ଚୀନକୁ ନେଇ ମୋଦି ସରକାରଙ୍କୁ ଘେରିଲେ ବିଜେପି ସାଂସଦ

ନୂଆଦିଲ୍ଲୀ: ଭାରତ-ଚୀନ ସୀମା (India-China border) ରେ ଉତ୍ତେଜନାକୁ ହ୍ରାସ କରିବା ଦିଗରେ ଏହି ସପ୍ତାହରେ ପ୍ରମୁଖ ବିକାଶ ଘଟିଛି । ଭାରତ-ଚୀନ୍ ପେଙ୍ଗୋଙ୍ଗ ହ୍ରଦର ଉତ୍ତର ଓ ଦକ୍ଷିଣ କୂଳରୁ ସୈନ୍ୟ ପ୍ରତ୍ୟାହାର କରିବା ଆରମ୍ଭ କରିଛନ୍ତି । ଏହି ଅଞ୍ଚଳରେ ଚୀନ୍‌ର ଅତିକ୍ରମଣ ପରେ ଦୁଇ ଦେଶର ସୈନ୍ୟବାହିନୀ ମୁହାଁମୁହିଁ ହୋଇଥିଲେ । ବର୍ତ୍ତମାନ ଉଭୟ ଦେଶ ନିଜର ସୈନ୍ୟ ପ୍ରତ୍ୟାହାର କରିବାକୁ ରାଜି ହୋଇଛନ୍ତି । ତେବେ ସୀମାରେ ଏହି ଘଟଣା ପରେ ବିଜେପି ସାଂସଦ ସୁବ୍ରମଣ୍ୟମ ସ୍ୱାମୀ (subramanian swamy ) ପ୍ରଧାନମନ୍ତ୍ରୀ ମୋଦି (PM Modi) ଙ୍କୁ ପ୍ରଶ୍ନ କରିଛନ୍ତି ।

ଅଧିକ ପଢ଼ନ୍ତୁ:-LPG ଗ୍ରାହକଙ୍କ ପାଇଁ ଜରୁରୀ ସୂଚନା, ସବସିଡିକୁ ନେଇ ହେବ ବଡ଼ ପରିବର୍ତ୍ତନ!

PM said in 2020 “Koi aaya nahin and koi gaya nahin” Chinese were overjoyed. But it was not true. Later Naravane ordered troops to cross LAC and occupy Pangong hill overlooking PLA base. Now we are to withdraw from there. But Depsang Chinese withdrawal? Not yet. China thrilled

— Subramanian Swamy (@Swamy39) February 13, 2021

ବିଜେପି ନେତା (BJP Leader) ତଥା ରାଜ୍ୟସଭା ସାଂସଦ ସୁବ୍ରମଣ୍ୟମ ସ୍ୱାମୀ (subramanian swamy) ଚୀନକୁ ନେଇ ମୋଦି ସରକାର (Modi government) ଙ୍କୁ ଘେରିଛନ୍ତି । ସ୍ୱାମୀ ଟ୍ୱିଟ୍ କରି କହିଛନ୍ତି ଯେ, ''୨୦୨୦ରେ ପ୍ରଧାନମନ୍ତ୍ରୀ କହିଥିଲେ ଯେ 'କେହି ଆସି ନାହାଁନ୍ତି, କେହି ଯାଇ ନାହାଁନ୍ତି ।' ଚୀନ ଏହାକୁ ବହୁତ ପସନ୍ଦ କରିଥିଲା । କିନ୍ତୁ ଏହା ସତ ନଥିଲା । ପରେ ଜେନେରାଲ ନରୱାନେ ସୈନିକମାନଙ୍କୁ ଆଦେଶ ଦେଇଥିଲେ ଯେ ସେମାନେ LAC ପାର ହୋଇ ପେଙ୍ଗୋଙ୍ଗ ହ୍ରଦକୁ ନିୟନ୍ତ୍ରଣକୁ ନେଉ ଯାହା ଦ୍ୱାରା ଚାଇନାର ପୋଷ୍ଟଗୁଡିକ ଉପରେ ନଜର ରଖାଯାଇପାରିବ । ବର୍ତ୍ତମାନ ଆମେ ସେଠାରୁ ପଛକୁ ହଟୁଛୁ, କିନ୍ତୁ ଡେପସଙ୍ଗରୁ ଚୀନ୍‌ର ପଛକୁ ହଟିବା କ’ଣ ହେଲା? ଏପର୍ଯ୍ୟନ୍ତ ହୋଇନାହିଁ । ଚୀନ୍ ବହୁତ ଖୁସି ଅଛି ।''