ମହାରାଷ୍ଟ୍ରରେ ବିଜେପି ଗଢ଼ିବ ସରକାର! ଗୁଜୁରାଟରେ ଶିବସେନାର ୧୩ ନୁହେଁ ଅଛନ୍ତି ୨୬ ବିଧାୟକ

ନୂଆଦିଲ୍ଲୀ: Maharashtra Political Crisis: ମହାରାଷ୍ଟ୍ରରେ ପୁଣି ଥରେ ରାଜନେତିକ ସଙ୍କଟ ଦେଖାଦେଇଛି । ଉଦ୍ଧବ ଠାକରେ ସରକାରଙ୍କ ଗାଦି ଟଳମଳ ହେବାରେ ଲାଗିଛି । ବିଧାନ ପରିଷଦ ନିର୍ବାଚନରେ ​​ଭାରତୀୟ ଜନତା ପାର୍ଟି (BJP) ର ୫ଟି ଆସନରେ ପୁନର୍ବାର ବିଜୟ ସହ ରାଜ୍ୟ ରାଜନୀତିରେ ଅସ୍ଥିରତା ଦେଖାଦେଇଛି । ରାଜ୍ୟର ଉଦ୍ଧବ ଠାକରେ ସରକାର (Uddhav Thackeray Government) ଙ୍କ ଉପରେ ସଙ୍କଟ ବଢ଼ିବାରେ ଲାଗିଛି । ସୂତ୍ରରୁ ପ୍ରକାଶ ଯେ ବିଜେପି ଏକନାଥ ସିନ୍ଦେ (Eknath Shinde) ଙ୍କୁ ଉପମୁଖ୍ୟମନ୍ତ୍ରୀ ପଦ ପାଇଁ ଅଫର୍ ଦେଇଛି । ସୂତ୍ରରୁ ଏହା ମଧ୍ୟ କୁହାଯାଇଛି ଯେ ସିନ୍ଦେ ପ୍ରାୟ ଦୁଇ ଡଜନ ବିଧାୟକଙ୍କ ସହ ଗୁଜୁରାଟରେ ଅଛନ୍ତି । ତାଙ୍କର ପାଖାପାଖି ୨୫ ଜଣ ବିଧାୟକଙ୍କ ସମର୍ଥନ ରହିଛି । ମହାରାଷ୍ଟ୍ର ବିଜେପି ସଭାପତି ଚନ୍ଦ୍ରକାନ୍ତ ପାଟିଲ ଅପରାହ୍ନ ୨ଟାରେ ଏହି ପୂରା ଏପିସୋଡ ଉପରେ ଏକ ସାମ୍ବାଦିକ ସମ୍ମିଳନୀ କରିବାକୁ ଯାଉଛନ୍ତି । 

ସୁରଟର ଏକ ରିସୋର୍ଟରେ ଏକନାଥ ସିନ୍ଦେଙ୍କ ସମେତ ୨୬ ଜଣ ବିଧାୟକ ଅଛନ୍ତି ଓ ସେମାନଙ୍କ ନାମ ସାମ୍ନାକୁ ଆସିଛି । ସେମାନେ ହେଲେ, ୧. ତାନଜୀ ସାୱନ୍ତ ୨. ବାଲାଜୀ କଲ୍ୟାଣକର ୩. ପ୍ରକାଶ ଆନନ୍ଦ୍ରୋ ଅବିତକର ୪. ଏକନାଶ ସିନ୍ଦେ ୫. ଅବଦୁଲ ସତ୍ତାର ୬. ସଞ୍ଜୟ ପାଣ୍ଡୁରାଙ୍ଗ ୭. ଶ୍ରୀନିବାସ ଭଙ୍ଗା ୮. ମହେଶ ସିନ୍ଦେ ୯. ସଞ୍ଜୟ ରାଇମୁଲକର ୧୦. ବିଶ୍ୱନାଥ ଭୋରେ ୧୧. ସନ୍ଦୀପ ରାଓ ଭୁମରେ ୧୨. ଶାନ୍ତିରାମ ମୋରେ ୧୩. ରମେଶ ବୋରେନ ୧୪. ଅନୀଲ ବାବର ୧୫. ଚିନ୍ମରାମ ପାଟିଲ ୧୬. ଶମ୍ଭୁରଜ ଦେଶାଇ ୧୭. ମହେନ୍ଦ୍ର ଦଲଭି ୧୮. ଶାହଜୀ ପାଟିଲ ୧୯. ପ୍ରଦିପ ଜୟସୱାଲ ୨୦. ମହେନ୍ଦ୍ର ଥୋର୍ଭେ ୨୧. କିଶୋର ପାଟିଲ ୨୨. ଜୟନରାଜ ଚୋଗୁଲେ ୨୩. ବାଲାଜୀ କିନ୍ନିକର ୨୪. ଭାରତଶେତ ଗୋଗାଭଲେ ୨୫. ସଞ୍ଜୟ ଗାଇକୱାଡ ୨୬. ସୁହାସ କାଣ୍ଡେ ।

ଏହା ବି ପଢ଼ନ୍ତୁ:-ରାଷ୍ଟ୍ରପତି ନିର୍ବାଚନ 2022: ଏହି ନେତା ହେବେ ବିରୋଧୀ ମେଣ୍ଟର ରାଷ୍ଟ୍ରପତି ପ୍ରାର୍ଥୀ!

ଏହା ବି ପଢ଼ନ୍ତୁ:-କାଶ୍ମୀରକୁ ପାକିସ୍ତାନକୁ ଦିଆଯାଉ? ପରୀକ୍ଷାରେ ପଚରାଯାଇଥିବା ପ୍ରଶ୍ନକୁ ନେଇ ଦେଖାଦେଲା ବିବାଦ

ଏହା ବି ପଢ଼ନ୍ତୁ:-ଅଗ୍ନିବୀରଙ୍କୁ ନେଇ ଏହି ରାଜ୍ୟ ସରକାର କଲେ ବଡ଼ ଘୋଷଣା, ମିଳିବ ଚାକିରିର ଗ୍ୟାରେଣ୍ଟି

ସୂଚନାଯୋଗ୍ୟ, ୨୮୮ ବିଧାୟକ ବିଶିଷ୍ଟ ମହାରାଷ୍ଟ୍ର ବିଧାନସଭାରେ ଶିବସେନା ବିଧାୟକ ରମେଶ ଲଟକେଙ୍କ ମୃତ୍ୟୁ ପରେ ଗୋଟିଏ ଆସନ ଖାଲି ଅଛି । ଏହି ସମୟରେ ଏନସିପିର ୨ ବିଧାୟକ ଅନିଲ ଦେଶମୁଖ ଓ ନବାବ ମଲିକ ବର୍ତ୍ତମାନ ଜେଲରେ ଅଛନ୍ତି । କୋର୍ଟ ସେମାନଙ୍କୁ ରାଜ୍ୟସଭା ଓ ଏମଏଲସି ନିର୍ବାଚନରେ ​​ଭୋଟ୍ ଦେବାକୁ ଅନୁମତି ଦେବାକୁ ମନା କରିଦେଇଥିଲେ । ରାଜ୍ୟରେ ସରକାର ଗଠନ ପାଇଁ ୧୪୪ ବିଧାୟକଙ୍କ ସମର୍ଥନ ଆବଶ୍ୟକତା ରହିଛି । ବର୍ତ୍ତମାନ ମହା ବିକାଶ ଅଘାଡ଼ି ସରକାର ପାଖରେ ୧୬୯ ବିଧାୟକଙ୍କ ସମର୍ଥନ ରହିଛି । ସରକାର ପାଖରେ ଶିବସେନାର ୫୬ ଜଣ ବିଧାୟକ ଅଛନ୍ତି । ଏଥି ସହିତ ଏନସିପିର ୫୩, କଂଗ୍ରେସର ୪୪ ଜଣ ବିଧାୟକ ରହିଛି ।  ଏହା ବ୍ୟତୀତ ବହୁଜନ ବିକାଶ ଆଘାଡି (BVA) ର ୩ ଜଣ ବିଧାୟକ, ସମାଜବାଦୀ ପାର୍ଟିର ୨,ପିଜିପିର ୨ ଜଣ ଏବଂ ୯ ସ୍ୱାଧୀନ ବିଧାୟକଙ୍କ ସମର୍ଥନ ରହିଛି । 

ଅନ୍ୟପଟେ ବିରୋଧୀଙ୍କ ପାଖରେ ୧୧୩ ଜଣ ବିଧାୟକ ଅଛନ୍ତି । ଏଥିରେ ୧୦୬ ବିଧାୟକଙ୍କ ସହ ବିଜେପି ହେଉଛି ଏକକ ବୃହତ ଦଳ । ଆରଏସପିର ଜଣେ, ଜେଏସଏସର ଜଣେ ଏବଂ ୫ ଜଣ ସ୍ୱାଧୀନ ବିଧାୟକ ଅଛନ୍ତି । ଏହା ବ୍ୟତୀତ ଅନ୍ୟ ଦଳ ପାଖରେ ୫ ଜଣ ବିଧାୟକ ଅଛନ୍ତି । ଏଥିରେ AIMIM ରୁ ୨ ବିଧାୟକ, CPI ରୁ ଜଣେ ଏବଂ MNS ରୁ ଜଣେ ବିଧାୟକ ଅଛନ୍ତି । ଏକନାଥ ସିନ୍ଦେଙ୍କ ସହ ବିଦ୍ରୋହ କରିଥିବା ୨୬ ଜଣ ବିଧାୟକ, ଯେଉଁମାନେ ଉଦ୍ଧବ ସରକାରଙ୍କ ସହ ଥିଲେ । ଏପରି ପରିସ୍ଥିତିରେ ଯଦି ଉଦ୍ଧବ ସରକାରଙ୍କ ଠାରୁ ଏହି ୨୬ ଜଣ ବିଧାୟକଙ୍କ ସମର୍ଥନ ହଟିଯାଏ, ତେବେ ୧୪୩ ଜଣ ବିଧାୟକ ରହିଯିବେ ।

ଯଦି ସ୍ୱାଧୀନ ଓ ଅନ୍ୟ ଛୋଟ ଦଳରୁ ୨ରୁ ୩ ବିଧାୟକ ଠାକରେ ସରକାରଙ୍କ ସାଥ୍ ଛାଡିଦିଅନ୍ତି, ତେବେ ବିଧାନସଭାରେ ସଂଖ୍ୟାଗରିଷ୍ଠତା ପ୍ରମାଣ କରିବା ସରକାରଙ୍କ ପାଇଁ କଷ୍ଟକର ହେବ । ସରକାରଙ୍କ ପାଇଁ ମଧ୍ୟ ଏକ ସମସ୍ୟା ରହିଛି ଯେ ଦୁଇଜଣ ଏନସିପି ବିଧାୟକ ଜେଲରେ ଅଛନ୍ତି, ଯେଉଁଥିପାଇଁ ସେମାନେ ରାଜ୍ୟସଭା ଓ ବିଧାନ ପରିଷଦ ନିର୍ବାଚନରେ ​​ମଧ୍ୟ ଭୋଟ୍ ଦେଇପାରି ନଥିଲେ । ଏବେ ଦେଖିବାକୁ ବାକି ରହିଲା ଏହି ସଂଖ୍ୟା କେଉଁ ପଟକୁ ଯାଉଛି ।