Lok Sabha Election 2024: ଦେଶର ସବୁଠାରୁ ପୁରୁଣା ଦଳ କଂଗ୍ରେସ ଆସନ୍ତା ଲୋକସଭା ନିର୍ବାଚନରେ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କ ମଧ୍ୟରେ ଦାୟିତ୍ୱ ବାଣ୍ଟିବାକୁ ଯାଉଛି । କୁହାଯାଉଛି ଯେ, ରାହୁଲ ଗାନ୍ଧୀ ଦକ୍ଷିଣ ଭାରତର ଦାୟିତ୍ୱ ସମ୍ଭାଳିବେ ଓ ପ୍ରିୟଙ୍କା ଗାନ୍ଧୀ ଭଦ୍ରା ଉତ୍ତର ଭାରତର ଦାୟିତ୍ୱ ନିଜ ହାତକୁ ନେବେ ।
Trending Photos
3
5
10
12 "Priyanka Gandhi Vadra: ୨୦୨୪ ଲୋକସଭା ନିର୍ବାଚନରେ ଏହି ଆସନରୁ ନିର୍ବାଚନ ଲଢ଼ିବେ ପ୍ରିୟଙ୍କା ଗାନ୍ଧୀ! କଂଗ୍ରେସ ପ୍ରସ୍ତୁତ କଲା ଖାସ୍ ପ୍ଲାନ୍")
Priyanka Gandhi Vadra Lok Sabha Election 2024: ଆଗାମୀ ଲୋକସଭା ନିର୍ବାଚନ ଅର୍ଥାତ ୨୦୨୪ ମସିହାରେ ହେବାକୁ ଥିବା ଲୋକସଭା ନିର୍ବାଚନ (Lok Sabha Election 2024) ପାଇଁ କଂଗ୍ରେସ (Congress) ଖାସ୍ ଯୋଜନା ପ୍ରସ୍ତୁତ କରୁଛି । ଦେଶର ସବୁଠାରୁ ପୁରୁଣା ଦଳ କଂଗ୍ରେସ ଆସନ୍ତା ଲୋକସଭା ନିର୍ବାଚନରେ ରାହୁଲ ଗାନ୍ଧୀ (Rahul Gandhi) ଓ ପ୍ରିୟଙ୍କା ଗାନ୍ଧୀ (Priyanka Gandhi) ଙ୍କ ମଧ୍ୟରେ ଦାୟିତ୍ୱ ବାଣ୍ଟିବାକୁ ଯାଉଛି । କୁହାଯାଉଛି ଯେ, ରାହୁଲ ଗାନ୍ଧୀ ଦକ୍ଷିଣ ଭାରତର ଦାୟିତ୍ୱ ସମ୍ଭାଳିବେ ଓ ପ୍ରିୟଙ୍କା ଗାନ୍ଧୀ ଭଦ୍ରା (Priyanka Gandhi Vadra) ଉତ୍ତର ଭାରତର ଦାୟିତ୍ୱ ନିଜ ହାତକୁ ନେବେ । ଏଠାରେ କହି ରଖୁଛୁ ଯେ, ରାହୁଲ ଗାନ୍ଧୀଙ୍କ ଭାରତ ଯୋଡ଼ୋ ଯାତ୍ରା (Bharat Jodo Yatra) ନୂଆ ବର୍ଷରେ ଉତ୍ତର ପ୍ରଦେଶରେ ପ୍ରବେଶ କରିବ ଓ ଏଠାରେ ତିନି ଦିନ ଚାଲିବ । ରାହୁଲ ଗାନ୍ଧୀଙ୍କ ସହ ପ୍ରିୟଙ୍କା ଗାନ୍ଧୀ ମଧ୍ୟ ଏହି ଯାତ୍ରାରେ ଅଂଶ ଗ୍ରହଣ କରିବେ ।
ହିମାଚଳ ପ୍ରଦେଶରେ ବିଧାନସଭା ନିର୍ବାଚନ ସମୟରେ ପ୍ରିୟଙ୍କା ଗାନ୍ଧୀ (Priyanka Gandhi) ଜୋରଦାର ପ୍ରଚାର କରିଥିଲେ । କଂଗ୍ରେସ (Congress) ଏଥିରୁ ଲାଭ ମଧ୍ୟ ପାଇଥିଲା । ହିମାଚଳରେ କଂଗ୍ରେସର ବିଜୟ ପରେ ଦଳ ଆସନ୍ତା ଲୋକସଭା ନିର୍ବାଚନରେ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ମଧ୍ୟରେ ଦାୟିତ୍ୱ ବାଣ୍ଟିବାର ରଣନୀତି ଉପରେ କାର୍ଯ୍ୟ କରୁଛି । କଂଗ୍ରେସର କେନ୍ଦ୍ରୀୟ ନେତାଙ୍କ ସହ ଅତି ନିକଟତର ଥିବା ସାମ୍ବାଦିକ ହିସାମ ସିଦ୍ଦିକି କହିଛନ୍ତି ଯେ, ରାହୁଲ ଗାନ୍ଧୀ ଦକ୍ଷିଣ ଭାରତର ଦାୟିତ୍ୱ ଗ୍ରହଣ କରିବେ ଓ କେରଳର ୱାୟାନାଡ ଆସନରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରନ୍ତି । ଅନ୍ୟପଟେ ପ୍ରିୟଙ୍କା ଗାନ୍ଧୀ ଉତ୍ତର ଭାରତରେ ଦାୟିତ୍ୱ ଗ୍ରହଣ କରିବେ ଓ ରାୟବରେଲି ଆସନ (Raebareli Lok Sabha Constituency) ରୁ ପ୍ରତିଦ୍ୱନ୍ଦ୍ୱିତା କରିପାରନ୍ତି ।
କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଦକ୍ଷିଣ ଭାରତର ଦାୟିତ୍ୱ ସମ୍ଭାଳି । ଏହାର ଅର୍ଥ ନୁହେଁ ଯେ ସେ ଉତ୍ତର ଭାରତ ରାଜ୍ୟରେ ପ୍ରଚାର କରିବେ ନାହିଁ । ସେ ଉତ୍ତର ଭାରତରେ ମଧ୍ୟ ପ୍ରଚାର କରିବେ, ଯଦିଓ ଏହାର କମାଣ ତାଙ୍କ ଭଉଣୀ ପ୍ରିୟଙ୍କା ଗାନ୍ଧୀଙ୍କ ହାତରେ ରହିବ । ଦଳର ନେତାଙ୍କ ଅନୁଯାୟୀ କଂଗ୍ରେସ ଦଳ ଏଥର ଉତ୍ତର ପ୍ରଦେଶ ଉପରେ ଧ୍ୟାନ ଦେବାକୁ ଚାହୁଁଛି ଓ ପ୍ରିୟଙ୍କା ଗାନ୍ଧୀ ବର୍ତ୍ତମାନ ୟୁପିରେ ଦଳକୁ ମଜବୁତ କରିବାକୁ ସମ୍ପୂର୍ଣ୍ଣ ଧ୍ୟାନ ଦେବେ ।
ଅଧିକ ପଢ଼ନ୍ତୁ:-ପୁରୁଷଙ୍କ ଯୌନ ସମସ୍ୟା ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ ଅଁଳା; ଏହି ଉପାୟରେ କରନ୍ତୁ ସେବନ, ମିଳିବ ଆଶ୍ଚର୍ଯ୍ୟଜନକ ଲାଭ
ଅଧିକ ପଢ଼ନ୍ତୁ:-ଦିନିକିଆ ବିଶ୍ୱକପ ୨୦୨୩ରେ ଭାରତ-ପାକିସ୍ତାନ ମଧ୍ୟରେ ଖେଳାଯିବ ମ୍ୟାଚ୍! ସାମ୍ନାକୁ ଆସିଲା ଏହି ବଡ଼ ଅପଡେଟ୍
ଅଧିକ ପଢ଼ନ୍ତୁ:-BCCI ହଠାତ୍ ବଦଳାଇଲା ଟି-20 ଦଳର ଅଧିନାୟକ! ଶ୍ରୀଲଙ୍କା ସିରିଜ୍ ପୂର୍ବରୁ ହେବ ବଡ଼ ଘୋଷଣା
ପ୍ରିୟଙ୍କା ଗାନ୍ଧୀଙ୍କ PR ଟିମର ଲୋକମାନେ ମଧ୍ୟ ଦାବି କରିଛନ୍ତି ଯେ ରାହୁଲ ଗାନ୍ଧୀ ବର୍ତ୍ତମାନ ଦକ୍ଷିଣ ଭାରତରେ ଓ ପ୍ରିୟଙ୍କା ଉତ୍ତର ପ୍ରଦେଶ ସମେତ ସମଗ୍ର ଉତ୍ତରରେ କମାଣ ସମ୍ଭାଳିବେ । ପ୍ରିୟଙ୍କା ଗାନ୍ଧୀ ଲକ୍ଷ୍ନୌ ଓ ଦିଲ୍ଲୀରେ ରହି ଭାରତୀୟ ଜନତା ପାର୍ଟି (BJP) ର ରଣନୀତି ଧ୍ୱସ୍ତ କରିବାର କାର୍ଯ୍ୟରେ ଲାଗିବେ । ଉତ୍ତର ପ୍ରଦେଶ ବିଧାନସଭା ନିର୍ବାଚନରେ କଂଗ୍ରେସ ଦଳକୁ ଲାଭ ମିଳି ନଥିଲା ମଧ୍ୟ ପ୍ରିୟଙ୍କା ଗାନ୍ଧୀଙ୍କ କଠିନ ପରିଶ୍ରମରେ କୌଣସି କମି ନଥିଲା । ଦଳର ନେତାମାନେ କହିଛନ୍ତି ଯେ, ଯଦି ପ୍ରିୟଙ୍କା ଗାନ୍ଧୀ ଦାୟିତ୍ୱ ସମ୍ଭାଳନ୍ତି, ତେବେ ୟୁପି ସମେତ ସମଗ୍ର ଉତ୍ତର ଭାରତରେ ଦଳ ଉପକୃତ ହେବ । ଏଥି ସହ ରାହୁଲ ଗାନ୍ଧୀଙ୍କ କାରଣରୁ ଦକ୍ଷିଣ ଭାରତରେ ଦଳର ସ୍ଥିତି ଆହୁରି ମଜବୁତ ହେବ ।
