ରାଜସ୍ଥାନର ପୌର ନିର୍ବାଚନରେ ୬୨୦ଟି ଆସନ ଜିତିଲା କଂଗ୍ରେସ, ତୃତୀୟ ସ୍ଥାନରେ ରହିଲା ବିଜେପି

ଜୟପୁର: ରାଜସ୍ଥାନରେ ପୌର ନିର୍ବାଚନର ଫଳାଫଳ ଆସିଯାଇଛି । କଂଗ୍ରେସ ୬୨୦ ୱାର୍ଡ ଜିତିବାରେ ସଫଳ ହୋଇଥିବାବେଳେ ସ୍ୱାଧୀନ ପ୍ରାର୍ଥୀଙ୍କ ହାତକୁ ୫୯୫ ୱାର୍ଡ ଯାଇଛି । ବିଜେପିକୁ ତୃତୀୟ ସ୍ଥାନରେ ସନ୍ତୁଷ୍ଟ ହେବାକୁ ପଡିଛି, ଦଳ ୫୪୮ ୱାର୍ଡ ଜିତିଛି । ୫୦ଟି ସହରାଞ୍ଚଳ ସ୍ଥାନୀୟ ନିର୍ବାଚନ ମୋଟ ୧,୭୭୫ ୱାର୍ଡରେ ଅନୁଷ୍ଠିତ ହୋଇଥିଲା ।

ଅଧିକ ପଢ଼ନ୍ତୁ:-ରାଜସ୍ଥାନରେ କଂଗ୍ରେସକୁ ଝଟକା, ବିଜେପି ଜିତିଲା ୨୧ରୁ ୧୩ଟି ଆସନ

ନିର୍ବାଚନ କମିଶନର ପିଏସ୍ ମେହେରା କହିଛନ୍ତି ଯେ ଡିସେମ୍ବର ୧୧ରେ ରାଜ୍ୟର ୫୦ଟି ପୌର ସଂସ୍ଥା ପାଇଁ ମତଦାନ ଅନୁଷ୍ଠିତ ହୋଇଥିଲା । ଯେଉଁଥିରେ ୭୯.୯୦ ପ୍ରତିଶତ ମତଦାନ ହୋଇଥିଲା । ୧୭୭୫ ୱାର୍ଡରେ କଂଗ୍ରେସ ୬୨୦, ବିଜେପି ୫୪୮, ବିଏସପି ୭, ସିପିଆଇ ୨, ସିପିଆଇ (ଏମ) ୨, ଆରଏଲପିକୁ ଗୋଟିଏ ଏବଂ ୫୯୫ ସ୍ୱାଧୀନ ପ୍ରାର୍ଥୀ ଜିତିଛନ୍ତି ।

ଅଧିକ ପଢ଼ନ୍ତୁ:-ଏନଡିଏରେ କୁଶୱାହାଙ୍କ ଏଣ୍ଟ୍ରି, ଚିରାଗଙ୍କୁ ବାହାରର ରାସ୍ତା! ଜାଣନ୍ତୁ ବିହାରର ନୂଆ ରାଜନୈତିକ ସମୀକରଣ

ଅଧ୍ୟକ୍ଷ ପଦ ପାଇଁ ଡିସେମ୍ବର ୧୪ରେ ସର୍ବସାଧାରଣ ସୂଚନା ଜାରି କରାଯିବ ବୋଲି ସେ ସୂଚନା ଦେଇଛନ୍ତି । ଡିସେମ୍ବର ୧୫ରେ ଅପରାହ୍ନ ୩ଟା ସୁଦ୍ଧା ନାମାଙ୍କନପତ୍ର ଦାଖଲ କରାଯାଇପାରିବ । ସେ ସୂଚନା ଦେଇଛନ୍ତି ଯେ ନାମାଙ୍କନପତ୍ର ଦାଖଲ କରିବାର ତାରିଖ ଡିସେମ୍ବର ୧୬ ଥିବାବେଳେ ଡିସେମ୍ବର ୧୭ରେ ଅପରାହ୍ନ ୩ଟା ସୁଦ୍ଧା ନାମାଙ୍କନ ପ୍ରତ୍ୟାହାର କରାଯିବ । ନାମାଙ୍କନ ସମୟ ସମାପ୍ତ ହେବା ପରେ ତୁରନ୍ତ ଡିସେମ୍ବର ୧୭ରେ ନିର୍ବାଚନୀ ଚିହ୍ନ ବଣ୍ଟନ କରାଯିବ । ଅନ୍ୟପଟେ କଂଗ୍ରେସର ବିଜୟକୁ ନେଇ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଦଳୀୟ କର୍ମୀଙ୍କୁ ଅଭିନନ୍ଦନ ଜଣାଇଛନ୍ତି ।