ସଞ୍ଜୟ ରାଉତଙ୍କ ଘରୁ 'ଏକନାଥ ସିନ୍ଦେ ଅଯୋଧ୍ୟା' ନାମରେ କ'ଣ ପାଇଁ ରଖାଯାଇଥିଲା ୧୦ ଲକ୍ଷ ଟଙ୍କା? ଜାଣନ୍ତୁ ଏହା ପଛର କାରଣ

ମୁମ୍ୱାଇ: Sanjay Raut Arrest: ଶିବସେନାର ରାଜ୍ୟସଭା ସାଂସଦ ସଞ୍ଜୟ ରାଉତ (Sanjay Raut) ଙ୍କ ଘରେ ରବିବାର ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଟିମ୍ ଚଢାଉ କରିଥିଲା । ଏହି ସମୟରେ ଇଡି ୧୧.୫ ଲକ୍ଷ ଟଙ୍କା ନଗଦ ଟଙ୍କା ପାଇଥିଲା । ଏଜେନ୍ସି କହିଛି ଯେ, ଏହି ପରିମାଣ ଅଜ୍ଞାତ ଆୟରୁ ଆସିଛି । ସେପଟେ ଏହି ମାମଲାରେ ଏକ ବଡ଼ ମୋଡ଼ ଆସିଛି ​​ଯେ ସଞ୍ଜୟ ରାଉତଙ୍କ ଘରେ ମିଳିଥିବା ନଗଦ ଅର୍ଥ ମଧ୍ୟରୁ ୧୦ ଲକ୍ଷ ଟଙ୍କାର ବଣ୍ଡଲରେ 'ଏକନାଥ ସିନ୍ଦେ ଅଯୋଧ୍ୟା' ଲେଖା ହୋଇଥିଲା । ବର୍ତ୍ତମାନ ଏହାକୁ ନେଇ ରାଜନୀତି ତୀବ୍ର ହୋଇଛି । ସଞ୍ଜୟ ରାଉତଙ୍କ ଭାଇ ସୁନୀଲ ରାଉତ କହିଛନ୍ତି ଯେ, ୧୦ ଲକ୍ଷ ଟଙ୍କା ପାର୍ଟି ଫଣ୍ଡର । ଏଥି ପାଇଁ ଏକନାଥ ସିନ୍ଦେ ଅଯୋଧ୍ୟା ମଧ୍ୟ ଉଲ୍ଲେଖ କରାଯାଇଥିଲା । ବର୍ତ୍ତମାନ ଏକନାଥ ସିନ୍ଦେ ଗୋଷ୍ଠୀ ଏହାର ଉତ୍ତର ଦେଇ କହିଛି ଯେ, ଏହା ମଧ୍ୟ ସଞ୍ଜୟ ରାଉତଙ୍କ ଚତୁରତା ହୋଇପାରେ ।

ଏକନାଥ ସିନ୍ଦେ ଗୋଷ୍ଠୀର ମୁଖପାତ୍ର ଦୀପକ କେସରକାର କହିଛନ୍ତି ଯେ, ସଞ୍ଜୟ ରାଉତ ବହୁତ ସ୍ମାର୍ଟ ଓ ଏକନାଥ ସିନ୍ଦେଙ୍କ ନାମରେ ଜାଣିଶୁଣି ୧୦ ଲକ୍ଷ ଟଙ୍କା ରଖିଥାଇ ପାରନ୍ତି । ବୋଧହୁଏ ସଞ୍ଜୟ ରାଉତ ଏକନାଥ ସିନ୍ଦେଙ୍କ ବିରୋଧରେ କିଛି କରିବାକୁ ଚାହୁଁଛନ୍ତି । ଏଥିପାଇଁ ସେ ଅଯୋଧ୍ୟା ଯିବାକୁ ଚାହୁଁଛନ୍ତି । ସଞ୍ଜୟ ରାଉତ ନିଶ୍ଚିତ ଭାବରେ ଏହି ଟଙ୍କା ତାଙ୍କ ପାଇଁ ଗଚ୍ଛିତ ରଖିଥିବେ । ଏହି ଅର୍ଥର ଉତ୍ସ କହିବାକୁ ପଡ଼ିବ ।

ଏହା ବି ପଢ଼ନ୍ତୁ:-'ଶ୍ରୀଲଙ୍କା ପରି ଦିନେ ଭାରତର ପ୍ରଧାନମନ୍ତ୍ରୀ ବାସଭବନରେ ପଶିବେ ଲୋକ'

ଏହା ବି ପଢ଼ନ୍ତୁ:-ବିଦ୍ୟୁତ ଆଘାତରେ ୧୦ କାଉଡ଼ିଆ ମୃତ, ୧୬ ଆହତ

ଏହା ବି ପଢ଼ନ୍ତୁ:-ସଞ୍ଜୟ ରାଉତଙ୍କ ମଧ୍ୟରାତ୍ରି ଗିରଫ ଉପରେ ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ଆସିଲା ପ୍ରଥମ ପ୍ରତିକ୍ରିୟା, ଜାଣନ୍ତୁ କ’ଣ କହିଲେ ଏକନାଥ ସିନ୍ଦେ

ଆପଣଙ୍କୁ କହିରଖୁଛୁ ଯେ, ପାତ୍ରା ଚଲ୍ ଜମି ଦୁର୍ନୀତି ମାମଲାରେ ଶିବସେନା ନେତା ସଞ୍ଜୟ ରାଉତଙ୍କୁ ଗତକାଲି ବିଳମ୍ବିତ ରାତିରେ ଅର୍ଥାତ୍ ଅଗଷ୍ଟ ୩୧ରେ ଗିରଫ କରାଯାଇଥିଲା । ଗିରଫ ହେବାର ପ୍ରାୟ ୧୮ ଘଣ୍ଟା ପୂର୍ବରୁ ତାଙ୍କୁ ପଚରାଉଚରା କରାଯାଇଥିଲା । ସଞ୍ଜୟ ରାଉତଙ୍କୁ ଆଜି ସକାଳ ୧୧.୩୦ରେ ଇଡି କୋର୍ଟରେ ହାଜର କରାଯିବ । ଅନ୍ୟପକ୍ଷରେ, ରାଉତଙ୍କ ଗିରଫଦାରୀରେ ଶିବସେନା କାର୍ଯ୍ୟକର୍ତ୍ତା ଅସନ୍ତୋଷ ଅଛନ୍ତି । ତାଙ୍କୁ ଗିରଫ କରାଯିବା ମାତ୍ରେ ଶିବସେନା କାର୍ଯ୍ୟକର୍ତ୍ତାମାନେ ଇଡି କାର୍ଯ୍ୟାଳୟ ବାହାରେ ଏକାଠି ହୋଇ ନାରା ଲଗାଉଥିଲେ ।

ଅର୍ଥ ହେରଫେର ମାମଲାରେ ଇଡି ଶିବସେନା ସାଂସଦ ସଞ୍ଜୟ ରାଉତଙ୍କୁ ଗିରଫ କରିଛି । ତାଙ୍କୁ ତାଙ୍କ ଘରୁ ବଲାର୍ଡ ଇଷ୍ଟେଟ୍ ଅଞ୍ଚଳରେ ଅବସ୍ଥିତ ଇଡି କାର୍ଯ୍ୟାଳୟକୁ ଅଣାଯାଇଛି । ସଞ୍ଜୟ ରାଉତଙ୍କ ଘରୁ ଇଡିକୁ ୧୧.୫ ଲକ୍ଷ ଟଙ୍କା ମିଳିଛି ।

ସୂଚନାଯୋଗ୍ୟ, ୨୦୦୭ ମସିହାରେ ଗୁରୁ ଆଶିଷ ନିର୍ମାଣ କମ୍ପାନୀ (ଯାହାକି HDIL ର ସିଷ୍ଟର କମ୍ପାନୀ) କୁ ପାତ୍ରା ଚଲ୍ ବିକାଶ କରିବାର କାର୍ଯ୍ୟ ମହାରାଷ୍ଟ୍ର ଗୃହ ଏବଂ କ୍ଷେତ୍ର ବିକାଶ ପ୍ରାଧିକରଣ ତରଫରୁ ଦିଆଯାଇଥିଲା । ଗୁରୁ ଆଶିଷ ନିର୍ମାଣ କମ୍ପାନୀକୁ ସେଠାରେ ବାସ କରୁଥିବା ଲୋକଙ୍କୁ ୬୭୨ ଫ୍ଲାଟ ଓ MHADA କୁ ପ୍ରାୟ ୩୦୦୦ ଫ୍ଲାଟ ନିର୍ମାଣ କରି ଦେବାର ଥିଲା । ଏହି ଜମି ୪୭ ଏକର ଥିଲା, ଯେଉଁଠାରେ ସେଠାରେ ରହୁଥିବା ଲୋକମାନେ ଓ MHADA କୁ ଘର ଦେବା ପରେ ବାକି ଜମି ଉପରେ ଘର ନିର୍ମାଣ କରି ନିଜେ ବିକ୍ରି କରିପାରିବେ କିନ୍ତୁ ଗୁରୁ ଆଶିଷ ନିର୍ମାଣ ସେଠାରେ କୌଣସି ବିକାଶ କରି ନାହିଁ ବୋଲି ଅଭିଯୋଗ ହୋଇଛି । ନା ମହଦାକୁ ଫ୍ଲାଟ ଦେଇଛି ବରଂ ସେ ସମଗ୍ର ଜମି ଓ FSI 8 ବିଲଡରକୁ ୧୦୩୪ କୋଟିରେ ବିକ୍ରି କରିଦେଇଥିଲା ।