ପୁଣିଥରେ କ୍ଷମତା ମିଳୁଛି ସିନା, କିନ୍ତୁ ନୀତିଶଙ୍କ ଆଗରେ ରହିବ ଏହି ୫ଟି ବଡ ଚ୍ୟାଲେଞ୍ଜ

ନୂଆଦିଲ୍ଲୀ: ବିହାରରେ ଆଣ୍ଟି-ଇନକମ୍ବେନ୍ସି ଓ ବିରୋଧୀଙ୍କ କଠୋର ଚ୍ୟାଲେଞ୍ଜକୁ ଅତିକ୍ରମ କରି ଏନଡିଏ (NDA) ସଂଖ୍ୟାଗରିଷ୍ଠତା ହାସଲ କରିଛି । ଯାହା ପରେ ନୀତିଶ କୁମାର (Nitish Kumar) ଙ୍କ ମୁଖ୍ୟମନ୍ତ୍ରୀ ହେବାର ସ୍ୱପ୍ନ ପୁଣି ଥରେ ସାକାର ହେବାକୁ ଯାଉଛି । ସପ୍ତମ ଥର ପାଇଁ ବିହାରର ମୁଖ୍ୟମନ୍ତ୍ରୀ ଭାବରେ ନୀତିଶ ଶପଥ ଗ୍ରହଣ କରିବେ । କିନ୍ତୁ ଏଥର ତାଙ୍କ ପାଇଁ ସବୁକିଛି ସହଜ ହେବ ନାହିଁ । ଏଥର ଉଭୟ ରାଜନୈତିକ ସମୀକରଣ ଏବଂ ପରିସ୍ଥିତି ଅଲଗା ରହିଛି । ଯେଉଁଥିପାଇଁ ନୀତିଶଙ୍କ ଆଗରେ  ଅନେକ ଚ୍ୟାଲେଞ୍ଜ ରହିଛି । ଗୋଟିଏ ପଟେ ତାଙ୍କୁ ଦୃଢ଼ ବିରୋଧର ସାମ୍ନା କରିବାକୁ ପଡିବ ଏବଂ ଅନ୍ୟ ପଟେ ତାଙ୍କୁ ଚାରି ସହଯୋଗୀଙ୍କ ସହ ସନ୍ତୁଳନ ରଖିବାକୁ ପଡିବ ।

୧. ସହଯୋଗୀମାନଙ୍କ ସହିତ ସନ୍ତୁଳନ 

ନୀତିଶ କୁମାର ଏପର୍ଯ୍ୟନ୍ତ ତାଙ୍କର ଏକମାତ୍ର ସହଯୋଗୀ ବିଜେପି ସହିତ ବିହାରରେ ସରକାର ଚଳାଇ ଆସୁଥିଲେ, କିନ୍ତୁ ଏଥର ଏନଡିଏର ଚାରିଜଣ ସହଯୋଗୀ ଅଛନ୍ତି । ଏଥର ବିଜେପି ସହିତ ଜିତନ ରାମ ମାଞ୍ଝୀଙ୍କ ହାମ୍ ଏବଂ ମୁକେଶ ସାହନିଙ୍କ ଭିଆଇପି ମଧ୍ୟ ମେଣ୍ଟର ଅଂଶବିଶେଷ । ଏହି ଦୁଇ ଦଳ କେବଳ ମେଣ୍ଟର ଅଂଶ ନୁହଁନ୍ତି ବରଂ ସରକାର ଚଳାଇବା ପାଇଁ ଆବଶ୍ୟକ ସଂଖ୍ୟାଗରିଷ୍ଠତାର ଅଂଶୀଦାର ଅଟନ୍ତି । ଏନଡିଏ ଏପରି ଏକ ଜନାଦେଶ ପାଇଛି, ଯେଉଁଥିରେ ନୀତିଶଙ୍କ ଚେୟାରରେ ଚାରିଜଣ ମାଲିକ ଅଛନ୍ତି ।

ଅର୍ଥାତ୍, ଏନଡିଏ ସହଯୋଗୀମାନଙ୍କ ମଧ୍ୟରୁ ଜଣେ ଅସନ୍ତୁଷ୍ଟ ହେବା କିମ୍ବା କଥା ବିଗିଡ଼ିବା ଅର୍ଥ ହେଉଛି ସରକାର ଆବଶ୍ୟକ କରୁଥିବା ସଂଖ୍ୟାଗରିଷ୍ଠତାଠାରୁ ଦୂରେଇ ଯିବା । ଏପରି ପରିସ୍ଥିତିରେ ପ୍ରତ୍ୟେକଙ୍କର ନିଜସ୍ୱ ସର୍ତ୍ତ ଏବଂ ସେମାନଙ୍କର ନିଜସ୍ୱ ଦୃଷ୍ଟିକୋଣ ମଧ୍ୟ ରହିବ । ନୀତିଶଙ୍କ ମନ୍ତ୍ରୀମଣ୍ଡଳ ଠାରୁ ଆରମ୍ଭ କରି ସରକାରଙ୍କ ନିଷ୍ପତ୍ତିରେ ଏହାର ଚାପ ସ୍ପଷ୍ଟ ଦେଖାଯିବ । ଏଭଳି ପରିସ୍ଥିତିରେ ନୀତିଶ କୁମାରଙ୍କ ଆଗରେ ସବୁଠାରୁ ବଡ ଆହ୍ୱାନ ହେଉଛି ତାଙ୍କର ଚାରି ସହଯୋଗୀଙ୍କ ସହ ସନ୍ତୁଳନ ଏବଂ ସମନ୍ୱୟ ରକ୍ଷା କରିବା ।

୨. ସରକାରଙ୍କ ଉପରେ କିପରି ନିୟନ୍ତ୍ରଣ ରଖିବେ 

ନୀତିଶ କୁମାର ସଂପୂର୍ଣ୍ଣ ଦୃଢ଼ତା ଓ ବିନା ହସ୍ତକ୍ଷେପରେ କାମ କରୁଥିବା ମୁଖ୍ୟମନ୍ତ୍ରୀ ଭାବେ ବେଶ ଜଣାଶୁଣା । ବିରୋଧୀମାନେ ତାଙ୍କ କାର୍ଯ୍ୟ କରିବାର ଶୈଳୀକୁ ବିନା କୌଣସି ବିଚାର ବିମର୍ଶ କରି ନିଷ୍ପତ୍ତି ନେଉଥିବା ମୁଖ୍ୟମନ୍ତ୍ରୀ ଭାବରେ କରିଆସୁଛନ୍ତି । ବିହାରରେ ସମୀକରଣ ଏପରି ଯେ ନୀତିଶଙ୍କୁ ସରକାର ଚଳାଇବା ଏବଂ ସ୍ୱତନ୍ତ୍ର ଭାବରେ ନିଷ୍ପତ୍ତି ନେବାର ସ୍ୱାଧୀନତା ପୂର୍ବ ଭଳି ହେବ ନାହିଁ । ନୀତିଶ କୁମାରଙ୍କୁ ନିଜ ନିୟନ୍ତ୍ରଣରେ ରଖି ଶାସନ କରିବାର ଚ୍ୟାଲେଞ୍ଜର ସମ୍ମୁଖୀନ ହେବାକୁ ପଡ଼ିବ ।

୩. ଜେଡିୟୁ କ୍ୟାବିନେଟରେ ସଂଖ୍ୟାଲଘୁ ରହିବ

ନୀତିଶ କୁମାରଙ୍କ ଦଳ ଜେଡିୟୁର ସରକାର ଭିତରେ ଅଂଶୀଦାର ମଧ୍ୟ ହ୍ରାସ ପାଇବ । ଏନଡିଏରେ ବିଜେପି ହେଉଛି ସବୁଠାରୁ ବଡ ଦଳ ଏବଂ ଜେଡିୟୁ ହେଉଛି ଦୁଇ ନମ୍ବର ଦଳ । ଏଭଳି ପରିସ୍ଥିତିରେ କେବଳ ନୀତିଶଙ୍କ କ୍ୟାବିନେଟରେ କେବଳ ବିଜେପି ଏବଂ ଜେଡିୟୁ ନୁହେଁ, ଜିତନ ରାମ ମଞ୍ଝୀଙ୍କ ହାମ ଏବଂ ମୁକେଶ ସାହନିଙ୍କ ଭିଆଇପି ଦଳକୁ ମଧ୍ୟ ମନ୍ତ୍ରୀ ପଦବୀ ଦେବାକୁ ପଡ଼ିବ । କାରଣ ସେମାନଙ୍କର ସହାୟତାରେ ସଂଖ୍ୟାଗରିଷ୍ଠତା ମିଳିଛି । ବିଧାନସଭାରେ ଯାହାର ଯେତିକି ଅଂଶ, ତାଙ୍କୁ କ୍ୟାବିନେଟରେ ସେତିକି ଭାଗୀଦାରର ଫର୍ମୁଲା ଉପରେ ବିହାରରେ କ୍ୟାବିନେଟର ଅଂଶ ମିଳି ଆସୁଛି । ଏହାର ଅର୍ଥ ଯଦି ନୂଆ ମନ୍ତ୍ରୀମଣ୍ଡଳରେ ବିଜେପି ମନ୍ତ୍ରୀମାନେ ଅଧିକ ହେବ, ତେବେ ଗତଥର ତୁଳନାରେ ଜେଡିୟୁ କମ୍ ହେବ । ବିହାରରେ ସର୍ବାଧିକ ୩୬ ମନ୍ତ୍ରୀ ନିଯୁକ୍ତ ହୋଇପାରିବେ । ଏହିପରି ଜେଡିୟୁ କ୍ୟାବିନେଟରେ ସଂଖ୍ୟାଲଘୁଙ୍କ ମଧ୍ୟରେ ରହିବ ।

୪. ମଜଭୁତ ବିରୋଧଙ୍କ ସମ୍ମୁଖୀନ ହେବେ 

ବିହାର ରାଜନୀତିରେ ନୀତିଶ କୁମାରଙ୍କୁ ପ୍ରଥମ ଥର ପାଇଁ ମଜଭୁତ ବିରୋଧଙ୍କ ସମ୍ମୁଖୀନ ହେବାକୁ ପଡ଼ିବ । ୨୦୦୫ ମସିହାରେ ଯେତେବେଳେ ସେ ପ୍ରଥମେ ପୂର୍ଣ୍ଣକାଳୀନ ସିଏମ୍ ହୋଇଥିଲେ ସେତେବେଳେ ବିରୋଧୀ ବିହାରରେ ଏକ ଦୁର୍ବଳ ସ୍ଥିତିରେ ଥିଲେ । ଏଥର ବିରୋଧୀ ଦଳରେ ଅତି କମରେ ୧୧୫ ଜଣ ବିଧାୟକ ପ୍ରଥମ ଥର ପାଇଁ ତାଙ୍କୁ ଘେରିବେ । ବିରୋଧୀ କେବଳ ସଂଖ୍ୟାରେ ନୁହେଁ ବରଂ ତେଜସ୍ୱୀ ଯାଦବ ଚଳିତ ନିର୍ବାଚନରେ ଜଣେ ଶକ୍ତିଶାଳୀ ନେତା ଭାବରେ ଉଭା ହୋଇଛନ୍ତି । ଏଭଳି ପରିସ୍ଥିତିରେ ନୀତିଶ କୁମାରଙ୍କୁ ଅସହଜ କରିବା ପାଇଁ ବିରୋଧୀ ସମସ୍ତ ପ୍ରକାର ଉଦ୍ୟମ କରିବେ ।

ଅଧିକ ପଢ଼ନ୍ତୁ:-ଖୁସି ଖବର, ଭାରତରେ ପହଞ୍ଚିଲା ରୁଷର କୋରୋନା ଭ୍ୟାକ୍ସିନ

୫. ନୀତିଶଙ୍କୁ ନିଜ ହଜିଯାଇଥିବା ଭାବମୂର୍ତ୍ତିକୁ ପୁନଃ ପ୍ରାପ୍ତ କରିବାର ଆହ୍ୱାନ

ନୀତିଶ କୁମାର ହୁଏତ କ୍ଷମତାକୁ ଆସିଥାଇ ପାରନ୍ତି, କିନ୍ତୁ ନିର୍ବାଚନରେ ​​ଯେଉଁଭଳି ଭାବରେ ତାଙ୍କ ବିରୋଧରେ ଲୋକଙ୍କ ଅସନ୍ତୁଷ୍ଟ ଦେଖାଯାଇଛି । ନୀତିଶ କୁମାରଙ୍କ ସୁଶାସନ ବାବୁଙ୍କର ଭାବମୂର୍ତ୍ତି ଥିଲା, ସେଥିରେ ଗଭୀର ଧକ୍କା ଲାଗିଛି ।  ନିର୍ବାଚନ ସମୟରେ ଇନକମ୍ବୁନ୍ସି ବିରୋଧୀ ହାୱା ସ୍ପଷ୍ଟ ଦେଖାଯାଉଥିଲା ଏବଂ ଲୋକମାନେ ନୀତିଶ କୁମାରଙ୍କ ଉପରେ ନିଜର ଅସନ୍ତୋଷ ପ୍ରକାଶ କରୁଥିଲେ । ବିହାର ନିର୍ବାଚନରେ ​​ବିକାଶ ଏବଂ ରୋଜଗାର ଏକ ବଡ଼ ପ୍ରସଙ୍ଗ ରହିଛି । ଏଭଳି ପରିସ୍ଥିତିରେ, ବର୍ତ୍ତମାନ ଯେତେବେଳେ ନୀତିଶ କୁମାର କ୍ଷମତା ଗ୍ରହଣ କରିବାକୁ ଯାଉଛନ୍ତି, ଯାହା ତାଙ୍କ ହଜିଯାଇଥିବା ସୁଶାସନ ବାବୁଙ୍କ ଭାବମୂର୍ତ୍ତିକୁ ଦୃଢ଼ କରିବା ତାଙ୍କ ପାଇଁ ଏକ ଆହ୍ୱାନ ଅଟେ । କେବଳ ଏତିକି ନୁହେଁ ସେ ନିର୍ବାଚନ ମଝିରେ ଘୋଷଣା କରିଛନ୍ତି ଯେ ଏହା ହେଉଛି ତାଙ୍କ ଶେଷ ନିର୍ବାଚନ ।