ୟୁପି ନିର୍ବାଚନକୁ ନେଇ ଲକ୍ଷ୍ନୌରେ ପ୍ରିୟଙ୍କାଙ୍କ ବଡ଼ ବୈଠକ, କଂଗ୍ରେସ ଶିବିରରୁ ଆସିଲା ଏହି ଖବର

ନୂଆଦିଲ୍ଲୀ: UP Assembly Election 2022: ଆଗାମୀ ବର୍ଷରେ ଉତ୍ତର ପ୍ରଦେଶରେ ବିଧାନସଭା ନିର୍ବାଚନ ହେବାର ଅଛି । ଏହା ପୂର୍ବରୁ ସମସ୍ତ ରାଜନୈତିକ ଦଳ ନିଜ ନିଜ ପ୍ରସ୍ତୁତିରେ ଲାଗିଛନ୍ତି । ଏହି କ୍ରମରେ ଆଜି (ସୋମବାର)  କଂଗ୍ରେସ ସାଧାରଣ ସମ୍ପାଦକ (Congress General Secretary) ପ୍ରିୟଙ୍କା ଗାନ୍ଧୀ ଭଦ୍ରା (Priyanka Gandhi Vadra) ନିର୍ବାଚନକୁ ନେଇ ଦଳୀୟ ନେତାଙ୍କ ସହ ମାନସ ମନ୍ଥନ କରିଛନ୍ତି । ପ୍ରିୟଙ୍କା ଲକ୍ଷ୍ନୌରେ ମନିଫେଷ୍ଟୋ କମିଟି ଓ କ୍ୟାମ୍ପେନ କମିଟି ସହିତ ଏକ ବୈଠକ କରିଛନ୍ତି । ଏହାସହ ବିଧାନସଭା ନିର୍ବାଚନ ପାଇଁ ପ୍ରସ୍ତୁତି ବିଷୟରେ ଆଲୋଚନା କରିଛନ୍ତି । ଏହି ସମୟରେ ଜନତାଙ୍କ ମତରୁ ପ୍ରସ୍ତୁତ ମନିଫେଷ୍ଟୋକୁ ଚୂଡାନ୍ତ କରିବା ଉପରେ ଏକ ଆଲୋଚନା ହୋଇଛି ।

ପ୍ରିୟଙ୍କା ଗାନ୍ଧୀ (Priyanka Gandhi) କହିଛନ୍ତି ଯେ ୟୁପି କଂଗ୍ରେସ (UP Congress) ର ମନିଫେଷ୍ଟୋରେ ଯୁବକ, କୃଷକ, ମହିଳା, ବ୍ୟବସାୟୀ, ବଞ୍ଚିତ ବର୍ଗ ସମେତ ସମସ୍ତ ବର୍ଗର ସ୍ୱରକୁ ସ୍ଥାନ ଦିଆଯାଇଛି । ସେ କହିଛନ୍ତି ଯେ କଂଗ୍ରେସର ଇସ୍ତାହାର ଉତ୍ତରପ୍ରଦେଶର ଅଗ୍ରଗତି ପାଇଁ ପଥ ପରିଷ୍କାର କରିବାର ଏକ ଦସ୍ତାବିଜ ହେବ ।

ପ୍ରିୟଙ୍କାଙ୍କ ନାରା 'ଲଡ଼କୀ ହୁଁ, ଲଢ଼ ସକତୀ ହୁଁ'

ଆପଣଙ୍କୁ କହିରଖୁଛୁ ଯେ କଂଗ୍ରେସର ଜାତୀୟ ସାଧାରଣ ସମ୍ପାଦକ ତଥା ଉତ୍ତରପ୍ରଦେଶର ଦାୟିତ୍ୱରେ ଥିବା ପ୍ରିୟଙ୍କା ଗାନ୍ଧୀ ଭଦ୍ରା ୟୁପି ନିର୍ବାଚନ ପାଇଁ 'ଲଡ଼କୀ ହୁଁ, ଲଢ଼ ସକତୀ ହୁଁ' ନାରା ଦେଇଛନ୍ତି । ସେ ପ୍ରତିଶ୍ରୁତି ଦେଇଛନ୍ତି ଯେ ଯଦି ଉତ୍ତରପ୍ରଦେଶରେ କଂଗ୍ରେସ ସରକାର ଗଠନ ହୁଏ, ତେବେ ଚାଷୀଙ୍କ ସମ୍ପୂର୍ଣ୍ଣ ଋଣ ଛାଡ କରାଯିବ ଓ ମହିଳାମାନଙ୍କୁ ଗୋଟିଏ ବର୍ଷରେ ତିନିଟି ଘରୋଇ ଗ୍ୟାସ ସିଲିଣ୍ଡର ମାଗଣାରେ ଦିଆଯିବ ।

ପ୍ରିୟଙ୍କା ଗାନ୍ଧୀ ଏହା ମଧ୍ୟ ଘୋଷଣା କରିଛନ୍ତି ଯେ କୋରୋନା ଅବଧିରେ ଆର୍ଥିକ ସଙ୍କଟ କାରଣରୁ ଯେଉଁମାନେ ବିଦ୍ୟୁତ୍ ବିଲ୍ ପୈଠ କରି ନାହାଁନ୍ତି ସେମାନଙ୍କ ବିଦ୍ୟୁତ୍ ବିଲ୍ ମଧ୍ୟ ଛାଡ କରାଯିବ । ଏହାସହ ସେ ଏହା ମଧ୍ୟ କହିଛନ୍ତି କଂଗ୍ରେସ ସରକାର ଗଠନ ହେବା ପରେ ଯଦି କୌଣସି ରୋଗ ହୁଏ, ତେବେ ସରକାର ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସହାୟତା ଯୋଗାଇବେ ।