜାନୁୟାରୀ ୨୦୨୦ରୁ ଡିସେମ୍ବର ୨୦୨୧ ମଧ୍ୟରେ ପ୍ରାୟ ୪୭ ଲକ୍ଷ ଲୋକଙ୍କର ମୃତ୍ୟୁ ଘଟିଛି, ଯାହା ଆଧିକାରୀକ ଭାବରେ ଦିଆଯାଇଥିବା ଆକଳନଠାରୁ ୧୦ ଗୁଣ ଅଧିକ ।

ଦେଶର ଶୀର୍ଷ ସ୍ୱାସ୍ଥ୍ୟ ବିଶେଷଜ୍ଞମାନେ WHO ତରଫରୁ କୋରୋନା କିମ୍ୱା ଏହାର ପ୍ରଭାବ ଯୋଗୁଁ ଭାରତରେ ୪୭ ଲକ୍ଷ ଲୋକଙ୍କ ମୃତ୍ୟୁର ଆକଳନ କରିବା ପାଇଁ ବ୍ୟବହୃତ 'ମଡେଲିଂ' ପଦ୍ଧତି ଉପରେ ପ୍ରଶ୍ନ ଉଠାଇଛନ୍ତି । ଏହା ସହିତ ସେମାନେ କହିଛନ୍ତି ଯେ, ଏହି ପ୍ରସଙ୍ଗରେ ବିଶ୍ୱ ସ୍ୱାସ୍ଥ୍ୟ ସଂସ୍ଥା (WHO) ଦ୍ୱାରା ଆପଣାଇଯାଇଥିବା ଦୃଷ୍ଟିକୋଣକୁ ନେଇ ନିରାଶ ହୋଇଛନ୍ତି, ଯାହାକି ସମସ୍ତଙ୍କ ପାଇଁ  ଗୋଟିଏ ନୀତି ଆପଣାଇ ସହିତ ସମାନ ।

ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (Indian Council of Medical Research:ICMR) ର ମହାନିର୍ଦ୍ଦେଶକ ବଳରାମ ଭାର୍ଗବ, ନୀତି ଆୟୋଗ ସଦସ୍ୟ (ସ୍ୱାସ୍ଥ୍ୟ) ଭି.କେ ପାଲ୍ ଏବଂ ଏମ୍ସ ନିର୍ଦ୍ଦେଶକ ରଣଦୀପ ଗୁଲେରିଆ (AIIMS director Randeep Guleria) ଙ୍କ ସମେତ ଅନେକ ବିଶେଷଜ୍ଞ ଏହି ରିପୋର୍ଟକୁ ଅଗ୍ରହଣୀୟ ଓ ଦୁର୍ଭାଗ୍ୟଜନକ ବୋଲି କହିଛନ୍ତି । ଭି.କେ ପାଲ୍ WHO ରିପୋର୍ଟକୁ ଖାରଜ କରି କହିଛନ୍ତି ଯେ ଭାରତ ଦୁନିଆକୁ ଅତି ବିନମ୍ରତା ସହ ଓ କୂଟନୈତିକ ଚ୍ୟାନେଲ ମାଧ୍ୟମରେ ତଥ୍ୟ ଏବଂ ତର୍କ ସଙ୍ଗତ ଯୁକ୍ତି ସହିତ ସ୍ପଷ୍ଟ ଭାବେ କହିଛି ଯେ ସେ ନିଜ ଦେଶ ପାଇଁ ଆପଣା ଯାଇଥିବା ପଦ୍ଧତି ସହ ସହମତ ନୁହେଁ ।

NITI ଆୟୋଗ ସଦସ୍ୟ କହିଛନ୍ତି ଯେ, " ଯେତେବେଳେ ବର୍ତ୍ତମାନ ସମସ୍ତ କାରଣରୁ ଅଧିକ ମୃତ୍ୟୁର ପ୍ରକୃତ ସଂଖ୍ୟା ଉପଲବ୍ଧ ଅଛି, କେବଳ ମଡେଲିଂ ଭିତ୍ତିକ ଆକଳନ ବ୍ୟବହାର କରିବାର କୌଣସି ଯଥାର୍ଥତା ନାହିଁ । ଦୁର୍ଭାଗ୍ୟବଶତଃ ଆମର ବାରମ୍ବାର ଲେଖିବା ଓ ମନ୍ତ୍ରୀ ସ୍ତରୀୟ ବାର୍ତ୍ତାଳାପ ସତ୍ତ୍ୱେ ସେମାନେ ମଡେଲିଂ ଏବଂ ଅନୁମାନ ଉପରେ ଆଧାର କରି ସଂଖ୍ୟା ବ୍ୟବହାର କରିବାକୁ ବାଛିଛନ୍ତି । ଭାରତ ପରି ବଡ଼ ଆକାରର ଦେଶ ପାଇଁ ଏହି ଧାରଣାଗୁଡ଼ିକ ବ୍ୟବହାର କରାଯିବା ଓ ଆମକୁ ଖରାପ ଭାବେ ଉପସ୍ଥାପନା କରିବା ଉଚିତ ନୁହେଁ ।"

ଏହା ବି ପଢ଼ନ୍ତୁ:-ସରକାରୀ କର୍ମଚାରୀଙ୍କୁ ବଡ଼ ଉପହାର, ଏଣିକି ପରିବାରକୁ ମିଳିବ ୧.୨୫ ଲକ୍ଷ ଟଙ୍କା

ଏହା ବି ପଢ଼ନ୍ତୁ:-ୟୁପି ଛାଡ଼ିବାକୁ ଧମକ ଦେଇଥିବା ମୁନାୱାର ରାଣାଙ୍କ ହୃଦୟର ପରିବର୍ତ୍ତନ! ମୁଖ୍ୟମନ୍ତ୍ରୀ ଯୋଗୀଙ୍କ ପ୍ରଶଂସାରେ ଲେଖିଲେ ଶାୟରୀ

ଏହା ବି ପଢ଼ନ୍ତୁ:-କିଏ ସେ ବୁଲବୁଲ ସାହା, ଯିଏ ୨୮ ବର୍ଷ ବଡ଼ ପୂର୍ବତନ କ୍ରିକେଟର ଅରୁଣ ଲାଲଙ୍କୁ କଲେ ବିବାହ

ନ୍ୟାସନାଲ ଟିକାକରଣ ବୈଷୟିକ ପରାମର୍ଶଦାତା ଗୋଷ୍ଠୀ (NTAGI) ର ଅଧ୍ୟକ୍ଷ ଏନକେ ଆରୋରା ଏହି ରିପୋର୍ଟକୁ ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କହିଛନ୍ତି ଓ ଅନେକ ବିକଶିତ ଦେଶ ତୁଳନାରେ ଭାରତରେ ମୃତ୍ୟୁ ହାର (ପ୍ରତି ୧୦ ଲକ୍ଷ) କମ୍ ରହିଛି । ବଳରାମ ଭାର୍ଗବ କହିଛନ୍ତି ଯେ, ଗୁରୁତ୍ୱପୂର୍ଣ୍ଣ କଥା ହେଉଛି ଯେତେବେଳେ କୋଭିଡ ମୃତ୍ୟୁ ଘଟିଥିଲା, ସେତେବେଳେ ଆମର ମୃତ୍ୟୁର ସଂଜ୍ଞା ନଥିଲା । ଏପରିକି WHO ପାଖରେ ଏ ବିଷୟରେ କୌଣସି ସଂଜ୍ଞା ନଥିଲା । ସେପଟେ ରଣଦୀପ ଗୁଲେରିଆ ମଧ୍ୟ ଏହି ରିପୋର୍ଟକୁ ନେଇ ଆପତ୍ତି କରିଛନ୍ତି ।