ଉଦ୍ଧବ ଠାକରେଙ୍କ ଗାଦିକୁ ଟଳମଳ କରାଇଥିବା ଏକନାଥ ସିନ୍ଦେ କିଏ? ଜାଣନ୍ତୁ ତାଙ୍କ ବିଷୟରେ ସବୁକିଛି...

Maharashtra Political Crisis Eknath Shinde: ଏକନାଥ ସିନ୍ଦେ ମହାରାଷ୍ଟ୍ରର ସତ୍ତାରା ଜିଲ୍ଲାର ପହରୀ ଜାୱାଲି ତାଲୁକାରୁ ଆସନ୍ତି । ଥାନେ ସହରକୁ ଯିବା ପରେ ସେ ମାଙ୍ଗାଲା ହାଇସ୍କୁଲରୁ ଏକାଦଶ ପର୍ଯ୍ୟନ୍ତ ଓ ଜୁନିଅର କଲେଜ, ଥାନେରୁ ଅଧ୍ୟୟନ କରିଥିଲେ । ଥାନେରେ ସିନ୍ଦେଙ୍କର ପ୍ରଭାବ ଏପରି ରହିଛି ଯେ ଲୋକସଭା ନିର୍ବାଚନ ହେଉ କିମ୍ବା ପୌର ନିର୍ବାଚନ, ତାଙ୍କ ପ୍ରାର୍ଥୀ ସର୍ବଦା ନିର୍ବାଚନରେ ​​ଜିତିଛନ୍ତି ।

ନୂଆଦିଲ୍ଲୀ: Maharashtra Political Crisis Eknath Shinde: ଏକନାଥ ସିନ୍ଦେ (Eknath Shinde) ଙ୍କ ନାମ ଆଜି ଅର୍ଥାତ ଜୁନ ୨୧ ଯୋଗ ଦିବସରେ ସାରା ଦିନ ଚର୍ଚ୍ଚାର କେନ୍ଦ୍ରବିନ୍ଦୁରେ ରହିଛି । ଏ ହେଉଛି ସେହି ନାମ ଯେଉଁଥିପାଇଁ ମହାରାଷ୍ଟ୍ରର ମହା ବିକାଶ ଅଘାଡ଼ୀ ସରକାର ଉପରେ ସଙ୍କଟର କଳା ବାଦଳ ଦେଖାଦେଇଛି । କୁହାଯାଉଛି ଯେ ତାଙ୍କ ସହ ୧୦ରୁ ୨୦ ଜଣ ଶିବ ସେନା ବିଧାୟକ (Shiv Sena MLAs) ଅଛନ୍ତି ଓ ସେମାନେ ଗୁଜୁରାଟର ସୁରଟରେ ଡେରା ପକାଇଛନ୍ତି । ସିଏମ ଉଦ୍ଧବ ଠାକରେ (Uddhav Thackeray) ଶୀଘ୍ର ବିଧାୟକଙ୍କ ଜରୁରୀ ବୈଠକ ଡାକିବା ବେଳେ ସହଯୋଗୀ ଏନସିପି ମୁଖ୍ୟ ଶରଦ ପାୱାର (NCP Chief Sharad Pawar) ମଧ୍ୟ ସମସ୍ତ ବିଧାୟକଙ୍କୁ ଡାକିଛନ୍ତି । ଅନ୍ୟପକ୍ଷରେ, ତୃତୀୟ ବୃହତ୍ତମ ସହଯୋଗୀ କଂଗ୍ରେସ (Congress) ନିଜର ବିଧାୟକମାନଙ୍କୁ ଦିଲ୍ଲୀ ଡକାଇଛି । ଆସନ୍ତୁ ଜାଣିବା ମହାରାଷ୍ଟ୍ର ସରକାରଙ୍କୁ ଅସୁବିଧାରେ ପକାଇଥିବା ଏକନାଥ ସିନ୍ଦେ କିଏ?

ଏକନାଥ ସିନ୍ଦେଙ୍କ ବିଷୟରେ କୁହାଯାଇଥାଏ ଯେ ସେ ଠାକରେ ପରିବାର ବାହାରେ ସବୁଠାରୁ ମଜଭୁତ ଶିବ ସୈନିକ । କୁହାଯାଏ ଯେ ଯଦି ୨୦୧୯ରେ ଉଦ୍ଧବ ଠାକରେ ମୁଖ୍ୟମନ୍ତ୍ରୀ ହେବାକୁ ରାଜି ହୋଇନଥାନ୍ତେ, ତେବେ ଏକନାଥ ସିନ୍ଦେ ଆଜି ସେହି ଗାଦିରେ ବସିଥାନ୍ତେ । ପ୍ରାୟ ୫୯ ବର୍ଷ ବୟସ୍କା ସିନ୍ଦେ ମହାରାଷ୍ଟ୍ର ସରକାରରେ ସହରାଞ୍ଚଳ ବିକାଶ ମନ୍ତ୍ରୀ ଭାବେ ଦାୟିତ୍ୱ ନିର୍ବାହ କରୁଛନ୍ତି । ୧୯୮୦ ମସିହାରେ ସେ ଶାଖା ମୁଖ୍ୟ ଭାବରେ ଶିବସେନାରେ ଯୋଗ ଦେଇଥିଲେ । ଥାନେର କୋପ୍ରି-ପଞ୍ଚପାଖଡି ଆସନରୁ ସିନ୍ଦେ ୪ ଥର ବିଧାୟକ ଭାବରେ ନିର୍ବାଚିତ ହୋଇଛନ୍ତି । ଏପରିକି ସେ ଦଳ ପାଇଁ ଜେଲ ଯାଇଛନ୍ତି । ତାଙ୍କର ପ୍ରତିଛବି ଏକ କଠୋର ଓ ବିଶ୍ୱସ୍ତ ଶିବ ସୈନିକଙ୍କ ଭଳି ରହିଛି ।

ଏହା ବି ପଢ଼ନ୍ତୁ:-ସଙ୍କଟରେ ଉଦ୍ଧବ ସରକାର! ଶିବସେନା ସାଂସଦ ସଞ୍ଚୟ ରାଉତ ଦେଲେ ବଡ଼ ବୟାନ

ଏହା ବି ପଢ଼ନ୍ତୁ:-ଏକନାଥ ସିନ୍ଦେ ଓ ବିଜେପି ପାଇଁ ଯାଦୁକର ପାଲଟିବ ୩୭ ନମ୍ୱର, ଉଦ୍ଧବ ସରକାରଙ୍କ ପାଖରେ କ'ଣ ରହିଛି ବିକଳ୍ପ; ଜାଣନ୍ତୁ ପୁରା ଗଣିତ

ଏହା ବି ପଢ଼ନ୍ତୁ:-ନୂତନ ରାଷ୍ଟ୍ରପତିଙ୍କ ପାଇଁ ବିଜେପିରେ ୧୦ରୁ ଅଧିକ ନାମ ଉପରେ ଚାଲିଛି ମନ୍ଥନ, ଏହି ୫ ନାଁକୁ ନେଇ ସବୁଠାରୁ ଅଧିକ ଚର୍ଚ୍ଚା

ଏକନାଥ ସିନ୍ଦେ ମହାରାଷ୍ଟ୍ରର ସତ୍ତାରା ଜିଲ୍ଲାର ପହରୀ ଜାୱାଲି ତାଲୁକାରୁ ଆସନ୍ତି । ଥାନେ ସହରକୁ ଯିବା ପରେ ସେ ମାଙ୍ଗାଲା ହାଇସ୍କୁଲରୁ ଏକାଦଶ ପର୍ଯ୍ୟନ୍ତ ଓ ଜୁନିଅର କଲେଜ, ଥାନେରୁ ଅଧ୍ୟୟନ କରିଥିଲେ । ଥାନେରେ ସିନ୍ଦେଙ୍କର ପ୍ରଭାବ ଏପରି ରହିଛି ଯେ ଲୋକସଭା ନିର୍ବାଚନ ହେଉ କିମ୍ବା ପୌର ନିର୍ବାଚନ, ତାଙ୍କ ପ୍ରାର୍ଥୀ ସର୍ବଦା ନିର୍ବାଚନରେ ​​ଜିତିଛନ୍ତି । ଏକନାଥଙ୍କ ପୁଅ ଶ୍ରୀକାନ୍ତ ସିନ୍ଦେ ମଧ୍ୟ ଶିବସେନା ଟିକେଟରେ କଲ୍ୟାଣ ଆସନରୁ ସାଂସଦ ଅଟନ୍ତି । ସେ ଅକ୍ଟୋବର ୨୦୧୪ରୁ ଡିସେମ୍ବର ୨୦୧୪ ପର୍ଯ୍ୟନ୍ତ ମହାରାଷ୍ଟ୍ର ବିଧାନସଭାରେ ବିରୋଧୀ ଦଳର ନେତା ଥିଲେ । ୨୦୧୪ରେ ମହାରାଷ୍ଟ୍ର ରାଜ୍ୟ ସରକାରରେ PWD ର କ୍ୟାବିନେଟ ମନ୍ତ୍ରୀ ଭାବରେ ନିଯୁକ୍ତ ହୋଇଥିଲେ । ୨୦୧୯ରେ କ୍ୟାବିନେଟ ମନ୍ତ୍ରୀ ଜନସ୍ୱାସ୍ଥ୍ୟ ଓ ପରିବାର କଲ୍ୟାଣ (ମହାରାଷ୍ଟ୍ର ସରକାର) ପଦ ପାଇଛନ୍ତି ।

୨୦୧୯ରେ ଯେତେବେଳେ ଶିବସେନା ବିଜେପି ସହ ମେଣ୍ଟ ଭାଙ୍ଗିଲା ସେତେବେଳେ ନିଷ୍ପତ୍ତି ନିଆଗଲା ଯେ ସେ ଏନସିପି ଓ କଂଗ୍ରେସ ସହିତ ମିଶି ସରକାର ଗଠନ କରିବ । ସର୍ତ୍ତ ଥିଲା ସିଏମ୍ ଶିବସେନାର ହେବ । କିନ୍ତୁ କିଏ ସିଏମ୍ ହେବ, ତାହା ସ୍ଥିର ହୋଇନଥିଲା । ନିର୍ବାଚନ ଫଳାଫଳ ପରେ ଉଦ୍ଧବ ଏକନାଥ ସିନ୍ଦେଙ୍କୁ ବିଧାନସଭା ଦଳର ନେତା କରିଥିଲେ । ସେତେବେଳେ ଅନୁଭବ ହୋଇଥିଲା ଯେ ସିନ୍ଦେଙ୍କୁ ମୁଖ୍ୟମନ୍ତ୍ରୀ କରାଯିବ । କିନ୍ତୁ ଶରଦ ପାୱାର ଓ ସୋନିଆ ଗାନ୍ଧୀ ଚାହୁଁଥିଲେ ଯେ ଉଦ୍ଧବ ସିଏମ ହୁଅନ୍ତୁ । CM ପଦ ଗ୍ରହଣ କରିବାକୁ ଉଦ୍ଧବ ତାଙ୍କ ପରିବାରର ଚାପରେ ଥିଲେ । ଏଭଳି ପରିସ୍ଥିତିରେ ସିନ୍ଦେଙ୍କ ମୁଖ୍ୟମନ୍ତ୍ରୀ ହେବାର ସ୍ୱପ୍ନ ଅଧୁରା ରହିଗଲା ।

ଶିନ୍ଦେ କାହିଁକି ଅସନ୍ତୁଷ୍ଟ ଅଛନ୍ତି?

 ଏକନାଥ ସିନ୍ଦେଙ୍କ ଶିବସେନା ହାଇ କମାଣ୍ଡ ଉପରେ ଅସନ୍ତୋଷ ହେବା କଥା କିଛି ନୂଆ ନୁହେଁ । କୁହାଯାଉଛି ଯେ ସେ ମେଣ୍ଟର ୩ଟି ଦଳ ଶିବସେନା, କଂଗ୍ରେସ ଏବଂ ଏନସିପି ଉପରେ ରାଗିଛନ୍ତି । ଏହାପୂର୍ବରୁ, ଯେତେବେଳେ ଦେବେନ୍ଦ୍ର ଫଡନାଭିସ୍ ମୁଖ୍ୟମନ୍ତ୍ରୀ ଥିଲେ, ସେତେବେଳେ ମଧ୍ୟ ଶିବସେନା ହାଇକମାଣ୍ଡଙ୍କ ସହ ଏକନାଥ ସିନ୍ଦେଙ୍କ ବିବାଦ ଖବର ସାମ୍ନାକୁ  ଆସିଥିଲା । ତା’ପରେ ଏହା ମଧ୍ୟ କୁହାଯାଉଥିଲା ଯେ ଏକନାଥ ସିନ୍ଦେ ତାଙ୍କର ସମସ୍ତ ସମର୍ଥକଙ୍କ ସହ ବିଜେପିରେ ଯୋଗ ଦେଇ ପାରନ୍ତି । ଅବଶ୍ୟ, ସେହି ସମୟରେ ଏହି ରିପୋର୍ଟଗୁଡିକ ଭୁଲ ବୋଲି ପ୍ରମାଣିତ ହୋଇଥିଲା ଓ ସେ ନିଜେ ଏହାକୁ ଅସ୍ୱୀକାର କରିଥିଲେ । କିନ୍ତୁ ଏବେ ପୁଣି ଅସନ୍ତୋଷ କଥା ସାମ୍ନାକୁ ଆସିଛି ।