ଧୃତରାଷ୍ଟ୍ର, ଦରବାରୀ... ଉଦ୍ଧବ ଠାକରେଙ୍କ ଉପରେ ସିନ୍ଦେ ଗୋଷ୍ଠୀର ଆକ୍ରମଣ, ଜବାବ ଦେବାକୁ ମୈଦାନକୁ ଓହ୍ଲାଇଲେ ସଞ୍ଜୟ ରାଉତ

Maharashtra Politics: ସୋମବାର ସେ ବିଧାନସଭାରେ କହିଥିଲେ ଯେ, "ଆମେ ଉଦ୍ଧବ ଠାକରେଙ୍କୁ ଅପିଲ କରୁଛୁ କି ସେ ଦରବାରୀଙ୍କୁ ହଟାଇ ଦିଅନ୍ତୁ, ଯେଉଁମାନେ ତାଙ୍କୁ ଧୃତରାଷ୍ଟ୍ର କରିଦେଇଛନ୍ତି । ଆମେ ଆପଣଙ୍କୁ ଛାଡି ନାହୁଁ, ବରଂ ଆପଣଙ୍କଠାରୁ ଦୂରେ କରାଯାଇଛି ।"

ମୁମ୍ୱାଇ: Maharashtra Politics: ଶିବସେନା (Shiv Sena) ର ବିଦ୍ରୋହୀ ନେତା ଏକନାଥ ସିନ୍ଦେ (Eknath Shinde) ବର୍ତ୍ତମାନ ମୁଖ୍ୟମନ୍ତ୍ରୀ ହୋଇଛନ୍ତି । ବିଜେପି (BJP) ସହ ମିଶି ଗଠିତ ତାଙ୍କ ସରକାର ମଧ୍ୟ ବିଧାନସଭାରେ ସଂଖ୍ୟାଗରିଷ୍ଠତା ପ୍ରମାଣ କରିସାରିଛନ୍ତି । ଏହା ପରେ ମଧ୍ୟ ଶିବସେନାର ଉଦ୍ଧବ ଠାକରେ (Uddhav Thackeray) ଓ ଏକନାଥ ସିନ୍ଦେ କ୍ୟାମ୍ପ ମଧ୍ୟରେ ବାକ୍ ଯୁଦ୍ଧ ଜାରି ରହିଛି । ଏହି କ୍ରମରେ ଏକନାଥ ସିନ୍ଦେ ଗୋଷ୍ଠୀର ନେତା ଗୁଲାବରାଓ ପାଟିଲ ସିଧାସଳଖ ଉଦ୍ଧବ ଠାକରେଙ୍କୁ ଟାର୍ଗେଟ କରି ତାଙ୍କୁ ଧୃତରାଷ୍ଟ୍ର ବୋଲି କହିଛନ୍ତି । ଏହା ବ୍ୟତୀତ ସଞ୍ଜୟ ରାଉତଙ୍କ ସମେତ ଅନେକ ନେତାଙ୍କୁ ଇସାରା ଇସାରାରେ ଦରବାରୀ ନେତା କହିଛନ୍ତି । 

ସୋମବାର ସେ ବିଧାନସଭାରେ କହିଥିଲେ ଯେ, "ଆମେ ଉଦ୍ଧବ ଠାକରେଙ୍କୁ ଅପିଲ କରୁଛୁ କି ସେ ଦରବାରୀଙ୍କୁ ହଟାଇ ଦିଅନ୍ତୁ, ଯେଉଁମାନେ ତାଙ୍କୁ ଧୃତରାଷ୍ଟ୍ର କରିଦେଇଛନ୍ତି । ଆମେ ଆପଣଙ୍କୁ ଛାଡି ନାହୁଁ, ବରଂ ଆପଣଙ୍କଠାରୁ ଦୂରେ କରାଯାଇଛି ।" ସେ ଆଗକୁ କହିଛନ୍ତି ଯେ, ଯଦି ୪୦ ଜଣ ଲୋକ ଛାଡ଼ିଛନ୍ତି, ତେବେ ଏହା ସ୍ପଷ୍ଟ ଯେ ଦୀର୍ଘ ଦିନ ଧରି ନିଆଁ ଲାଗିଥିଲା । ନଚେତ୍ ଏହିପରି କେହି ନିଜ ଘର ଛାଡନ୍ତି ନାହିଁ । 

ବର୍ତ୍ତମାନ ବିଦ୍ରୋହୀ ବିଧାୟକଙ୍କ ବୟାନ ଉପରେ ଶିବସେନା ସାଂସଦ ସଞ୍ଜୟ ରାଉତ (Sanjay Raut) ଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ମଙ୍ଗଳବାର ଗଣମାଧ୍ୟମକୁ ସମ୍ୱୋଧନ କରି ସେ କହିଛନ୍ତି ଯେ, ଯେଉଁ ୪ ଜଣଙ୍କ ଉପରେ ସେ ଅଭିଯୋଗ ଲଗାଉଛନ୍ତି, ସେମାନଙ୍କ ଯୋଗୁଁ କ୍ଷମତାକୁ ଆସିଥିଲେ ଓ ଆଜି ବଦନାମ କରୁଛନ୍ତି । ସେହି ୪ ଜଣ ବ୍ୟକ୍ତି ଶିବସେନା ପ୍ରତି ବିଶ୍ୱସ୍ତ ଅଟନ୍ତି । ଉଦ୍ଧବ ଠାକରେ ନିଜେ ନିଷ୍ପତ୍ତି ନିଅନ୍ତି । ଉଦ୍ଧବ ଠାକରେ ଜଣେ ଅପରିଚିତ ବ୍ୟକ୍ତି ନଥିଲେ । ସେ ବାଲାସାହେବ ଠାକରେଙ୍କ ପୁତ୍ର, ନିଜେ ନିଷ୍ପତ୍ତି ନିଅନ୍ତି । ଦଳ ଛାଡ଼ୁଥିବା ଲୋକଙ୍କୁ କେବଳ ବାହାନା ଆବଶ୍ୟକ । ସଞ୍ଜୟ ରାଉତ ବିଦ୍ରୋହୀମାନଙ୍କୁ କହିଛନ୍ତି ଯେ, ବର୍ତ୍ତମାନ ଆପଣ ଦଳ ଛାଡିଛନ୍ତି, ବର୍ତ୍ତମାନ ଆପଣଙ୍କର କାର୍ଯ୍ୟ କରନ୍ତୁ ।

ଏହା ବି ପଢ଼ନ୍ତୁ:-'ଯିଏ ନୁପୂର ଶର୍ମାଙ୍କ ମୁଣ୍ଡ କାଟି ଆଣିବ, ମୋ ଘର ଦେଇଦେବି', ଅଜମେରର ସଲମାନ ଚିଶ୍ତିଙ୍କ ଭିଡିଓ ଭାଇରାଲ

ଏହା ବି ପଢ଼ନ୍ତୁ:-ଶିବସେନାର ବିଦ୍ରୋହୀ ବିଧାୟକଙ୍କ ଫେରିବାକୁ ନେଇ ବଡ଼ ବୟାନ ଦେଲେ ସଞ୍ଜୟ ରାଉତ; ଅଯୋଗ୍ୟତା ନୋଟିସ ଉପରେ ବି ସିନ୍ଦେଙ୍କୁ ଦେଲେ ଏହି ଜବାବ

ଏହା ବି ପଢ଼ନ୍ତୁ:-'ମୁଁ ୪ ଥର ମୁଖ୍ୟମନ୍ତ୍ରୀ ରହିଛି କିନ୍ତୁ ରାଜ୍ୟପାଳ ଥରେ ବି ପେଡା ଖୁଆଇ ନାହାଁନ୍ତି'

ରାଉତ କହିଛନ୍ତି ଯେ, "ଆମେ ପ୍ରକୃତ ଶିବସେନା । ଆମେ ଆଶା କରୁଛୁ ଶିବସେନାର ବିଦ୍ରୋହୀ ବିଧାୟକମାନେ ଶୀଘ୍ର ଫେରିବେ । ସେମାନେ ଆମର ଲୋକ, ସେମାନଙ୍କର ଦ୍ୱନ୍ଦ୍ୱ ଦୂର ହେବା ପରେ ସେମାନେ ଫେରି ଆସିବେ । ସିନ୍ଦେଙ୍କ ନେତୃତ୍ୱାଧୀନ ଶିବସେନା ଗୋଷ୍ଠୀ ଦ୍ୱାରା ପଠାଯାଇଥିବା ଉଦ୍ଧବ ଠାକରେ ଗୋଷ୍ଠୀର ବିଧାୟକଙ୍କ ଅଯୋଗ୍ୟତା ନୋଟିସ ଉପରେ ସେ କହିଛନ୍ତି ଯେ ଯଦି ସିନ୍ଦେ କ୍ୟାମ୍ପ ନୋଟିସ ଦେବାକୁ ଚାହୁଁଛନ୍ତି, ତେବେ ସେମାନଙ୍କୁ ଦିଅନ୍ତୁ । ଶିବସେନାକୁ ସମ୍ପୂର୍ଣ୍ଣ ବିଶ୍ୱାସ ଅଛି । ଯଦି ମଧ୍ୟାବଧି କାଳୀନ ନିର୍ବାଚନ ହୁଏ, ତେବେ ଆମେ ୧୦୦ ଆସନ ଜିତିବୁ ।"

ସୂଚନାଯୋଗ୍ୟ, ଗତକାଲି ସିନ୍ଦେ ଆସ୍ଥା ଭୋଟରେ ବିଜୟ ହାସଲ କରିଛନ୍ତି । ବିଧାନସଭାରେ ୧୬୪ ଜଣ ବିଧାୟକ ସିନ୍ଦେ ସରକାରଙ୍କୁ ସମର୍ଥନ କରିଛନ୍ତି । ବାଚସ୍ପତିଙ୍କ ଭୋଟ୍ ଗଣନା କରାଯାଇ ନଥିଲା, ନଚେତ୍ ଏହି ଭୋଟ୍ ୧୬୫ ହୋଇଥାନ୍ତା । ସେପଟେ ବିରୋଧୀ ସପକ୍ଷରେ ୯୯ ଭୋଟ ପଡ଼ିଛି । ଏହା ବ୍ୟତୀତ ମହାବିକାଶ ଅଘାଡ଼ିର ୮ ବିଧାୟକ ଭୋଟିଂ ସମୟରେ ଅନୁପସ୍ଥିତ ଥିଲେ ।