ଗୁରୁଗ୍ରାମରେ ହତ୍ୟା, ପଟିଆଲାରୁ ମିଳିଲା କାର ... ୪୮ ଘଣ୍ଟା ପରେ ବି ମିଳୁନି ଦିବ୍ୟାଙ୍କ ମୃତ ଶରୀର

Crime News: ଗୁରୁଗ୍ରାମର ଏକ ହୋଟେଲରୁ ମୃତଦେହକୁ ନେବା ପାଇଁ ବ୍ୟବହୃତ ହୋଇଥିବା ବିଏମଡବ୍ଲୁ କାର (BMW Car)କୁ ପଞ୍ଜାବର ପଟିଆଲା ନିକଟରୁ ପୋଲିସ ଉଦ୍ଧାର କରିଛି। ପଞ୍ଜାବର ପଟିଆଲା ବସ୍ ଷ୍ଟାଣ୍ଡ ନିକଟରେ ପୋଲିସ ଏହି ଗାଡିଟିକୁ ଜବତ କରିଛି।

Crime News: ପୂର୍ବତନ ମଡେଲର ଦିବ୍ୟା ପାହୁଜାଙ୍କ ମୃତ୍ୟୁକୁ ୪୮ ଘଣ୍ଟା ବିତିଯାଇଥିଲେ ବି ବର୍ତ୍ତମାନ ସୁଧା ମୃତଦେହର ସନ୍ଧାନ ମିଳିନାହିଁ। ଗୁରୁଗ୍ରାମ ପୋଲିସ ଏନେଇ ତଦନ୍ତ କରୁଥିବା ବେଳେ ଦିବ୍ୟାକୁ ହତ୍ୟା କରିଥିବା ଅଭିଯୁକ୍ତଙ୍କ ପରିଚୟ ମିଳିଛି। ଗୁରୁଗ୍ରାମର ଏକ ହୋଟେଲରୁ ମୃତଦେହକୁ ନେବା ପାଇଁ ବ୍ୟବହୃତ ହୋଇଥିବା ବିଏମଡବ୍ଲୁ କାର (BMW Car)କୁ ପଞ୍ଜାବର ପଟିଆଲା ନିକଟରୁ ପୋଲିସ ଉଦ୍ଧାର କରିଛି। ପଞ୍ଜାବର ପଟିଆଲା ବସ୍ ଷ୍ଟାଣ୍ଡ ନିକଟରେ ପୋଲିସ ଏହି ଗାଡିଟିକୁ ଜବତ କରିଛି। ତେବେ କାରଟି ଲକ୍ ପଡିଥିଲା ​​ଏବଂ ଦିବ୍ୟାଙ୍କ ମୃତଦେହ ଏହି କାରରେ ଥିଲା କି ନାହିଁ ତାହା ଏପର୍ଯ୍ୟନ୍ତ ପୋଲିସ ନିଶ୍ଚିତ କରି ନାହିଁ। ପଞ୍ଜାବର କୌଣସି ଏକ ନଦୀରେ ଦିବ୍ୟାଙ୍କ ମୃତଦେହ ପକାଯାଇ ଥାଇପାରେ ବୋଲି ପୋଲିସ ପୂର୍ବରୁ ଆଶଙ୍କା ପ୍ରକାଶ କରିଥିଲା।

ଦୁଇ ଅଭିଯୁକ୍ତଙ୍କୁ ପୋଲିସ ଖୋଜୁଛି

ଗୁରୁଗ୍ରାମ ପୋଲିସର ଡେପୁଟି କମିଶନର (କ୍ରାଇମ) ବିଜୟ ପ୍ରତାପ ସିଂ କହିଛନ୍ତି ଯେ, ସନ୍ଦେହ କରାଯାଉଛି ଯେ ବଲରାଜ ଏବଂ ରବି ବଙ୍ଗର ଦିବ୍ୟାଙ୍କ ମୃତଦେହକୁ ପଞ୍ଜାବକୁ ଆଣିଥିଲେ । ଏବେ ଦୁହେଁ ଫେରାର୍ ଅଛନ୍ତି। ଉଭୟଙ୍କୁ ଖୋଜାଖୋଜି କରାଯାଉଛି। ଦିବ୍ୟା ଏବଂ ମୁଖ୍ୟ ହତ୍ୟାକାରୀ ସନ୍ଦିଗ୍ଧ ଅଭିଜିତ ସିଂଙ୍କ ଫୋନ୍ ମଧ୍ୟ ଉଦ୍ଧାର କରାଯାଇଛି ବୋଲି ପୋଲିସ ସୂଚନା ଦେଇଛି। ତେବେ ଦିବ୍ୟାଙ୍କ ଭଉଣୀ କହିଛନ୍ତି ଯେ, ତାଙ୍କ ପାଖରେ ଆଉ ଏକ ଫୋନ୍ ଥିଲା, ଯାହାକୁ ଏବେ ପୋଲିସ ଖୋଜୁଛି।

ଜାନୁଆରୀ ୨ ରେ ଅଭିଜିତଙ୍କ ମାଲିକାନାରେ ଥିବା ଗୁରୁଗ୍ରାମର ସେଣ୍ଟର୍ ପଏଣ୍ଟ ହୋଟେଲରେ ଦିବ୍ୟା ପାହୁଜାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଥିଲା। ଗୁରୁଗ୍ରାମ କ୍ରାଇମ ବ୍ରାଞ୍ଚ ଦିବ୍ୟାଙ୍କ ମୃତ୍ୟୁ ମାମଲାରେ ଅଭିଜିତଙ୍କ ବ୍ୟତୀତ ପ୍ରକାଶ ଏବଂ ଇନ୍ଦ୍ରଜଙ୍କୁ ଗିରଫ କରିଛି। ପ୍ରକାଶ ଏବଂ ଇନ୍ଦ୍ରଜ ଅଭିଜିତଙ୍କ ହୋଟେଲରେ କାମ କରୁଥିଲେ। ସିସିଟିଭି ଫୁଟେଜ ଅନୁଯାୟୀ ଅଭିଜିତ୍ ନୀଳ ରଙ୍ଗର ବିଏମଡବ୍ଲୁ କାରରେ ଦିବ୍ୟାଙ୍କ ଶରୀର ସହ ଫେରାର ହୋଇଥିଲେ।

ଜାନୁଆରୀ ୨ ରେ ଆସିଥିଲା କଲ୍
ଗୁରୁଗ୍ରାମ ପୋଲିସର ସୂଚନାନୁସାରେ, ଜାନୁଆରୀ ୨ ରେ ଅଭିଜିତଙ୍କ ହୋଟେଲକୁ ଲିଜରେ ନେଇଥିବା ଅନୁପ ନାମକ ଜଣେ ବ୍ୟକ୍ତିଙ୍କଠାରୁ ପୋଲିସ୍ ଷ୍ଟେସନକୁ କଲ ଆସିଥିଲା। ଉକ୍ତ ବ୍ୟକ୍ତି ଜଣକ ନିଜ ମାଲିକଙ୍କ କୋଠରୀରେ ଏକ ଶବ ମିଳିଥିବା ପୋଲିସକୁ ଜଣାଇଥିଲେ। ରାତି ୯ ଟାରେ ପୋଲିସ ଘଟଣାସ୍ଥଳରେ ପହଞ୍ଚି ଅଭିଜିତଙ୍କ ରୁମ ନମ୍ବର ୧୧୪ ଯାଞ୍ଚ କରିଥିଲା ​​କିନ୍ତୁ ସେଠାରେ କିଛି ପାଇନଥିଲା।

ଏହା ପରେ ପୋଲିସ ଅନୁପଙ୍କଠାରୁ ସିସିଟିଭି ଫୁଟେଜ ମାଗିଥିଲା,  ​​ଯେଉଁଥିରେ ଜଣାପଡିଥିଲା ଯେ, ଅଭିଯୁକ୍ତ ଦିବ୍ୟାଙ୍କ ମୃତଦେହ ନେଇ ଫେରାର ହୋଇଯାଉଛନ୍ତି। ଏହା ସହିତ ଯେତେବେଳେ ପୋଲିସ ସିସିଟିଭି ଦେଖୁଥିଲା, ଜଣାପଡିଥିଲା ​​ଯେ ଅଭିଜିତ୍, ଦିବ୍ୟା ଏବଂ ଅନ୍ୟ ଜଣେ ବ୍ୟକ୍ତି ଜାନୁଆରୀ ୨ ଭୋର୍ ୪ ଟାରେ ହୋଟେଲ ରିସେପ୍ସନକୁ ଆସି ୧୧୧ ନମ୍ବର ରୁମକୁ ଯାଇଥିଲେ।

ପୋଲିସ ସିସିଟିଭି ଯାଞ୍ଚ କରିଛି 
ଏହି କୋଠରୀରେ ଦିବ୍ୟାଙ୍କ ମୃତଦେହ ଲୁଚାଇ ରଖାଯାଇଥିଲା, କିନ୍ତୁ ପୋଲିସ ସେହି ସମୟରେ ୧୧୪ ନମ୍ବର ରୁମ୍ ଖୋଜୁଥିଲା। ଜାନୁଆରୀ ୨ରେ ରାତି ୧୦.୪୫ରେ ସିସିଟିଭି ଫୁଟେଜ୍ ଅନୁଯାୟୀ, ତିନି ଅଭିଯୁକ୍ତ ଦିବ୍ୟାଙ୍କ ମୃତଦେହକୁ ଏକ ବେଡସିଟରେ ଗୁଡ଼ାଇ ହୋଟେଲରୁ ବିଏମଡବ୍ଲୁ କାରରେ ନେଇ ଯାଉଥିଲେ।