'ନୀତିଶ କୁମାରଙ୍କ କାଉଣ୍ଟଡାଉନ୍ ଆରମ୍ଭ, ଯେକୌଣସି ସମୟରେ ମୁଖ୍ୟମନ୍ତ୍ରୀ ହୋଇପାରନ୍ତି ତେଜସ୍ୱୀ ଯାଦବ'

Bihar Politics: ମୋଦି କହିଛନ୍ତି ଯେ, ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଭାବନ୍ତି ଯେ ଉପମୁଖ୍ୟମନ୍ତ୍ରୀ ଆଇଆରସିଟିସି ସ୍କାମରେ ଜେଲ ଯିବେ, ଏହା ପରେ ସେ ତାଙ୍କ ଦଳ ଭାଙ୍ଗିବେ । ଉଭୟ ଦଳ ପରସ୍ପରକୁ ଭାଙ୍ଗିବାକୁ ଚେଷ୍ଟା କରୁଛନ୍ତି ବୋଲି ସୁଶୀଲ ମୋଦି ଦାବି କରିଛନ୍ତି । ଏପରି ପରିସ୍ଥିତିରେ କିଏ କାହାକୁ ପ୍ରଥମେ ଭାଙ୍ଗୁଛନ୍ତି ଦେଖନ୍ତୁ ।

ପାଟନା: Bihar Politics: ନୀତିଶ କୁମାରଙ୍କ କାଉଣ୍ଟଡାଉନ୍ ଆରମ୍ଭ ହୋଇସାରିଛି, ବିହାରରେ ଯେକୌଣସି ସମୟରେ ସରକାର ପରିବର୍ତ୍ତନ ହୋଇପାରେ । ଏକଥା ଆମେ କହୁ ନାହିଁ, ବିଜେପି ର ବରିଷ୍ଠ ନେତା ତଥା ରାଜ୍ୟସଭା ସାଂସଦ ସୁଶୀଲ କୁମାର ମୋଦି (Sushil Kumar Modi) କହିଛନ୍ତି । ବିହାର ବିଜେପି (BJP) ର ବରିଷ୍ଠ ନେତା ପାଟନାରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି କହିଛନ୍ତି ଯେ, ବିହାର ବିଧାନସଭାରେ ଅୱଦ ବିହାର ଚୌଧୁରୀ ବାଚସ୍ପତି ହେବା ପରେ ଜେଡିୟୁ ପାଇଁ କାଉଣ୍ଟଡାଉନ୍ ଆରମ୍ଭ ହୋଇସାରିଛି । ସରକାର ଗଠନ ପାଇଁ ଆରଜେଡିକୁ କେବଳ ପାଞ୍ଚରୁ ଛଅ ଜଣ ବିଧାୟକ ଆବଶ୍ୟକ ରହିଛି, ବାଚସ୍ପତି ସେମାନଙ୍କର । ମାଞ୍ଝୀଙ୍କ ୪ ଜଣ ବିଧାୟକ ଯେକୌଣସି ସମୟରେ ଦଳ ପରିବର୍ତ୍ତନ କରିପାରନ୍ତି । ଯଦି ରାଷ୍ଟ୍ରୀୟ ଜନତା ଦଳ (RJD) ଜନତା ଦଳ ୟୁନାଇଟେଡ (JDU) ର କେବଳ ଦୁଇ କିମ୍ବା ତିନି ଜଣ ବିଧାୟକ ଭାଙ୍ଗନ୍ତି, ତେବେ କେହି ସେମାନଙ୍କର ସଦସ୍ୟତା ଶେଷ କରିପାରିବେ ନାହିଁ । ଏଭଳି ପରିସ୍ଥିତିରେ ନୀତିଶ କୁମାର (Nitish Kumar) ନିଜ ଦଳକୁ ବଞ୍ଚାନ୍ତୁ ।

ସୁଶୀଲ ମୋଦି କହିଛନ୍ତି ଯେ, ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଭାବନ୍ତି ଯେ ଉପମୁଖ୍ୟମନ୍ତ୍ରୀ ଆଇଆରସିଟିସି ସ୍କାମରେ ଜେଲ ଯିବେ, ଏହା ପରେ ସେ ତାଙ୍କ ଦଳ ଭାଙ୍ଗିବେ । ଉଭୟ ଦଳ ପରସ୍ପରକୁ ଭାଙ୍ଗିବାକୁ ଚେଷ୍ଟା କରୁଛନ୍ତି ବୋଲି ସୁଶୀଲ ମୋଦି ଦାବି କରିଛନ୍ତି । ଏପରି ପରିସ୍ଥିତିରେ କିଏ କାହାକୁ ପ୍ରଥମେ ଭାଙ୍ଗୁଛନ୍ତି ଦେଖନ୍ତୁ । ଏଥି ସହ ଗୁଲାମ ନବୀ ଆଜାଦଙ୍କ କଂଗ୍ରେସରୁ ଇସ୍ତଫା ନେଇ ସୁଶୀଲ ମୋଦି କହିଛନ୍ତି ଯେ କଂଗ୍ରେସ ଏକ ବୁଡ଼ି ଯାଉଥିବା ଜାହାଜ । ଲୋକମାନେ ଗୋଟିଏ ପରେ ଗୋଟିଏ ବୁଡ଼ି ଯାଉଥିବା ଜାହାଜ ଛାଡି ଯାଉଛନ୍ତି ଓ ସେହି କଂଗ୍ରେସ ସହ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ମେଣ୍ଟ କରିଛନ୍ତି ।

ସେ ଆଗକୁ କହିଛନ୍ତି ଯେ, ନୀତିଶ କୁମାର ଭାବନ୍ତି ଯେ ଯଦି ସେ ବୁଡ଼ି ଯାଉଥିବା ଜାହାଜରେ ଚଢ଼ିବେ ତେବେ ସେ ପ୍ରଧାନମନ୍ତ୍ରୀ ପଦ ପାଇଁ ପ୍ରାର୍ଥୀ ହୋଇପାରନ୍ତି, କିନ୍ତୁ ତାହା ହେବ ନାହିଁ । ରାଜ୍ୟସଭା ସାଂସଦ କହିଛନ୍ତି ଯେ କଂଗ୍ରେସ ସହିତ ଯିଏ ବି ଯିବେ, ତାଙ୍କ ଡଙ୍ଗା ବୁଡ଼ିବା ନିଶ୍ଚିତ । ଏବେ ନୀତିଶ କୁମାରଙ୍କୁ କେହି ରକ୍ଷା କରିପାରିବେ ନାହିଁ ।

ଏଠାରେ କହି ରଖୁଛୁ ଯେ, ବିଗତ ଦିନରେ ନୀତିଶ କୁମାର ବିହାରରେ ଏନଡିଏ ସହ ସମ୍ପର୍କ ଭାଙ୍ଗିବା ନିଷ୍ପତ୍ତିକୁ ନେଇ ସୁଶୀଲ ମୋଦି ସମାଲୋଚନା କରିଥିଲେ । ସେ କହିଥିଲେ ଯେ, ଏହା ପଛରେ ମୂଳ କାରଣ ହେଉଛି ନୀତିଶ ନିଜକୁ ଦେଶର ଉପରାଷ୍ଟ୍ରପତି କରିବାକୁ ଚାହୁଁଥିଲେ । ଏଥିପାଇଁ ବିଜେପି ପ୍ରସ୍ତୁତ ନଥିଲା । ନୀତିଶ କୁମାରଙ୍କ ନିକଟୀୟ ଜେଡିୟୁ ନେତାମାନେ ତାଙ୍କୁ ଉପରାଷ୍ଟ୍ରପତି କରିବାକୁ ନିକଟରେ ବିଜେପିର ଶୀର୍ଷ ନେତୃତ୍ୱଙ୍କୁ କହିଥିଲେ । ତେବେ ବିଜେପି ଏହାକୁ ବିଚାର କରି ନାହିଁ । ନୀତିଶ ଏନଡିଏ ସହିତ ସମ୍ପର୍କ ଭାଙ୍ଗିବା ଓ ଆରଜେଡି ସହିତ ଯିବାର ଏହା ଏକ ମୁଖ୍ୟ କାରଣ ଥିଲା ।

ଏହା ବି ପଢ଼ନ୍ତୁ:-ରୋହିତ ଶର୍ମାଙ୍କ ଅଧିନାୟକତ୍ୱରେ ସଂପୂର୍ଣ୍ଣ ରୂପେ ଶେଷ ହେଲା ଏହି ଖେଳାଳିଙ୍କ କ୍ୟାରିୟର! ଅବସର ନେବାକୁ ବାଧ୍ୟ

ଏହା ବି ପଢ଼ନ୍ତୁ:-ପାକିସ୍ତାନକୁ ପୁଣି ଥରେ ସଙ୍କଟରୁ ଉଦ୍ଧାର କରିବ ଏହି ଦେଶ, କଲା ବଡ଼ ଘୋଷଣା

ଏହା ବି ପଢ଼ନ୍ତୁ:-ଗୁଲାମ ନବୀ ଆଜାଦଙ୍କ କଂଗ୍ରେସ ଛାଡ଼ିବାକୁ ନେଇ ବିଜେପି ଦେଲା ବଡ଼ ବୟାନ, ଜାଣନ୍ତୁ କ'ଣ କହିଲା ଦଳ

ଭାରତୀୟ ଜନତା ପାର୍ଟି (BJP) ନେତା ସୁଶୀଲ କୁମାର ମୋଦି କହିଥିଲେ ଯେ, ବିହାରର ନୂତନ ସରକାର ୨୦୨୫ରେ ନିଜ କାର୍ଯ୍ୟକାଳ ପୂରଣ କରିବା ପୂର୍ବରୁ ଭାଙ୍ଗି ଯିବ । ମୁଖ୍ୟମନ୍ତ୍ରୀ ନୀତିଶ କୁମାର ଭାରତୀୟ ଜନତା ପାର୍ଟି ସହ ସମ୍ପର୍କ ଭାଙ୍ଗି ରାଷ୍ଟ୍ରୀୟ ଜନତା ଦଳ (RJD) ର ମହାମେଣ୍ଟର ନେତା ଭାବରେ ନିର୍ବାଚିତ ହେବାର ଗୋଟିଏ ଦିନ ପରେ ମୋଦି ଏହା କହିଛନ୍ତି । ମୋଦି ଏହା ମଧ୍ୟ କହିଛନ୍ତି ଯେ, ଜନତା ଦଳ ୟୁନାଇଟେଡ (JDU) ମୁଖ୍ୟ ନୀତିଶ କୁମାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (NDA) କୁ ଭୋଟ୍ ଦେଇଥିବା ବିହାର ଲୋକଙ୍କୁ ଅପମାନିତ କରିଛନ୍ତି ।