MP Municipal Election Results 2022: କଂଗ୍ରେସର ମେୟର ପ୍ରାର୍ଥୀ ଶୋଭା ସିକରୱାର ୨୮,୮୦୫ ଭୋଟରେ ବିଜେପିର ସୁମନ ଶର୍ମାଙ୍କୁ ପରାସ୍ତ କରିଛନ୍ତି । କଂଗ୍ରେସ ପ୍ରାର୍ଥୀ ୨,୩୫,୧୫୪ ଭୋଟ୍ ପାଇଥିବାବେଳେ ବିଜେପି ପ୍ରାର୍ଥୀ ୨,୦୬,୩୪୯ ଭୋଟ୍ ପାଇଛନ୍ତି । ଆମ୍ ଆଦମୀ ପାର୍ଟି (AAP) ୪୫,୭୬୨ ଭୋଟ୍ ପାଇଛି ।
Trending Photos
12
12
5
12 "ସିନ୍ଧିଆଙ୍କ ଗଢ଼ରେ ବିଜେପିକୁ ଝଟକା! ୫୭ ବର୍ଷ ପରେ ଗ୍ୱାଲିଅରରେ ଜିତିଲା କଂଗ୍ରେସ")
ନୂଆଦିଲ୍ଲୀ: MP Municipal Election Results 2022: ମଧ୍ୟପ୍ରଦେଶ ପୌର ନିର୍ବାଚନରେ ଭାରତୀୟ ଜନତା ପାର୍ଟି (BJP) ପୁଣିଥରେ ଅଧିକାଂଶ ଆସନ ଜିତିଛି । ରାଜଧାନୀ ଭୋପାଳ, ଉଜ୍ଜୈନ, ଇନ୍ଦୌର ସମେତ ୭ଟି ପୌର ସଂସ୍ଥାରେ ବିଜେପି ମେୟର ପଦବୀ ଦଖଲ କରିଛି । କିନ୍ତୁ ଦଳକୁ ଗ୍ୱାଲିଅରରେ ସବୁଠାରୁ ବଡ଼ ଝଟକା ଲାଗିଛି । ଏଠାରେ ୫୭ ବର୍ଷ ପରେ କଂଗ୍ରେସ ଜିତିଛି । ଏଠାରେ କଂଗ୍ରେସ ପ୍ରାର୍ଥୀ ଶୋଭା ସିକରୱାର ବିଜେପିର ସୁମନ ଶର୍ମାଙ୍କ ଉପରେ ବୃହତ ବିଜୟ ହାସଲ କରିଛନ୍ତି । ସିଏମ ଶିବରାଜ ସିଂ ଚୌହାନ ନିଜେ ଓ କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ (Jyotiraditya Scindia) ଏଠାରେ ପ୍ରଚାର କରିଥିଲେ ମଧ୍ୟ ଦଳ ବିଜୟ ହାସଲ କରିବାରେ ସଫଳ ହୋଇନଥିଲା ।
କଂଗ୍ରେସର ମେୟର ପ୍ରାର୍ଥୀ ଶୋଭା ସିକରୱାର ୨୮,୮୦୫ ଭୋଟରେ ବିଜେପିର ସୁମନ ଶର୍ମାଙ୍କୁ ପରାସ୍ତ କରିଛନ୍ତି । କଂଗ୍ରେସ ପ୍ରାର୍ଥୀ ୨,୩୫,୧୫୪ ଭୋଟ୍ ପାଇଥିବାବେଳେ ବିଜେପି ପ୍ରାର୍ଥୀ ୨,୦୬,୩୪୯ ଭୋଟ୍ ପାଇଛନ୍ତି । ଆମ୍ ଆଦମୀ ପାର୍ଟି (AAP) ୪୫,୭୬୨ ଭୋଟ୍ ପାଇଛି ।
ଗ୍ୱାଲିଅରରେ ବିଜେପିର ପରାଜୟ ଓ କଂଗ୍ରେସର ବିଜୟ ପଛରେ ସବୁଠାରୁ ଅଧିକ ଚର୍ଚ୍ଚା ସତୀଶ ସିକରୱାରଙ୍କ ହେଉଛି । ଯାହାଙ୍କ ପତ୍ନୀ ଶୋଭା ସିକରୱାର ଜିତିଛନ୍ତି । ବିଜେପିରେ ସିନ୍ଧିଆଙ୍କ ଏଣ୍ଟ୍ରି ପରେ ଗେରୁଆ ଦଳ ଛାଡ଼ି କଂଗ୍ରେସରେ ଯୋଗ ଦେଇଥିବା ସିକରୱାର ବିଧାନସଭା ଉପ-ନିର୍ବାଚନରେ ମଧ୍ୟ ନିଜର ଶକ୍ତିର ଅନୁଭବ କରାଇଥିଲେ । ସେତେବେଳେ ତାଙ୍କୁ ସିନ୍ଧିଆଙ୍କ ଜଣେ ଅତି ଘନିଷ୍ଠ ବ୍ୟକ୍ତି ପରାସ୍ତ କରିଥିଲେ । ଜିଲ୍ଲାର ସବୁଠାରୁ ବଡ଼ ତଥା ଚର୍ଚ୍ଚିତ ଆସନ ମଧ୍ୟରୁ ଗ୍ୱାଲିଅ ପୂର୍ବରୁ ସତୀଶ ସିକରୱାର ବିଧାୟକ ଅଛନ୍ତି ।
କଂଗ୍ରେସ ସହ ବିଦ୍ରୋହ ପରେ ଜ୍ୟୋତିରାଦିତ୍ୟ ସିନ୍ଧିଆ ଯେତେବେଳେ ବିଜେପି ଶିବିରକୁ ଆସିଥିଲେ, ସେତେବେଳେ କଂଗ୍ରେସ ବିଧାୟକ ମୁନ୍ନା ଲାଲ ଗୋୟଲ ମଧ୍ୟ ତାଙ୍କ ସହ ଦଳ ପରିବର୍ତ୍ତନ କରିଥିଲେ । ଉପ-ନିର୍ବାଚନରେ ବିଜେପି ସିନ୍ଧିଆଙ୍କ ଘନିଷ୍ଠ ସହଯୋଗୀ ମୁନ୍ନାଙ୍କୁ ମୈଦାନକୁ ଓହ୍ଲାଇଥିଲା । ଏଥିରେ ଅସନ୍ତୁଷ୍ଟ ହୋଇ ପୁରୁଣା ବିଜେପି ନେତା ସତୀଶ ସିକରୱାର କଂଗ୍ରେସରେ ଯୋଗ ଦେଇଥିଲେ । ଉପ-ନିର୍ବାଚନରେ ସିକରୱାର ମୁନ୍ନାଙ୍କୁ ୮,୫୫୫ ଭୋଟରେ ପରାସ୍ତ କରିଥିଲେ । ତେବେ ଏହାପୂର୍ବରୁ ୨୦୦୮ ବିଧାନସଭା ନିର୍ବାଚନରେ ମୁନ୍ନା ସିକରୱାରଙ୍କ ଉପରେ ଭାରି ପଡ଼ିଥିଲା ।
ଏହା ବି ପଢ଼ନ୍ତୁ:-ଜଗଦୀପ ଧନଖରଙ୍କୁ ନେଇ ଗୋଟିଏ ତୀରରେ ଦୁଇଟି ଶିକାର କଲା ବିଜେପି! ଜାଣନ୍ତୁ କେମିତି
ଏହା ବି ପଢ଼ନ୍ତୁ:-କଂଗ୍ରେସ, ଏନସିପିର ସାଥ୍ ଛାଡିବାକୁ ଚାହୁଁନାହାଁନ୍ତି ଉଦ୍ଧବ ଠାକରେ! ନେଲେ ଏହି ବଡ଼ ପଦକ୍ଷେପ
ଏହା ବି ପଢ଼ନ୍ତୁ:-ମାଗଣା ରାସନ ନେଉଥିବା ଲୋକଙ୍କୁ ଲାଗିଲା ଲଟେରୀ! ସରକାରଙ୍କ ନିଷ୍ପତ୍ତି ଯୋଗୁଁ ମିଳିଲା ବଡ଼ ଆଶ୍ୱସ୍ତି
ସତୀଶ ସିକରୱାର ବିଜେପିର କାଉନସିଲର ରହିସାରିଛନ୍ତି ଓ ଜଣେ ତୃଣମୂଳ ସ୍ତରର ନେତାର ଭାବମୂର୍ତ୍ତି ରହିଛି । ସେ ବିଜେପି କ୍ୟାଡର ଉପରେ ଦୃଢ଼ ସ୍ଥିତି ବଜାୟ ରଖିଥିଲେ । ଯେତେବେଳେ ସେ କଂଗ୍ରେସରେ ଯୋଗ ଦେଇଥିଲେ, ସେତେବେଳେ ବହୁ ସଂଖ୍ୟକ କାର୍ଯ୍ୟକର୍ତ୍ତା ତାଙ୍କ ସହ ଯୋଗ ଦେଇଥିଲେ । ସତୀଶ ସିକରୱାରଙ୍କ ଭଲ ଭାବମୂର୍ତ୍ତିରୁ କଂଗ୍ରେସକୁ ବି ବହୁତ ଲାଭ ମିଳିଛି । ଏଥିସହିତ ବିଜେପିର ପୁରୁଣା ନେତା ତଥା କର୍ମୀମାନେ ତାଙ୍କ ପ୍ରତି ସହାନୁଭୂତି ଦେଖାଉଛନ୍ତି । ଅନେକ ବିଜେପି ସମର୍ଥକ ବିଶ୍ୱାସ କରନ୍ତି ଯେ ଗତ ବିଧାନସଭା ନିର୍ବାଚନରେ ସେମାନଙ୍କୁ ଟିକେଟ୍ ନ ଦେଇ ଦଳ ତାଙ୍କ ପ୍ରତି ଅନ୍ୟାୟ କରିଛି ।
